LUKAS 7:9 - Allah Wene Fano Wene Hupla Inane

⁹ Yagatukwama, at Yesus nen he, mel isikhe: ”Ap andi nailo e,” iluk, fogeratikhesik he, elokhe hebekhogo afuni hokhorogo ombo'ne lagaukwa mene omanogo mel yagaisasikhe: ”Ap andi endawinggen an noba himbiret fikhe andi hangge, it afuni Israel mene ekhe inendawinggen a'nogo himbiret fugunem isigirek lek mene nailo e,” iluk isikhe.

LUKAS 7:9 Iomraidhean Croise

MATIUS 15:28

A'nogo yagatikhemo, at Yesus nen he, ”He yi nerei e. Haren he, Aren higitnabigin, iluk hendawinggen noba mondok himbiret fegen andi nen he, hendawimo anggegen andi higithogo higithesigin o,” iluk ugu kwelek aremnogoat, eak a'nogo fano agaikhe.

MATIUS 8:10

at Yesus esanggo holhikhesik he, afuni at ombo'ne lagaukwa mene omanogo mel yagaisasikhe: ”Eige! Ap yi endawinggen noba eberogoat himbiret fikhe andi hak, it afuni Israel mene ekhe inendawinggen a'nogo himbiret fugunem isigirek lek mene nailo e, iluk eberogoat yagahisigi o.

MATIUS 9:33

Waluk wagaukwama re, at Yesus nen munggwarengge obabut weak mene ap a'nogo endawimo kwisikhesik were'ma henegeisogo wulakfesikhemo, ap a'nogo ane huakhogo isikhe. A'nogo hilingitikhemo re, it afuni hokhorogo welagaukwa mene nen Yesus fogerati logolik he, mel isukwa: ”Nit afuni Israel mene ekhe nen yi'nogo hilingitunem nineilenggen isogorek lek mene nailo e,” iluk fogeratukwa.

LUKAS 7:10

A'nogo yagaisasikhemo, it yonggo wagaukwa mene omanogo inaiba lagaukwa hak he, ap it inoe tentara mene amingmingengge mene a'nogo arat fano agaikhesik were'ma ineilenggen ha lagaukwa.

LUKAS 7:50

Yesus nen he a'nogo yagati logolik he, mel yagatikhe: ”Hat hendawinggen eberogo nenat noba himbiret fegen andi nen telhafi o. Halok he, hendawimo fanorogo haiba lan o,” iluk lakfesikhe.

LUKAS 7:8

An ogo re, nogogwi kaindek mene inawe a'ma logolik, inane holhik, nen an nagoromi tentara mene andi an nawe a'ma logolik, an nane holhik, hilingitorek andi nen he, an nen, at ekhe, lano, iluk yagati halok lagarek. Nen, ekhe, eme o iluk yagati halok he, wagaregaro. Nen, namingmingengge ekhe, yi hilingisin, iluk yagati halok he, hilingiteregaro, iluk yagahesuageluk lakninobagai wagama wago,” iluk yagatukwa.