LUKAS 5:12 - Allah Wene Fano Wene Hupla Inane

¹² A'nogo lagaukwasik oba nen, inenggi ekhe sambul he, Yesus o sili ekhe lagaikhesik were'ma, ap ekhe oba ou henanggo inailo mene ebene hokho agaikhesik logolik, aren Yesus eilenggen hasikhesik he, eindep awi yagaisogo hai wati logolik mel yagatikhe: ”Yesus, noe! Haren fano higitnabigin anggegen halok he, elok fano higitnabin o,” iluk, yagatikhe.

LUKAS 5:12 Iomraidhean Croise

KEJADIAN 18:14

An hineisena Tuhan nen elalin mene hilingisu re elo'lek nogo? Hilingisigin enego. Tugi 9 logombigen hobuk hinoba wesigin, iluk attagat yagahisigi andi hak, wesigin aro. Wagunem, Sara eak abengge takhagain o,” iluk yagatikhe.

1RAJA-RAJA 18:39

A'nogo nunggunem, afuni omanogo ineilenggen hasukwasik he, inailo nen inebe kweangma si-sogoum isukwasik, mel isukwa: ”Tuhan andi re Allah eberogo mene o. Tuhan andi re Allah eberogo mene o,” iluk fogeratukwa.

2 RAJA-RAJA 5:1

Ap enu Naaman andi re, ap tentara o Siria mene esa logalhi lagaukwa mene inoe kain weim aniniweak mene welagaikhe. A'nogo were'ma, at alisikhogo nineisena Tuhan nen ap tentara Siria mene nen inaselei mene mabenet fisaluk inomame asuagaluk hilinginafikhe andi nen, afuni Siria mene inoe enupogoren Naaman endawinggen hundik logolik agaukhogo mondok yagati lagaikhe. A'nogo meneat he, at Naaman ebene oumo henanggo inailo mene welagaikhe.

2 RAJA-RAJA 5:27

Hat a'nogo wanhen andi nen, ap Naaman ebene oumo henanggo inailo mene welaga mene andi hat helegen aro. A'nogo helegendi'mo re, afuni haren tagongge mene hombalak ta'larik laga logogun mene henanggo andi inoba mondok logogin o,” iluk yagatikhemo, at Gehasi enda'ma wulibi wagu kwelek aremnogoat, oumo henanggo inailo mene a'nogo oba agaikhesik, agap mondok kut agaikhe.

2 RAJA-RAJA 7:3

A'nogo isukwa andi sambul he, ap inebe enggaminogo mene inebene inoumo henanggo inailo mene, o kota Samaria leget pa'leget ambe palek abel endakwe andoma welagaukwa. A'nogo logolik, it-it mel isukwa: ”Nit elalinat o yoma hurek-hurek ninebe arat wa'lasugun andi re nenahalok nogo?

1 TAWARIKH 21:16

A'nogo yagatikhemo at Daud eilenggen liakhasikhe re malaikat a'nogo pogot hilingi'luk kweang hilingi'luk tulem honggole'ma andoma tarik nikhi logolik o Yerusalem legaphogo fagain iluk enggarok enggimo fanghogo were'ma hasikhe. Arigini'mo hasikhe andem sambul he at Daud inom, it afuni melalinafu mene inogogwi a'nogo inom, nit weak hilingitosik iluk inendawi warikhi logolik fong warogo inasu pelagi su laberogo ineindep awi kweangma yakfesukwasik welagaukwa.

MAZMUR 50:15

Hit hinoba enggin-fenggin hikhi logolik he An nenu hombuk palhi logoino, Nen An nen hit hinoba fikhalogo hinobagagunem, hiren An fogetnafi logogun.

MAZMUR 91:15

Aren ane hokhorogo An nayonggo fugu halok he, An nen at ane igin mene onggo yagasigin aro. At weak logolik, ninggi'nogo hilingisu he were'ma, An nen lebetikhi logogin o. An nen at ebe telimbik he, enu werek hilingisogo fagain o.

KELUARAN 4:6

A'nogo yagatikhesik Tuhan nen Musa ekhe mel yagatikheat: ”Hat henggi hasu elekwe kwelakfein o,” iluk yagatikhemo, enggi asu elekwe kwelakfuluk lit hasikhe re, enggibene mondok kut agaikhesik oumo agap ebene inali'lip asu hak mene hilingi'mo hasikhe.

IMAMAT 13:16

Oba nen he purak henanggo a'nogo agambut a'luk agap kut agu halok he, ap a'nogo imam were'ma yagaisa waga logogin.

IMAMAT 9:24

A'nogo hasukwama nen ferekhogo aremnogo At Tuhan nen endu pelabi wagaikhemo, nolengge warogo nolhukwa mene inom fenakwe asei werek mene mezbah amboloba welagaikhe mene omanogo inom mondok endu nunggunem hasukwa. A'nogo nunggunem it afuni Israel mene omanogo nen hasukwasik iren inagaiyek mondok hokhorogo hilingiti logolik ineindep awi yagaisogo fogeratukwa.

MATIUS 26:6

A'nogo isukwasik werek kwelek, at Yesus o Betania ap Simon oumo henanggo hangge inailo mene attagaren ebene welagaikhe mene andi aiba andoma kwisikhesik were'ma,

MATIUS 9:28

A'nogo yagatukwama, at Yesus ebe oloba kwisikhesik were'ma, it ap inebe pire ineilenggen mum mene aremnogo oba kwisukwa. Kwisukwama re, at Yesus nen, mel yagaisasikhe: ”Hit hinendawimo nen he, Aren elok higitninabigin iluk anggikhi lageba?” iluk yagaisasikhemo re, iren he, ”I o. Ninoe. Elogat higitninabigin anggikhi lago,” iluk yagatukwa.

MARKUS 5:23

”Yesus noe. An na'logo ebe oan mene oba ouen wa'lasigiluk ugu kwelek wagi. Haren henggi fakhamo ebe fano asimbik eluk logouwagen, nemberek louwogeluk hayonggo wagi o,” iluk ane elagaik ane yagatikhe.

LUKAS 17:16

Wagaikhesik, Yesus awe a'ma eindep awi yagaisogo ot lumbuk hai watikhe. Ap andi awi o Samaria mene.

LUKAS 5:13

Yagatikhemo re, at Yesus nen ap a'nogo enggi fakhikhi logolik he, ”Fano higithabigeluk ikhi lagi. Halok he, fano ame o,” iluk, yagatu kwelek aremnogoat he, oumo henanggo inailo mene a'nogo mondok lek agaikhe.

ULANGAN 24:8

Nen, hit ekhe hinoumo henanggo inailo mene hinoba aga halok, it ap Allah eisewerek Lewi mene nen, yi'nogo hilingi'no, ti'nogo hilingi'no, iluk yagahisoagaluk yagaisigi mene iren yagahisugunem mondok higithogoat hilingiti logoino o.

IBRANI 7:25

A'nogo eluk mondok logolik, nit afuni faget Allah kino yagatu mondok welagarek andi nen he, nit Allah were'ma kuogeluk At oba fa'larik kugunem elok telninabimbik katokhogo fano hilingninabigin andi.

YOSUA 5:14

”An hit werekwe mene legat, nen, hinaselei mene legaro. An he, we, Tuhan agot panglima, tentara inoeat wagi o,” iluk yagatikhe. A'nogo yagatikhemo, esanggo holhikhesik he, weak-weagat eindep awi yagaisogo fogoratikhesik, mel yagatikhe: ”An nebe re noe hat hamingmingengge mene o. Halok he, an nen hat faget ninggi'nogo hilingisik?” iluk yagatikhe.