LUKAS 8:11 - Allah Wene Fano Wene Hupla Inane

¹¹ A'nogo yagaisasikhesik he, hobuk ekhe mel yagaisasikhe: ”Wene oba lirogo yagahisigi a'nogo ebe yi. Feik lakfilik lagaikhe igi a'nogo re, ebe Allah ane andi aro.

LUKAS 8:11 Iomraidhean Croise

YESAYA 8:20

A'nogo yagahisugu halok he, hiren onggo yi'nogo yagaisano, ”Tuhan nen wene yaganisikhe mene andi hinesanggo holini o! Ap ekhe wene yaganisasikhe mene andi higithogo agarek lek mene halok he, hobuk ninggi'nogo hilinglasigin iluk obakhe palegat werego,” iluk yagaisano.

MATIUS 13:18

A'nogo yagaisasikhesik, ekhe mel yagaisasikhe: ”Wene ap ekhe feik lakfilik lagaikhe iluk oba lirogo yagahisigi a'nogo, ebe yagahisagain yi futfeni o.

MATIUS 13:19

Awi feik ekhe ebekhalem lakfesikhe andi ebe re, it afuni ekhe Allah awe a'ma fisikherek wene andi inesanggo holharesigat he, ebe furogo futfigi'lek halok, at obabut weak mene a'nogo wagaresik he, wene inendawinggenma awi yago mene andi henegeisogo helaluk lagarek andi aro.

MARKUS 4:13

At Yesus nen a'nogo yagaisasikhesik, hobuk mel yagaisasikhe: ”Hit he, wene oba lirogo yagahisigi a'nogo futfigi'lek hinonggot welagep halok he, hobuk wene yiba litik, tiba litik, yagahisugunem he, ninggi'nogo futfembik hinelu asigin.

LUKAS 8:12

Kwe ebekhalem pisikhe andi ebe re, it afuni ekhe Allah ane inesanggo holharesik, eberogoat iluk wanhunem, Allah nen inebe telinabinogo iluk, Iblis wagaresik he, wene inendawimo nen henogo waluk lagarek andi aro.

YAKOBUS 1:21

Andi nenat, yi weak ti weak inenggali lek hilingirik nikhi lagep mene andi herakfisigik, weak hokhorogoat hilingirik nikhi lagep mene andi herakfisigik, ikhi logoino o. Wene fano wene Allah nen hinendawimo awi yagaisogo fikhe mene andiba elok telhinabigin andi nen he, at awe a'ma kuluk, aren wene hinendawinggenma kagali'logo mene andiat wanhi logoino o.