LUKAS 7:8 - Allah Wene Fano Wene Hupla Inane

⁸ An ogo re, nogogwi kaindek mene inawe a'ma logolik, inane holhik, nen an nagoromi tentara mene andi an nawe a'ma logolik, an nane holhik, hilingitorek andi nen he, an nen, at ekhe, lano, iluk yagati halok lagarek. Nen, ekhe, eme o iluk yagati halok he, wagaregaro. Nen, namingmingengge ekhe, yi hilingisin, iluk yagati halok he, hilingiteregaro, iluk yagahesuageluk lakninobagai wagama wago,” iluk yagatukwa.

LUKAS 7:8 Iomraidhean Croise

LUKAS 7:7

Nen an nen, at oba lagain iluk anggigi mene ogore elo'legat. We, at ane nek healumo nen he, an namingmingengge mene yi fano asigin o.

LUKAS 7:9

Yagatukwama, at Yesus nen he, mel isikhe: ”Ap andi nailo e,” iluk, fogeratikhesik he, elokhe hebekhogo afuni hokhorogo ombo'ne lagaukwa mene omanogo mel yagaisasikhe: ”Ap andi endawinggen an noba himbiret fikhe andi hangge, it afuni Israel mene ekhe inendawinggen a'nogo himbiret fugunem isigirek lek mene nailo e,” iluk isikhe.

KISAH PARA RASUL 23:17

Elurogo yagasi kwisikhemo, at Paulus nen ap tentara mene kain ekhe ebe wolhasikhesik he, mel yagatikhe: ”Noe. Ap alage yi nen, hinoe kain a'nogo wene ekhe yagasigin werego. Halok, haren at oba waluk lan o,” iluk yagatikhe.

KISAH PARA RASUL 23:23

A'nogo hilingitikhesik ap tentara esa folhi lagaukwa mene inoe kain a'nogo nen he, ap kaindek at awe a'ma welagaukwa mene inebe pire wolisasikhesik he, mel yagaisasikhe: ”Hiren ap tentara mene inebe 200 nen inom, wam kuda oba inebe hurek logolik weim yafarek mene inebe 70 nen inom, sikhe sigeba inoatarek mene inebe 200 nen inom, inom hokhorogoat andogerinabimbik he, yogondak hubanggo jam 9 o Kaisarea lobagaigen iluk wendeberogo fisano o.

KISAH PARA RASUL 23:26

”Kain gubernur Feliks noe. An Klaudius Lisias nen lisu yi palogo hoba lakfei wagi andi.

KISAH PARA RASUL 23:31

Palhikhemo re, agoromi tentara mene omanogo nen Paulus ebe waluk wesuageluk inayonggo fesikhe hagat waluk wagaukwa. O andi sambul hubanggo, at Paulus waluk he, o Antipatris wagaukwa.

KISAH PARA RASUL 24:23

A'nogo yagatikhesik, at agoromi tentara kain mene ekhe nen Paulus ebe kagalek logouwageluk mel yagatikhe: ”Haren Paulus fisogo logolik, serogo nikhi logouwageluk herakfisano. Nen, afuni at mene nen yi mene ti mene at amolo mene lebethouwogeluk ugu halok he, wenagisagun o. Herakfisikhi logoino,” iluk komoratikhe.

KISAH PARA RASUL 25:26

Mene re, wene at oba faga mene andi ero heratunem, an nen futfigi'lek nonggot agama wene andi faget lisu palogo ninoe kain Kaisar oba ninggi'nogo lakfogoin heat agama nen he, nerugwi nagaila'lak. Hit mondogat inom, ebe esin hangge noe Agripa inom, hinomen wene Paulus oba faga mene andi, ero heratunem, an fut fembik lisu furogo palogo lakfagain iluk nendawimo anggigirigen at ebe hinoba waluk wagi yi.

KOLOSE 3:22

Hit inamingmingengge mene nerugwi nagaila'lak. Hinogogwi kweangma mene nen, yi mene ti mene hilingisuageluk ugunem, inebe ineilhanem halok inendawimo fanorogo hilingitik, inebe le'ma halok kamo igik, ikhi logogubo. Athe, ninoe Enupogot hinailorogo hinendawinggen misigat logolik, hinogogwi andi inane hologo hilingfisikhi logoino o.