LUKAS 7:12 - Allah Wene Fano Wene Hupla Inane

¹² Laga lagaukwasik, leget pa'leget kwe ambe palek oba asi lagaukwa hak he, yenggerek ekhe ebe alegat tago mene agaisa sogwe were'ma wa'lagaikhemo re, afuni o sili a'nogo mene inebe hokhorogoat yenggerek warek e yerogo waluk agaisa inom wulibi wagunem eilenggen yerisasikhe.

LUKAS 7:12 Iomraidhean Croise

KEJADIAN 22:12

”Hat hamlogo ari henggi fakfuluk at oba yi'nogo ti'nogo ekhe hilingitun o,” iluk malaikat en yagatikhe andi ebe re, nineisena Tuhan nen yagati logolik ekhe mel yagatikhe: ”Hat hamlogo ari ebe misik tago hilingi'mo re, hendawirati'legat, An wo'nesigeluk egen andi nen, haren An agaugwetnafendik nane hologo hilingiten andi nen hat hobabut yogondagen an arat nelu aga o,” iluk yagatikhe.

KEJADIAN 22:2

At Allah nen he, ”Hamlogo Ishak misigat tago hendawinggen hundik mene andi waluk he, o Moria lan o. Andoma lagen halok, an nen punu ekhe yagahesigin oba, andoma hamlogo andi an faget warogo endumo nolne'no o,” iluk yagatikhe.

2 SAMUEL 14:7

Nen, yogondak he it an hamingmingengge neisok erokwe mene a'nogo an ninom naselei mene agaikhasik logolik he, an hamingmingengge namlogo andi nen agailak watemo re iren ogo unggum he ebe pinggi wasugun iluk an namlogo ekhe andi wo'nisan o iluk, miming nafu werek. Enggere an hamingmingengge nen namlogo andi wogisagain halok he an nebe noak enek logogin. Iren he an nen we misik andiba nek he hobuk ambisangma ta'lasugun iluk nendawinggen tiphogo welagi mene a'nogo re ebe wasugunat andi, nen iren he an hamingmingengge nagun faget omalik abengge ekhe tagaisogo at ambisangma mene ekhe logouwageluk fogoin legat andi,” iluk yagatikhe.

1RAJA-RAJA 17:12

A'nogo yagatikhemo, at he sogwe mene a'nogo nen he, ”Tuhan Allah eluk mondok welagarek mene, neisena haren fogeratendek mene a'nogo oak. An namburu roti re eberogoat lego, iluk Allah enu hombuk palogo yagaheti o. An he, we, tepung al mene endebat nenggim earogo wanu hak mene mangkok elema kwelabegengge inom, e zaitun amusu endebat abunengge mene botol elema hinagongge inom, andem enek he werego. Andi nen he, we, endebat andem mene neagalak nemberek werago nouwogoluk hali sele andogoti lagi yi o. Nit ninamburu re, mondok lek agasik endebat abunengge andemat arat obologo werago nambik he, wa'lasugun mene nenangorogo logogun o,” iluk yagatikhe.

1RAJA-RAJA 17:18

A'nogo wa'lagaikhemo, at he sogwe mene a'nogo nen Elia mel yagatikhe: ”Allah amingmingengge yi. An yi'nogo hilingnafen andi nenahalok? Allah nen an weak hilingiti lagi mene weinamhogo fak ugunem herakfisamo an neak ebe wa'lasuageluk noba wagen andi nenahalok?” iluk wenagetikhe.

1RAJA-RAJA 17:23

A'nogo eluk agaikhemo, at Elia nogo ikherek oba nen yenggerek a'nogo agaisa oba waluk pi wagaikhesik he, mel yagatikhe: ”He yi. Heak a'nogo arat eluk agama yi o,” iluk wogotikhe.

1RAJA-RAJA 17:9

”Hat hebe o kota Sarfat, o Sidon horokhogo andoma lambik logoino o. Were'ma re, An nen, he sogwe mene nen sumburu wokheti logouwagaluk arat yagatimo werego,” iluk yagatikhe.

2 RAJA-RAJA 4:16

A'nogo menlasi lagaikhemo, at Elisa nen, he a'nogo mel yagatikhe: ”Tahun hobuk mene o ya higit oba, hat omalik ap mene hagoumo fisogo logogin o,” iluk yagatikhe. A'nogo yagatikhemo, aren he, ”Hat hebe Allah amingmingengge meneat he, heranen wene yaganetun o, noe,” iluk yagatikhe.

2 RAJA-RAJA 4:20

A'nogo yagatikhemo, yenggerek a'nogo agaisa wogosi wagaikhemo, agaisa nen agaumo wanhikhe. A'nogo wanhikhesik fisogo were'ma, o mo lio'-liok omalik a'nogo ebe arat wa'lagaikhe.

AYUB 29:13

An nen it hemi sogwe mene leberisugunem he inendawi sebel fakhikhi lagaukwa, it afuni wiik weakhogo welagaikharek mene nen he an fogetnafi lagaukwa.

ZAKHARIA 12:10

Andi nen it Daud ambisangma mene inom, afuni Yerusalem mene inom inoba An nen it inendawinggen hundik welagaikharek mene inom, samban ugu welagaikharek mene inom hilingisogo fisagain. Iren he, at talogo warek logogin mene a'nogo ineilenggen yerogo logolik, afuni inomalik manggusa tago wa'lagunem le agu welagaikharek hak hilingiti logogun, nen, ap inomalik misigenek engge legagunem inendawimo mondok heiselogo le agu welagaikharek hak hilingisugun.

LUKAS 7:11

A'nogo hilingi'luk he, hobuk at Yesus o sili enu Nain lageluk lagunem he, at agoromi ane wanhi lagaukwa mene omanogo inom, afuni fena inebe mondok hokhorogo inom, ombo'ne lagaukwa.

LUKAS 7:13

Yerisasikhesik he, Tuhan Yesus nen he, he sogwe a'nogo eilenggen hasikhesik, endawi agaikhesik, mel yagatikhe: ”Nerei e. Le agun o,” iluk yagatikhesik he,

LUKAS 8:52

Kwisukwa hak he, afuni mondok hokhorogo helenggerek a'nogo ware'ma logolik he, obaget le agik, inendawinggen warigik, ugunem kwisukwasik at Yesus nen he, mel yagaisasikhe: ”Le agubo. Helenggerek ari ebe wa'lagi'lek. We, nogo ili'logo,” iluk yagaisasikhemo,

YOHANES 11:19

it afuni Yahudi mene hokhorogo, he Maria inom, Marta inom, inerei Lazarus ware'ma inendawimo fanorogo iluk, inoba wagaukwasik welagaukwa.

KISAH PARA RASUL 9:39

”I o. Halok he, puok,” iluk inom pisukwa. Pisukwasik he, Petrus ebe waluk henambo inom lagasukwa. Henambo lagasukwasik were'ma, it hemi sogwe mene at oba horokhogo andogosi wagaukwasik, le aga logolik he, su elonggoma mene inom, endakwe uan mene inom, he Dorkas eluk oba inom logolik, igisasikhe mene inukhasukwa.

KISAH PARA RASUL 9:41

Hu'lagaikhemo, at Petrus nen enggi fagaisogo menfesikhesik he, it Allah againafuri ekhe inom, hemi sogwe mene omanogo inom, wolisasikhemo kwisukwama re, ”At ebe eluk aga yi,” iluk wogisasikhe.

YAKOBUS 1:27

Nineisena Allah nen he, ”Afuni nen an nendawinggenma fanorogo higithogo mondok hilingiti logogun he, yi'nogo. Yenggerugwi suarek mene inom, hemi sogwe mene inom, nong a'luk were'ma leberisigik, afuni kweangma weak hilingiri'lagwi mene andi inobabut wanhi'lek inonggwaregen tegeligik, ikhi logogun o,” iluk endawimo anggikherek andi.