LUKAS 5:14 - Allah Wene Fano Wene Hupla Inane

¹⁴ Lek agaikhemo, at Yesus nen he, mel yagatikhe: ”Haren he, Yesus nen a'nogo higitnafe iluk he, afuni ekhe mondok yagaisagun o. We, ap Allah eisewerek mene nen eilenggen heowagen he, oba lambik, mel hilingi'no. At Musa nen ikhi logolik, afuni inoba fano arik, Allah faget yi'nogo fisogoin, iluk isikhe a'nogo higithogoat, noba henanggo inailo mene a'nogo lek agama fano agi, iluk Allah faget ekhe fugunem futhobagauwagen he, ekhe fei lano,” iluk komorogo lakfesikhe.

LUKAS 5:14 Iomraidhean Croise

IMAMAT 13:2

Ap misik mene ekhe agap oba oumo tuk-tugengge inom, purak inom, hul-hulengge oba agunem oumo hokho asuhak halok he, ap andi weak-weak waluk it Harun ambisangma mene imam omanogo inambit waga logogun.

MATIUS 10:18

A'nogo hilinghinabugun andi ero an nebe fagerat, ap inenupogot mene inom, kaindek mene inom, inoba wokhinarek lagunem, hiren it ap andi ineilhanem an hilingitunem hineilenggen niikhi lagep mene a'nogo fakhogo it yagaisigik, afuni endakwe mene yagaisigik, yagaisoageluk fano asuak hinanema wanugun a'naga o.

MATIUS 12:16

”An nen higithinafi yi re, nabok afuni ekhe mondok yagaisagubo,” iluk komorogo yagaisasikhe.

MATIUS 8:4

Fano agaikhemo at Yesus nen he, mel yagatikhe: ”Haren he, Yesus nen yi'nogo higitnafe, iluk, afuni ekhe mondok yagaisagun o. We, ap Allah eisewerek mene nen eilenggen heowagen oba lambik yi'nogo hilingi'no. At Musa nen ikhi logolik he, Afuni inoba fano a'luk, Allah faget yi'nogo feino, iluk isikhe higithogoat fisugunem futhobagauwagen he, ekhe fisa lano o,” iluk yagatikhe.

MATIUS 9:30

A'nogo yagaisugu kwelek aremnogoat ineilenggen a'nogo fano agaukwa. Fano agaukwama re, at Yesus ane ninghogoat yagaisikhi logolik he, ”An nen higithinafi mene yi, afuni ekhe inelu asinogo iluk he yagaisagubo,” iluk yagaisasikhe.

MARKUS 1:44

mel yagatikhe: ”Yesus yi'nogo higitnafe iluk, afuni ekhe mondok yagaisagun o. We, ap Allah eisewerek mene eilenggen heowagen oba lambik, mel hilingi'no. At Musa nen ikhi logolik he, ”Afuni inoba fano arik, Allah faget ekhe fisano,” iluk isikhe higithogoat, ”Oba fano agama, iluk futhobagauwagen, Allah faget ekhe inobagai lano,” iluk yagatikhe.

MARKUS 6:11

It afuni o ekhe nen hinebe wokhinafik, hinane holhik, igi'lek halok he, o andi nen wulibi waga logolik he, it o andoma mene inendawimo futfouwageluk he, hineisok a'makwe kweang ogoilong terogo herakfisaluk wulibi we'no,” iluk komorogo lakfisasikhe.

LUKAS 17:14

A'nogo isukwama, at Yesus nen eilenggen yerisasikhesik he, mel yagaisasikhe: ”Hit he, ap Allah eisewerek mene omanogo nen hinebene ineilenggen hisoagen he, inugisa lani o,” iluk yagaisasikhe. A'nogo yagaisasikhemo, it omanogo ebekwe lagu kwelegat, inoumo henanggo inebene omanogo mondogat lek agaikhe.

LUKAS 5:13

Yagatikhemo re, at Yesus nen ap a'nogo enggi fakhikhi logolik he, ”Fano higithabigeluk ikhi lagi. Halok he, fano ame o,” iluk, yagatu kwelek aremnogoat he, oumo henanggo inailo mene a'nogo mondok lek agaikhe.

LUKAS 9:5

Nen, it afuni o ekhema nen hinebe wokhinafi'lek halok he, hebisaluk wulibi waga logolik he, it o andoma mene inendawimo futfouwageluk he, hineisok aling horogo pelakfisaluk wulibi we'no,” iluk, komorogo lakfisasikhemo,