LUKAS 5:26 - Allah Wene Fano Wene Hupla Inane

²⁶ A'nogo hilingitikhemo afuni omanogo inebe mondogat inailo hokho agaukwasik he, mel isukwa: ”Nineilenggen yogondak hogo andi, mondok hunogoat mene hogo. Nailo e,” iluk Allah fogeratukwa.

LUKAS 5:26 Iomraidhean Croise

YEREMIA 33:9

Yerusalem he An nen nagaiyek oba figik, enu werek welagik, agaugweratik, fogeratik ugu mene asigin. Yi afuni ti afuni inunggulenu lombok o kweangma welagaikharek mene nen he, An nen mondok fanorogo afuni Yerusalem mene inoba halfisikhi logogin mene andoma faget inom, nen o kota andiba yi mene ti mene sik-pikhogo logouwageluk hilingfisikhi logogin mene faget inom, inesanggo holhaluk he it inailo nen inoak leigetik, An nebe legeisogo nobagagik, ikhi logogun.

HOSEA 3:5

A'nogo meneat he, it afuni Israel mene hobuk inafe hebelasimbik it ineisena Tuhan Allah hera'nabi wagik, inoe raja Daud en tagomangge mene ekhe oba wagik, ugun oba werego. A'nogo wesimbik hilinglasigin andi elugun kobokhogo re, inailorogo fogetnafu were'ma, an nen fanorinafi logogin o,” iluk yaganete.

MATIUS 12:23

A'nogo hilingitikhemo re, it afuni era'lu andogorek welagaukwa mene omanogo nen fogerati logolik, ”Eigi! Daud amlogo wesigin iluk ikhi lagaukwa a'nogo ebe yi he a,” isukwa.

MATIUS 28:8

it hemi omanogo oumo andoma nen laga logolik inailo agaukwa meneat he, hobuk inendawimo inagaiyek hokhorogo hilik-hilik, at agoromi ane wanhi lagaukwa mene omanogo inoba fungusegat yagaisa lagaukwa.

MATIUS 9:8

A'nogo hilingitikhemo re, it afuni omanogo ineilenggen hasukwasik inailo agaukwasik he, ”Allah nenat afuni mene nen yi'nogo hilingiti logouwageluk menfesikhemo andi nailo e,” iluk, Allah fogeratukwa.

MARKUS 2:12

A'nogo lakfesikemo re, ap a'nogo menlagaikhesik he, alit a'nogo aremnogoat helaluk it afuni omanogo mondogat ineilhanem wulifikhe. A'nogo hilingitikhemo, it afuni omanogo mondogaren he, mel isukwa: ”Eige! Nailo e. Nit yoma attagat afuni ekhe nen yi'nogo ekhe hilingitunem hogorek lek mene hilingite yi ninailo e,” iluk Allah fogeratukwa.

LUKAS 1:65

A'nogo hilingitikhemo, it afuni inom welagaukwa mene omanogo inailo hokhorogo agaukwa. Inailo agaukwasik, wene hilinglagaikhe mene a'nogo abok o Yudea tomkwe welagaukwa mene andoma inoba piling-palanghogo yagaisilik lagaukwama wene andi sak-pak isikhe.

LUKAS 5:8

A'nogo hilinglasigeluk isikhemo, at Simon a'nogo Yesus eilhanem eindep awi yagaisogo soma isikhesik he, ”Noe e! An weak hilingitirek mene yi re, yoma nobagaluk lan o,” iluk yagatikhe.

LUKAS 7:16

A'nogo hilingitikhemo afuni hokhorogo omanogo inailo agaikhesik he, Allah fogerati logolik, mel isukwa: ”Ap kain Allah ane yaganisikhi logogin mene ekhe ninanggele'ma nen weinam aga yi o!” iluk igik, nen it ekhe nen he, ”Allah nen againafuri telninabigeluk waga o!” iluk igik, isukwa.

LUKAS 8:37

A'nogo yagaisasukwama, it afuni o sili Gerasa mene inom o esanggokwe mene inom inebe mondogat inailo mondok hokhorogo agaukwasik he, Yesus mel yagatukwa: ”Yesus. Hat hebe ninom yoma logogun lek. Lan o,” iluk yagatukwa. A'nogo yagatukwama, at Yesus e so elema kwisikhesik warogo re, ambotkwe wagaikhe.

KISAH PARA RASUL 4:21

A'nogo yagaisasukwama, ap a'nogo elalinat hilingitukwa andi faget, afuni mondogaren Allah fogerati lagaukwa andi nen, wene ninggi'nogo inoba fou heat hilinglagaikhemo re, hobuk we komorogo wulakfisasukwa.

GALATIA 1:24

A'nogo holhi logolik, an faget he, Allah fogerati lagaukwa.