LUKAS 7:22 - Allah Wene Fano Wene Hupla Inane

²² Yohanes agoromi wagaukwa mene omanogo mel yagaisasikhe: ”Hiren he, an yi'nogo ti'nogo hilingitunem hineilenggen niigik, wene ugunem hinesanggo holhik, egep mene andi, at Yohanes furogo yagasi lano o. Ineilenggen mum mene fenggenogo fano agik, inawe wut warek mene kwe lagik, inoba henanggo inailo mene higirinafunem fano agik, inesanggo tagum mene huakhogo holhik, warek mene inelugerinafik, it ekhe inagarek lek mene fano wene yagaisigik ugunem hineilenggen neegep a'nogo furogo yagasi lano.

LUKAS 7:22 Iomraidhean Croise

AYUB 29:15

It ap ineil puk mene faget he an he it ineil hakhogo aga lagagi, nen it ap ineisok weak mene faget he an he it ineisok hakhogo aga lagagiat.

MAZMUR 146:8

afuni ineilenggen mum mene ineilenggen yethoageluk fenggen fisigik, afuni pule pugu mene Aren omamerogo menfisigik, afuni higithogo hilingitarek mene Aren endawi hundik hilinginafik, ikherek.

YESAYA 42:16

An nagainafuri ineilenggen mum mene andoma re, kwe it inonggot kwe iren lagaikharek lekwe woginarek lagain, O mum mene andi inelokhoma liaratik, kwe sirek harek mene andi enagaisogo higirabetik, igin o. An nen it faget hilingisigin igi mene andi re, eberogo hilingisigilugat igi o,” isikhe.

YESAYA 43:8

Allah nen a'nogo isikhesik, ekhe mel isikhe: ”Nagainafuri hineilenggen fano meneat he, hineil mum hangge welagep andoma inom, inesanggo fano meneat he, tagum mene hangge welagep andoma inom hinom seberogo An nelokhoma andogosi wesuagaluk yagaisani o.

YEREMIA 31:8

An nen it inebe nekhengge utara fikhiren woginarek wesigin, it inebe kweang wurep-wurep andoma nen waganogo andogerinabi wesigin. Afuni ineilenggen humunik mene inom, ap ineisok hambelek mene inom he it inom seberogo wesugun, andi nen hemi ineagwi ket takhogoin mene inom, inomalik inalabutmo mondogat wurik asigin mene inom ogore, inom wesugunat. It inebe re esa hokhorogo o kweang yiba wesugun.

ZEFANYA 3:12

O andoma re, afuni inunggulenu ekhe inedawimo sebelfakhaluk An nen lebetninabuageluk hilingitarek mene nek he o andoma femhogo logouwageluk herakfisagain. It enek he o andoma higit logogun.

MATIUS 11:5

Ineilenggen mum mene fenggenogo fano agik, inawe wut warek mene kwe lagik, inoba henanggo hangge inailo mene were'ma higirinafunem fano agik, inesanggo tagum mene inesanggo huakhogo holhik, warek mene inelugerinafik, it ekhe inagarek lek mene fano wene yagaisigik, ugunem hineilenggen neegep a'nogo furogo yagasi lan o.

MATIUS 21:14

A'nogo yagaisasikhesik he, afuni ineilenggen mum mene inom, ineisok wut warek mene inom, Yesus oba Allah awi wuri'mo andoma wagaukwama re, aren fano higirinafikhe.

LUKAS 4:18

”It afuni inagarek mondok lek inelagaik mene andi fano wene yi yagaisikhi logouwageluk mennobagaikhemo a'luk he, neisena Enupogot Areagun pelakfei wagama an noba louksek werego. Nen, nayonggo fikhi logolik mel yaganetikhe: It afuni inenggi hele homago mene hele fikhalinabigin wene inom, ineilenggen mum mene fano asuageluk hilinginabigin wene inom, yagaisigik, it afuni inawe a'ma hak sebelogo hebisili'lagwi mene telogo sele'ma fisigik,

LUKAS 7:21

A'nogo yagasi wagaukwasik werek kwelek andem sambul he, at Yesus nen he, afuni ou weak mene inom, heinet hokhorogo wati lagaukwa mene inom, fano higirinafik, munggwarengge obabut weak mene inendawimo kwisikhesik were'ma henegeisogo wulakfisigik, ineilenggen mum mene fano asuageluk fenggenogo hilinginafik, ikhi lagaikhesik,

LUKAS 7:23

Yagaisambik he, sa nen An abiret nobagagi'lek logogin halok he, endawimo agaiyek hikhi logogin o, iluk yagasi lano o,” iluk yagaisasikhe.

YOHANES 1:46

at Nataniel en he, mel yagatikhe: ”A! O Nasaret a'lima nen fano mene ekhe elogat wesu hak nogo? Elo'lego,” iluk isikhemo, at Filipus nen he: ”hat heilenggen tomok hanogen eme o,” iluk yagatikhe.

YAKOBUS 2:5

Nerugwi nagaila'lak. Hinebe nendawi e. An wene igin yi hinesanggo holino. It afuni kweangma inenggi lek mene andi, Allah nenat wenaginafi logolik he, ”Inenggi werek logou hak, inendawinggen an noba eberogoat himbirik logouwak. Nen, it an nebe inendawi mene halok, o an nen nawe a'ma fisugunem logogun oba andoma eisewerek asugun iluk wene warisasigi mene andi, irat eisewerek asuak,” iluk wenaginafikhe.