LUKAS 7:14 - Allah Wene Fano Wene Hupla Inane

¹⁴ yenggerek warek e yerogo waluk wagaukwa a'nogo era'lu lagaikhesik he, enggi fakhasikhe. Enggi a'nogo fakhugunem afuni nen warek e ye'luk wagaukwa mene omanogo menlagaukwa. Menlagaukwama re, at Yesus nen yenggerek warek a'nogo yagati logolik he, mel isikhe: ”Namlogo yi! Helugame, iluk yagaheti lagi o,” iluk yagatikhemo re,

LUKAS 7:14 Iomraidhean Croise

1RAJA-RAJA 17:21

A'nogo yagatikhesik, enggi henagan oba yenggerek a'nogo ebeba sebelagik menlagik, ikhi logolik he, samban mel isikhe: ”Allah Henupogot mene neisena. Yenggerek yi eluget fein o,” iluk samban isikhe.

1RAJA-RAJA 17:22

A'nogo yagatikhemo, at nineisena Tuhan nen Elia samban isikhe mene ane esanggo holhikhesik he, yenggerek a'nogo eluget fesikhemo, set lagasikhesik he, ebe arat eluk agaikhe.

AYUB 14:12

afuni inebe wa'lagaikharek he andi higit aro. Andi nen he, wa'lasimbigen hobuk ineluk asugun lego. Pogot lek agi'lek werek kwelek, menlasugun legaro. Nogo ugu were'ma hobuk inelugerinabugun legaro.

AYUB 14:14

A'nogo meneat he, nit afuni re, wa'laluk hobuk ninambotkwe ineluk agaikharek nogo? Hobuk ineluk asugun logoumo re, an yoma noba weak welagi yi hobuk fanotnabigin iluk hundik-handik kagalek mondok logoile.

YESAYA 26:19

Hat againafuri endamat wa'lagaukwa mene omanogore inambotkwe ineluk asugun, it inebe warek nekhengge menlasugun. Ap kweang elema salinafa mene re, menlasimbik inagaiyekhogo wuni wati logogun. Lilengge nen kweangma sakhoraterek hak, Hat againafuri o endam wa'lagaukwa mene omanogo inambotkwe inelugerinabigin.

MARKUS 5:41

Kwisukwasik, enggi fakhasikhesik he, nit ninaneba, ”Hele yi, na'logo. Menla'nogen iluk yagaheti lagi o,” iluk u hak, it inaneba: ”Talita kum,” iluk yagatikhe.

LUKAS 7:13

Yerisasikhesik he, Tuhan Yesus nen he, he sogwe a'nogo eilenggen hasikhesik, endawi agaikhesik, mel yagatikhe: ”Nerei e. Le agun o,” iluk yagatikhesik he,

LUKAS 7:15

yenggerek wa'lagaikhe mene a'nogo eluk agaikhesik hurek logolik ane isikhe. Ane isikhemo re, Yesus nen yenggerek a'nogo agaisa wogetikhe.

LUKAS 7:17

A'nogo isukwasik he, wene hilinglagaikhe mene andi, o Yudea tonggwe yi awi ti awi andoma nen pikhit he, o esanggokwe andoma Yesus abok waluk wulifukwama wial lagaikhe.

YOHANES 11:25

At Yesus nen he mel yagatikhe: ”Afuni ineluk mondok logouwageluk, an nenat inelugerinafirego. At sa nen endawinggen an noba eberogoat himbiret foumo nen wa'lasigin halok he, at ebe wa'lasigin meneat he, hobuk eluk asigin o.

YOHANES 5:21

Nen, an neisena nen afuni warek mene inelugerinaferek andi hak, amlogo an nen afuni warek mene a'nogoat inelugerinabigin, iluk nendawimo anggigirik mene nek inebe lombok inelugerinafirek.

YOHANES 5:25

Nen, afuni warek mene nen, an Allah amlogo nane inesanggo holugun oba oan werek meneat he, arat asi wagasik werego. It nane inesanggo holugun mene halok, ineluk a'luk mondok logogun o, iluk, eberogoat yagahisigi.

ROMA 4:17

Wene andi faget Allah nen Abraham mel yagatikhe: ”Yi afuni ti afuni inunggulenu hokhorogoat ineisena re, hat menhobagagi o,” iluk yagatikhemo lisu palogo fesukwa. A'nogo yagatikhemo re, at Abraham endawimo nen he, ”At Allah re, afuni warek mene inelugerinafik, nen, yi mene ti mene lek mene aneba weregetfigik, ikherek mene nen abok yaganete andi eberogoat yaganete o,” iluk endawinggen oba himbiret fesikhe andi.

EFESUS 5:12

It afuni ekhe hinagaisogo hilingiri'lagwi mene andi inabok ugunem he, inenggali asu hak andi nen he, inabok ikhi logogun lek.