LUKAS 7:25 - Allah Wene Fano Wene Hupla Inane25 I a, athe, nena mene hineilenggen houwogeluk laga lagep. Ap ekhe asu fano mondok mene laberek were'ma houwogeluk laga lageba? Yethani! Ap kaindek inaiba logolik halogat inasu fano mene labetik, inagarek yi mene ti mene hokhorogo fisogo welagik, agarek anggigi! Faic an caibideil |
LUKAS 7:25
16 Iomraidhean Croise
awi istana ba andoma agoromi yabu hilingiti lagaukwa mene inom, inasu eil misik mene nek fanorogo laberek welagaukwa mene inom, inawi wurik inom, eilenggen hasikhe. A'nogo hasikhesik, amburu isago inom, agai hilingik inom, noagaluk isatukwa mene fei wagik, afuni seni pesta isago sumburisikhi lagaukwa mene omanogo eilenggen isigik, at Salomo nen wam yi mene ti mene Tuhan Awi wuri'mo a'nogo fisikhi lagaikhe mene omanogo eilenggen higik, isikhe. A'rigini'mo hasikhesik, a'manggen mondok lagaikhesik he hokhorogo fogeratikhe.
A'nogo wolinafikhemo wagaukwama re, aren he at agwe ratu Wasti andi re mondok eil alili pugunsek mene hilingi'mo re, at he andi ebe hilingik aple a'nogo it ap pok mene inom, yi kain ti kain wagaukwa mene omanogo inom inugisageluk he, it yagaisikhi logolik he, ”He Wasti andi unggulmo mahkota ap raja nen pugetarek mene andi puget fuluk an nelokhoma waluk fei we'ni o,” iluk yagaisasikhe.
A'nogo hilingi'mo re at raja Ahasyweros a'nogo melalinafu werek kwelek enek he tahun henaganek meneba were'ma re, aren it agoromi pegawai inom, it ogogwi kaindek-kaindek inom, omanogo inayonggo fesikhesik inobaget seni hokho mene isatikhe. A'nogo isatikhemo re it ap o Persia mene inom, Media mene inom oba andoma tentara inogogwi panglima inom, gubernur inom, o propinsi lombok omanogo nen ap yabu legoma hilingitarek inap inom, ogo kabogesi wagaukwaat.
At Ester ambe heang welagaikhesik linggene henaganek mene a'nogoba re asu raja inagagwi nen labetarek asu a'nogo laberogo re, o hun raja ebe were'ma a'nogo nen elokhoma omanogo lagaikhesik he kwe hun raja kwikherek kwe a'nogo mendek logolik welagaikhe. Nen at raja re hu'lagungge takhta a'nogoba kwe sou esanggo fikhit hurek welagaikhe.
A'nogo hilingitukwasik he, at Mordekhai a'nogo raja ebe were'ma omanogo herakfuluk he su ap raja nen laberek mene eil heiselek weak mene inom, kut mene inom, oba selebensek engge a'nogo inom, su jubah yo lenan eil sakhorek meneba ugungge a'nogo inom, mahkota emas meneba hilingigengge eil ebe mene a'nogo inom pukhogo wulibi wagaikhe. A'nogo wulibi wagunem he afuni o kota Susan oba welagaukwa mene omanogo mondogaren inagaiyegeti logolik he inamit-mit suphogo inanggiluk eti lagaukwa.
Aren he katokhogo hilingitu mene inom, inagap telhu mene inom a'nogo re, su posiemanggen mene hangge hilingisogo figik, nen, unggul topi re baja mene hangge hilingisogo figik, ikhe. Aren he, it inebe hilingik mene andoma halfisigik, katokhogo hilingitu lek mene andoma unggum wogisigik, hilingisigin iluk wenggelhe.
A'nogo yagaisasikhemo, it Yohanes nen yonggo lakfisa wagaikhe mene omanogo lagaukwama re, hobuk at Yesus nen afuni hokhorogo omanogo Yohanes abok mel yagaisasikhe: ”Hit he, o leimo afuni le'ma andoma nena mene hineilenggen houwogeluk laga lagep nogo. Findayo enggen parenggen sogoi en funhogo lagik-wagik ugunem houwogeluk laga lageba?
Halok he, andoma nena mene houwogeluk laga lagep. I a, athe, ap Allah ane yagaisagarek mene ekhe were'ma houwogeluk laga lageba? Eberogoat andi aro. An nen yagahisak. It ap Allah ane yagaisikhi lagaukwa mene ekhe welagaukwa meneat he, it andi inenu elo'lek hak. Meneat he, at Yohanes andi nek he, enu werek esin aro.
Sanasan