LUKAS 8:12 - Allah Wene Fano Wene Hupla Inane

¹² Kwe ebekhalem pisikhe andi ebe re, it afuni ekhe Allah ane inesanggo holharesik, eberogoat iluk wanhunem, Allah nen inebe telinabinogo iluk, Iblis wagaresik he, wene inendawimo nen henogo waluk lagarek andi aro.

LUKAS 8:12 Iomraidhean Croise

AMSAL 1:29

Hit he, wene hinelu logou mondok hinabit logolik, Tuhan hinailorogo ane hologo logou hinabit mondok welagep andi.

AMSAL 4:5

Hebe mondok hebelek mene a'luk hendawinggen kagalek mene logoino! An nen komothafirek mene andoma re herak figi'lek eberek mondok logoino,” iluk yaganeti laga.

YESAYA 65:11

Oba nen he it An hera'nobagaluk laga logolik, punu Sion An nandom mondok horek mene a'nogo inambotma fuluk inobakhe nigik hilingiti logolik, iren mene inandugwi kembu Gad inom Meni inom omanogo nen ambisangma heligik saburigik ugun mene faget isagaisogo fuluk wogotarek mene andoma inoba re a'nogo hogoin lego.

MATIUS 13:19

Awi feik ekhe ebekhalem lakfesikhe andi ebe re, it afuni ekhe Allah awe a'ma fisikherek wene andi inesanggo holharesigat he, ebe furogo futfigi'lek halok, at obabut weak mene a'nogo wagaresik he, wene inendawinggenma awi yago mene andi henegeisogo helaluk lagarek andi aro.

MATIUS 13:4

Wulifikhesik, feik lakfilik lagunem he, enggen ekhe kwe ebekhalem pilik lagaikhe. Pugunem he, sue wagaikhesik felelenghogo mondok nasikhe.

MARKUS 4:15

Nen, awi feik ekhe ebekhalem lakfesikhe andi ebe re, it afuni ekhe nen Allah ane inesanggo holharesi'mo nen, Iblis fageat wagaresik he, wene inendawinggenma yago mene andi henegeisogo waluk lagarego.

LUKAS 8:11

A'nogo yagaisasikhesik he, hobuk ekhe mel yagaisasikhe: ”Wene oba lirogo yagahisigi a'nogo ebe yi. Feik lakfilik lagaikhe igi a'nogo re, ebe Allah ane andi aro.

LUKAS 8:13

Nen, helep oba pisikhe mene andi ebe re, it afuni ekhe Allah ane andi inesanggo holharesik he, inendawimo agaiyek hikhi logolik wanharesigat he, inendawinggenma omanggen yati'legen eberogoat iluk endebat enek anggaluk were'ma, weak hilingisuageluk inendawimo kagali wagunem he, arat kobokhogo herakfisaluk wulifarek andi aro.

LUKAS 8:5

”Ap ekhe yabu waganogo awi yaterek mene awi feik lakfeigeluk wulifikhe. Wulifikhesik, feik lakfilik lagunem he, enggen ekhe kwe ebekhalem pilik lagaikhe. A'nogo pugunem afuni laga logolik he, ineisogen alperelogo filik lagaukwama re, sue tarogo nikherek mene wagaikhesik felelenghogo nasikhe.