LUKAS 5:5 - Allah Wene Fano Wene Hupla Inane

⁵ at Simon en he, ”Noe! Hubanggo pelafu mondok welago mene re, ekhe mondok wanhi'lego. Meneat he, haren yaganetenma andi nen he, an nen ikan su pelabigin aro,” iluk,

LUKAS 5:5 Iomraidhean Croise

YEHEZKIEL 47:10

I elesi o En-Gedi andoma nen lagasik, i elesi-elesingge o En-Eglaim huliba andoma, i esanggo fena-fena ikan watarek inap enek hokhorogo logolik, su ikan su meneba pelafi logogun. Yi ikan ti ikan i andi agum oba andoma werek mene re i Laut Tengah ba werek mene hak hilingik logogin.

LUKAS 17:13

”Yesus noe e! Hendawi nisan o,” iluk inane hokhorogo isukwa.

LUKAS 8:24

A'nogo hilingitikhemo, it omanogo nen, at Yesus nogo ugunem eluget hikhi logolik he, mel yagatukwa: ”Ninoe-ninoe! Nit arat i logoin yoma,” iluk yagatukwama, at Yesus eluk agaikhesik he, sogoi inom, i ha'labu inom, wenagetikhemo palagaikhesik he, mondok hambuk isikhe.

LUKAS 8:45

Enggi a'nogo fakhasikhemo, at Yesus nen he, mel isikhe: ”Sa nen enggi fa'niikhe,” iluk isikhemo it afuni omanogo ekhe inane oba igi'lek mondok kamo isukwama, at Petrus nen he, mel yagatikhe: ”Noe! Afuni mondok hokhorogo yagarek-fagarek waga logolik a'luk he, hat hoba to'morogo wagaikhama o,” iluk yagatikhe.

LUKAS 9:33

A'nogo hilinglagaikhemo, ap inebe pire aremnogo Yesus andoma hebisaluk louwogeluk ugunem he, Petrus nen Yesus yagati logolik, mel isikhe: ”Noe! Nit o yoma mondok fanoma welago higi. Halok, niren o sabu henagan, hat faget ekhe, Musa faget ekhe, Elia faget ekhe wuthinobagagun o,” iluk a'nogo isikhe andi re, wene ninggi'nogo mene ikhi lagi he, futfigi'legat yagatikhe andi.

LUKAS 9:49

A'nogo yagaisugunem, at Yohanes nen he, mel isikhe: ”Noe! Ap ekhe munggwarengge obabut weak mene afuni inendawimo kwisukwasik were'ma hat henu hombuk palogo henegeisogo wulakfisugunem nineilenggen hogosik he, at andi nit ninom nikhi lago lek mene andi nen, hat a'nogo hilingitun o, iluk wenageto,” iluk a'nogo yagatikhemo,

YOHANES 15:14

Nen, an nen komorogo, yi'nogo hilingi'no ti'nogo hilingi'no, iluk yagahisikhi lagi mene andi, nane hologo hilingiti logogun halok he, hit an nagaila'lak aro.

YOHANES 2:5

A'nogo yagatikhe meneat he, at agaisa nen, it he ita mene eisewerek inamingmingengge omanogo inoba mel yagaisasikhe: ”Aren, yi'nogo hilingi'ni, ikhe halok he, at igin mene andiat hilingi'no,” iluk yagaisasikhe.

YOHANES 21:3

A'nogo andogotukwasik he, Simon enu ekhe Petrus agarek a'nogo nen, it fenakwe yagaisikhi logolik he, mel yagaisasikhe: ”An yogondak he, ikan wani lageluk,” iluk isikhemo, it fena omanogo nen he, ”Nit ninomat louwogo,” iluk isukwasik he, inom lagaukwasik e soba kwisukwasik lagaukwa mene re, o hup inukhogo a'nogo ikan misik iluk ogo ekhe wanhukwa mondok lek.