LUKAS 4:36 - Allah Wene Fano Wene Hupla Inane

³⁶ A'nogo wulifunem he, afuni hokhorogo omanogo inailo agaukwasik he, it-it ikhi logolik mel isukwa: ”At ane ikhe andi ninggi'nogo mene? At ebe kainat logolik ane omamerogo munggwarengge inobabut weak mene, wulibi lani, iluk ugunem ane hologo wulifarek andi nailo e,” iluk fogeratukwa.

LUKAS 4:36 Iomraidhean Croise

MATIUS 9:33

Waluk wagaukwama re, at Yesus nen munggwarengge obabut weak mene ap a'nogo endawimo kwisikhesik were'ma henegeisogo wulakfesikhemo, ap a'nogo ane huakhogo isikhe. A'nogo hilingitikhemo re, it afuni hokhorogo welagaukwa mene nen Yesus fogerati logolik he, mel isukwa: ”Nit afuni Israel mene ekhe nen yi'nogo hilingitunem nineilenggen isogorek lek mene nailo e,” iluk fogeratukwa.

MARKUS 1:27

Wulifikhemo re, it afuni omanogo nen mel isukwa: ”At ane ikhe andi ningginik. Wene andi ket hunogoat wene eiseweregen yaganisili'logo higi. Aren munggwarengge obabut weak mene wenagisugunem he, at ane inesanggo hologo hilingiri'lagwi andi nailo e!” iluk fogeratukwa.

MARKUS 7:37

A'nogo yagaisugunem he, iren hokhorogo fogerati logolik he, mel ikhi lagaukwa: ”Aren, yi mene ti mene fano nek hilingiti logolik, afuni higirinafunem he, inesanggo tagum mene hutik, inesanggo holhik, inane lek mene inane fano agik, ili'lagwi andi nailo e!” iluk hokhorogo fogeratukwa.

LUKAS 2:18

A'nogo yagaisasukwama, it afuni andoma inesanggo holhukwa mene mondogaren, mel isukwa: ”Egi! Nailo e,” iluk fogeratukwa.

LUKAS 4:32

Yagaisikhi logolik, wene ebe eisewerek mene nen agarek hak ugunem en, it omanogo nen he, ”Nailo e!” iluk fogerati lagaukwa.

1 PETRUS 3:22

At ebe eluk agaikhesik he, pogoroba lagasikhesik, Allah era'lu kain logolik, malaikat Allah nen yonggo pelakfisa wagarek mene omanogo inom, inogogwi kaindek mene inom, inomame hokho mene inom, ferinarek welagarego.