LUKAS 6:8 - Allah Wene Fano Wene Hupla Inane

⁸ A'nogo ineil wanhu kwelek, at Yesus nen inendawimo anggasukwa mene enegat futfisasikhesik he, ap enggi warek mene a'nogo mel yagatikhe: ”Hebe menla'luk tulem ya eme o,” iluk yagatikhemo, ap a'nogo menla'luk tulem aremnogo menlasi lagaikhemo re,

LUKAS 6:8 Iomraidhean Croise

1 TAWARIKH 28:9

A'nogo yagaisasikhesik at Salomo ba Daud en ikhi logolik he yi'nogo yagatikhe, ”Namlogo e, Allah hat heisena nen fogerati lagi mene andi faget enek eberogo an neisena Allah iluk fageti logoino. At Allah re nit ninendawinggenma wenggelhi lago mene inom, ninamolo anggikhi lago mene inom mondogat elu hilingi'mo re, hat hendawinggen pikhithogo, hobabut sakhorek oba, At obaget enek hilingiti logoino. Nen, haren At ebe heratu halok he At ebe herakhagain, oba nen he haren At herakfuluk lagain halok he, Aren mondok-mondok faget hat nabit iluk oboget heagain.

1 TAWARIKH 29:17

Haren ap inendawinggenma palisaluk, it inendawimo mondok selek mene halok Hat hendawirek welagen a'nogo, an nelu o. An nendawimo healek oba inom, nendawimo nagaiyek oba inom, mondogat yi hat hobaget waluk wokhesi wagi. It Hat againafuri yoma kaboksek mene yi nen, inendawi fanoba inangge Hat wokhesuogeluk waluk waga lagaikha aple an mondogat neil isigi.

MAZMUR 44:21

Niren ambi Allah nit nineisena a'nogo fogerati'legengge nen, niren allah amu mene hilingfuluk fogeratarek mene omanogoba fogerati logoumo nen he,

YESAYA 42:4

Kweangma yi awi ti awi wene inoba mene higithogo pilingerisagaluk logolik wenesugwi uan horok ebeti'lek endawimo nonghong igi'lek logogin. Aren yi'nogo hilingiti logoino, ti'nogo hilingiti logoino iluk komorinafikhe wene andoma re, afuni o yi awi ti awi yatkwe-yatkwe werek mene andoma nen inesanggo holugun inamolo logogun o,” iluk ikhe.

MATIUS 9:4

A'nogo anggasukwama, at Yesus nen inobabut enegat palhikhesik he, mel isikhe: ”Hit hinendawimo nen wene weak mene ebeti lagep andi nenahalok?

MARKUS 3:3

A'nogo ineil werek kwelek, at Yesus nen he, ap enggi wutwarek mene a'nogo mel yagatikhe: ”Hebe menla'luk he, tulem ya eme o,” iluk yagatikhemo,

LUKAS 13:12

Andoma were'ma, at Yesus nen, he a'nogo eilenggen yethasikhesik he, ane fakhasikhemo wagaikhemo re, mel yagatikhe: ”Nerei e! Hat hoba ou ari arat fano asigin. Hele hangge homago welagen a'nogo, arat fikhalame o,” iluk a'nogo yagatikhesik he,

LUKAS 5:22

A'nogo anggasukwama, at Yesus nen, it inendawimo anggasukwa mene enegat futfisasikhesik he, ”Hit hinendawimo a'nogo anggikhi lagep andi nenahalok.

LUKAS 6:9

at Yesus nen afuni omanogo mel yagaisasikhe: ”An nen wene ekhe heinok wokhisak. Ninenggi sabit oba Allah faget weat logolik hilingisugun andi re, fano hilingisugun a? Weak hilingisugun a. Telinabugun a? Inoasugun a. Hiren ini o,” iluk,

YOHANES 2:25

Afuni inendawimo at elu mondok welagarek andi nen he, afuni ekhe nen: ”It ekhe inobabut yiginik,” iluk at yagasugun mondok elo'lego.

YOHANES 21:17

Anema enggi pireba wokhasikhesik hobuk anema ekhe wokhasikhe: ”Simon Yohanes amlogo nagoro. Haren an nebe hendawi a?” iluk, anema a'nogo enggi pireba wokhasikhesigen, hobuk ekheba, ”Haren an nebe hendawi welagen a?” iluk yagatikhe andi nen he, endawinggen weak agaikhemo, aren Yesus mel yagatikhe ”Noe. Hat he, yi wene ti wene mondogat helu o. Halok an nen noe hebe nendawi welagi andi, hat helu o,” iluk ikhi lagaikhemo, at Yesus nen he, mel yagatikhe: ”Halok he, an nanggo domba fanorogo kwelaginarek logoin o,” iluk yagatikhe.

YOHANES 9:4

ekhe mel yagaisasikhe: ”Hobuk o mum asigin o. A'nogo mum agunem, afuni ekhe nen yi mene ti mene hilingisu lek hak asigin andi nen he, At laknobagai wagaikhe mene hilingiterek mene andi, o yogondak o selek werek kwelek yagaat hilingiti logouwogo.

KISAH PARA RASUL 20:24

A'nogo meneat he, an nebe neluk logogin andiat esin iluk andi mene esinet fikhi lagi lek, we Tuhan Yesus nen nayonggo fikhi logolik, aren he, Allah obabut fano nen hilinginaferek wene fano wene andiat yagaisilik lano o, iluk nayonggo fesikhe andiat wurep oba kobokhogo hilingisigeluk esinet fikhi lagi o.

KISAH PARA RASUL 26:26

”Agripa noe. Wene yi mondogat hat helu andi nen, an hat heilhanem nailo lekhogo ikhi lagi. Wene andi, o hinagoma hilinglagi'lek. We, weinama hilinglagaikhe andi nen, wene andi ekhe hat honggot welagen, iluk nendawimo anggikhi lagi lego.

FILIPI 1:28

It ekhe nen he: ”Wene andi ninabit,” iluk, ugu kwelegat he, hit enek he, hinailo agi'lek ninghogo mondok fisogo logoino o. A'nogo fisogo logogun andiba, it andi nongasugun iluk enegat hilinglagik, hit telhinabigin iluk enegat hilinglagik, Allah nenat hilingisigin werego.

IBRANI 4:13

Allah eilhanem he, yi mene ti mene aren elalhikhe mene ekhe hinago werek nogo? Mondok lego. We, at eilhanem yi mene ti mene mondogat he weinamhogo selek mondok welagarek andi nen, nit hilingiti lago mene at elumo re ninoba lombogat wene ninom ugun o.

1 PETRUS 4:1

Afuni yi enggin ti enggin haluk, inebe wa'la'luk, hobuk weak hilingiti logogun lek andi nen, at Kristus yi enggin ti enggin hilik-hilik ebe wa'lagaikhe andi hak, hit ogo re, afuni sing ikhaluk inebe hebelogo welagaikharek andi hak, at Kristus obabut waganogo, yi enggin ti enggin hikhi logolik hinomamerogo logoino o.

WAHYU 2:23

A'nogo hilingitunem, it Allah againafuri o yi awi ti awi andogotarek mene mondogaren ineilenggen hambik, iren he, At Allah re, afuni inendawimo ebetarek mene andi inom, inendawinggen kagalharek mene andi inom, elumo re, afuni ninebe lombok ninobabut hilingitorek mene higithogoat wene ninoba figik, onggo wo'nisigik, igin o, iluk, an futnobagauwageluk, it afuni he andi ane wanharek mene inebe inoasigin aro.