LUKAS 6:21 - Allah Wene Fano Wene Hupla Inane

²¹ Nen, hit yogondak hinendawimo nele welagep mene halok, hobuk wokhisugunem hinalabut ninghogo nogoin andi nen he, hinendawimo hinagaiyek hikhi logoino o. Nen, hit le aga lagep mene halok, hobuk endo asugun andi nen he, hinendawimo hinagaiyek hikhi logoino o.

LUKAS 6:21 Iomraidhean Croise

KEJADIAN 17:17

A'nogo yagatikhemo, at Abraham en eindep awi yagaisogo fogeratikhe meneat he, endo aga logolik endawimo mel ebetikhe: ”An nebe yaman umur 100 tahun meneat he, namlogo higit takhagain nogo? Nen, Sara ebe yamanat umur 90 tahun meneat he, eak higit takhagain nogo? Elo'lego,” iluk anggasikhe.

KEJADIAN 21:6

A'nogo ta'lagaikhemo, at Sara nen he, mel isikhe: ”Allah nen an nendawimo nagaiyek asimbik endo asuageluk hilingnafemo. Afuni ekhe wene yi inesanggo holugun mene inebe lombok an ninom inendawimo inagaiyek asigin o,” iluk isikhe.

MAZMUR 107:9

It afuni inagai nele nen inoba yamukhogo noagaluk inom, nen it afuni inamburu nele mene inalabut ninghogo noagaluk inom, oba heilarogo wogisikhi lagaikhe andi nen he, fogerasugun obaat fogerasuak.

MAZMUR 119:136

Afuni nen Hat hawene melalek andi hologo higithogo hilingiri'lagwi lek andi nen he, an neil amusu i hut hakhogo pialuk pili'lago o.

MAZMUR 143:6

An nenggi earogo liabek logolik he Hat hoba samban ikhi lagi, Kweang iringi'mo i nelerogo welagaikharek andi hak Hat hobaget an nendawimo re andi higit welagi.

MAZMUR 17:15

Oba nen he, an enek he weak hilingiti lagi le'ma re, Hat hebe neilenggen heagain o. An nebe nogokhi lagiba nen neluk a'luk he, Hat hebe ninom hundik welago mene andi faget ebethealuk he, nendawimo nagaiyek mondok aga lagi o.

MAZMUR 28:7

Tuhan andi re an nomamet figik, nebikhit agik, ikherek mene werek. Nen an nen At oba nendawinggen eberogo tibet fuluk welagi. Andi nen Aren he an lebetnafik, nendawimo nagaiyek mene nek hilingnobagagik hilingiri'lago. An nen At hai warogo awuni watu welagi.

MAZMUR 65:4

An weak hokhorogo hilingiti lagimo enggin hokho mene noba welagi meneat he, Haren elok sebelogo leget fisikhi lagen o.

YESAYA 25:6

Punu Sion oba andoma Tuhan Omame mondok Hokho mene a'nogo nen yi afuni ti afuni inunggulenu lombok o kweangma welagaikharek mene mondogat inobaget fougesigin. Aren he nunggungge enduk fano mene inom, anggur agai mondok fano mene inom fougesigin.

YESAYA 30:19

Yago, hit o Yerusalem welagep mene yoma re, hiren hundik-handik le aga logou fugo. Tuhan he inelagaik isikherek mene hilingi'mo re, hiren lebetninabin iluk yagasugun halok he Aren weak-weagat lebethinabigin werego.

YESAYA 66:10

Yogondak hit afuni Yerusalem oba hinendawi hundik welagep mene nen he, it Yerusalem mene hinom seberogo hinagaiyege'ni o. Hit at faget hinendawinggen heiselogo welagep mene re, yogondak hinagaiyekhogo hinanggiluk eti logoni.

YEREMIA 13:17

Haren hesanggo holu habit welagen halok he, An he hinago logolik nane legengge le aga logogin o. Haren fogetfakhikhi lagen mene andi faget an nendawinggen laga pu hilingiti logolik he le yakhafi logogin. Tuhan againafuri omanogo hele warogo woginarek lagunem he an neil amusu tephigik pelafi logogin.

YEREMIA 31:25

It inoba lebelekhogo werek mene re An nen inoba fisokhogo hilingfisikhi logogin, nen sumburu nele nen inomame lega'luk werek mene re An nen inoba homot fisikhi logogin.

YEREMIA 31:9

A'nogo waga logolik le arik-arik wagunem he, An nen koninafik, inendawimo fanorogo hondogoisogo fisa wagik, igin o. An nen he i hokhorogo werekwe nen hondoginarek wagik, kweang tonggorekwe nen it ineisok unggut tunghogo wara lekwe hondoginarek wagik, igin. Ariginigin andi re An he it Israel mene ineisena welagi nen Efraim he An namlogo manggusa mene werek andi nen hilingisigin o,” ikhe.

YEREMIA 9:1

An nunggul yire i mogo ambe hoporogo yenggele'ma hak hilingik logoumo nen, neilenggen he i su'lenggeba sulhogo lagu mondok welagarek hak hilingik logoumo nen he mondok fano agwi! Ariginik logumo nen he ap an nunggulenu mene selei mene nen inoata mene andoma inobaget neil amusu pelafi logolik li le aga logoile mene ago.

YEHEZKIEL 7:16

Fena fikhit he ineluk asimbik heise tomkwe andoma lambik logogun, andoma it inebe re sue pel o tonggokwe andoma nen mukhigik wulaginafunem welagarek higit asimbik logogun. Andoma mondogat he it inonggwarek inaweak hilingiti logogun andiba ambisangma heinet wati logogun.

YEHEZKIEL 9:4

”Lambik he, o kota andiba nen inobabut hebak inafe mene hilingiti lagaikhaba afuni inendawinggen heiselhunem weakhogo werek mene andoma inambit o kota unggut-unggut andoma laluk he inebe mondogat inelha bene enek enggerogo hilingfisa lan o,” iluk yagati laga.

MATIUS 5:4

Nen, afuni inendawimo wiik- weakhogo welagaikharek mene andi, Allah nen inendawinggen sebeligin andi nen he, inendawimo inagaiyek hikhi logouwak.

MATIUS 5:6

Nen, afuni sumburu inom, i inom, nele anggagarek hak, Allah endawimo anggikherek mene esinet fuluk hilingisu inamolo mene andi, sumburu inalabut ninghogo nenggarek hak, hobuk Allah nen inendawimo fanorogo ebe mene wogisagain andi nen he, inendawimo inagaiyek hikhi logouwak.

LUKAS 1:53

afuni inendawimo nele welagaikharek mene fano mene oba loukhogo wogisikhi logolik he, it inenggi werek mene andi, ekhe wogisigi'lek weat lakfisigik isikhe.

LUKAS 6:20

A'nogo hilingitunem, at Yesus nen agoromi ane wanhi lagaukwa mene omanogo eilenggen inoba fesikhesik he, mel yagaisasikhe: ”Hit hinelagaik mene halok, Allah awe a'ma hinobagagin andi nen he, hinendawimo hinagaiyek hikhi logoino o.

LUKAS 6:22

Nen, it ap yoma inambu-inombalagen, it ap attak Allah ane yagaisikhi lagaukwa mene hilinginafi lagaukwa hagat, hit yogondak an abat ta'lasi wagagi a'nogo nane wanhep andi nen inapsiri wathinobagakhi logolik, hit enek fologo hinobagagik, inane puk weak wenakhisigik, ap yi weak, iluk hinenu ikhi logolik hinabok weak palhik, a'nogo hilinghinafu halok, onggo wokhisagain mene pogoroba hokhorogo werek andi nen he, hinendawimo hinagaiyek hikhi logolik hu'lenggen wuni wati logoino.

LUKAS 6:25

Nen, hit ekhe yogondak elama faget enek hinalabut ninghogo ninggi lagep mene halok, weagethinafunem hobuk nongakhogoin o. Nen, hit yogondak elama faget enek endo aga lagep mene halok, weaget hinafunem hinendawinggen warikhi logolik le asugun aro.

YOHANES 11:35

At le agaikheat.

YOHANES 4:10

at Yesus nen he, mel yagatikhe: ”Allah obabut fano nen weat onggo lek wogisasikherek mene andi inom, nen an nen, i ekhe hinagaisogo wo'nom iluk kino yagaheti andi, nebe inom, futnobagailenma re, haren i ekhe kino yaganetunem, an nen i inelugerinaferek mene eberogoat wokhe'le o,” iluk yagatikhe.

YOHANES 6:35

aren he, mel yagaisasikhe: ”Sumburu inelugerinafirek mene andi re, an nebe aro. Ap sa nen an noba wagik, endawinggen noba eberogoat himbiret figik, igin halok he, sumburu nele agik, i nele agik, ikhi logogin mondok lego.

1 KORINTUS 4:11

Nit o fageat a'lima nen yogondak huli, sumburu inom, i inom, neleat welagorek. A'nogo logolik, ninasu legat were'ma yei ninoatu kwelek, ninaiba le'ma, o yi awi ti awi nikhi lago.

2 KORINTUS 11:27

Yi mene ti mene faget set kwil-kwalhogo hilingitik, hundik-handigat nogo neluk nogo igik, sumburu inom, i inom, legen nele welagik, hundik-handigat sumburu ninggi'legat welagik, nasu legen sogoi noatik, o koma nogo u heat agik, ikhi lagagisigat.

2 KORINTUS 12:10

Andi nen he, an Kristus faget, nebe lebelek agi halok inom, afuni nen nabok weak palhu halok inom, wiik-weakhogo hilingnafu halok inom, yi enggin ti enggin hilingnafu halok inom, weim yafi logolik inoasuogeluk hoberisagarek hak hilingnafu halok inom, an lebelegat were'ma, andiba nen nomame agirek iluk, nendawimo nagaiyek anggigirego.

2 KORINTUS 6:10

Ninendawinggen weak logoligat he, ninagaiyek hikhi logolik welago. Yi mene ti mene ninenggim lek meneat he, afuni hokhorogoat ebe mene ineilmo werek asuageluk hilingfisikhi lago. Ninagarek mondok lek meneat he, ebe mene mondogat eise agosik welago.

YAKOBUS 1:12

Hit ekhe Iblis nen hinendawimo kagaligeluk yi enggin ti enggin hinoba fugu kwelek, hinafe morogo logogun halok, hinendawimo hinagaiyekhogo logoguno. A'nogo hinafe morogo logogun halok, Allah nen he, ”An nebe hinendawi mene halok hineluk mondok logogun mene wokhisagain o,” iluk, abok yaganisasikhe a'nogo hit hinobabut palogo nenat wokhisagain o.

WAHYU 21:3

A'nogo higiri'mo nen, hobuk nesanggo holhi hak he, at Allah kain welagarek obuluk oba a'nogo nen, at ekhe ane hokhorogo ikhi logolik: ”Yethani! Allah afuni inom mondok logogin mene, awi a'li yethani! A'nogo logolik, it at againafuriat logogun, nen, at Allah it ineisena inendawinggen oba eberogoat himbirik logogun meneat logolik, inom mondok logogun o.

WAHYU 7:16

A'nogo fisamo were'ma, Domba Eak a'nogo Allah kain welagarek mene obuluk oba ebe tulem logolik, afuni nen wam konharek andi hak, it kwelaginarek mondok logolik, i afuni inebe inelugerinaferek mene noageluk, i elesimo woginarek lagik, Allah nen ineil amusu tetik, ikhi logogun andi nen he, sumburu inom, i inom, nele aga logogun mondok lego. Nen, mo nen inom, endu nen inom, aigen heinet wati logogin mondok legaro,” iluk yaganete.