LUKAS 4:22 - Allah Wene Fano Wene Hupla Inane

²² it afuni omanogo nen he, mel isukwa: ”At yi ap Yusuf amlogo a'nogo lek nogo? Araro. Meneat he, aren wene fano mondok yaganisikhe andi nailo e,” iluk fogeratukwa.

LUKAS 4:22 Iomraidhean Croise

MAZMUR 45:2

An nane pugun paganhogo nendawimo nen lagai wagunem ikhi lagi mene andoma re, at raja faget ikhi lagi o. Ap wuni kogalek awuni felalhi lagaukwa mene mondok inendawi kagalek mene nen lisu palu hak, an namelinggen oba nen kogalek awuni nek foukhogo welagi o.

MAZMUR 45:4

Hat ap raja handungdang werek hagun yi re, henggarok halugagiba kelan o, nen hat hebe mondok lego logolik elalin agun welagen!

AMSAL 10:32

Ap fano mene inane ugunem he inendawimo healogo nek agarek, oba nen ap ina'mage weak mene inane ugunem he inendawimo ouet fisagarek.

AMSAL 16:21

Ap hebelek mene re ungguloak kagalek andiba afuni inelu agarek, ane ugunem he inendawimo waluk at ane ikherek mene faget eberogo iluk fut fagarek.

AMSAL 25:11

Anggagarek mene a'nogo u higiroba asi wagunem agarek mene andi re, emas enggen perak mene loksek engge welagarek higit.

PENGKHOTBAH 10:12

Ap hebelek mene ane ugunem he legeisogo fagarek, oba nen ap morue mene re onggwarek ane ambisangma eiloak lek agarek.

KIDUNG AGUNG 5:16

Ane ikherek mene re enduk mondok mit-mirengge, nen at ebene hilingik mene andoma mondogat he inendawinggen wanu hak enek. Yago, o Yerusalem helime yi sani! An nendawinggen hundik mene andi ninom hilingik welago mene re a'nogo andi.

YESAYA 50:4

Tuhan Lego Mondok welagarek mene a'nogo nen an nane ugunem, ap inoba lebelekhogo welagaikharek mene inomamet fisikhi logouwageluk yanggulnafe. O hubet hundik-handik he, Aren an yaganetu mene omanogo nagaiyekhogo holfuluk, an nendawimo hilingiti logou mene nek hilingnobagauwageluk nomame kwelaknobagali'logo.

LUKAS 2:47

A'nogo ikhi logolik, iren heinok wanhunem, at wene mondok elu logolik onggo yagaisasikhe andi nen he, it ap andogorek welagaukwa mene omanogo mondogat ane inesanggo holhukwasik he, ”Eigi, nailo e!” iluk fogeratukwa.

LUKAS 2:48

A'nogo fogeratunem, it at agaisa eisena emberegen ebe arat heratukwasik he, ”Nailo e!” iluk fogeratukwa. Fogeratukwasik agaisa nen he, mel yagatikhe: ”Neak, hat yi'nogo hilingninafen nenahalok Heisena nemberek ninendawinggen firik herakhabik nikhi lago yi heilenggen nisan?” iluk a'nogo isikhemo,

LUKAS 4:21

A'nogo yethugu were'ma, at Yesus nen he, ”Allah ane lisu palek mene yiba, Yi'nogo hilinglasigin, iluk isukwa mene a'nogo yogondak yagahisugunem hinesanggo holhu kwelek yaat emberek higit aga o,” iluk isikhemo,

YOHANES 1:45

Ombo'ne laga logolik, at Filipus a'nogo hobuk ap Nataniel emberek ambi agaukwasik mel yagatikhe: ”Nataniel. At Musa nen wene Allah nen komotninafikhe wene a'nogoba, ap ekhe abok ikhi logolik lisu palhik, nen, it ap Allah ane yagaisikhi lagaukwa mene omanogo nen abok ikhi logolik lisu palhik, isukwa mene a'nogo nit arat ninom ambi ago. At ebe re, Yusuf amlogo o Nasaret mene, enu Yesus aro,” iluk yagatikhe meneat he,

YOHANES 6:42

”Ap yi enu Yesus, ap Yusuf amlogo. Nen, at eisena agaisa ninelu meneat he, aren ikhi logolik he, An nebe re, pogoroba nen pi wagagi iluk ikhe andi ninggi'nogo nen ikhe, anggegep,” iluk isukwama re,

YOHANES 7:46

iren he, mel yagaisasukwa: ”Eige! Wene aren ili'logo andi hak he, it ap ekhe nen wene a'nogo ugunem isogorek lek meneat he, aren wene hunogoat ili'logo andi nen ebe herakfogo o,” iluk, yagaisasukwama re,

KISAH PARA RASUL 6:10

A'nogo wenagetukwa meneat he, at Stefanus Allah Areagun endawimo kwisikhesik logolik, wene higirat kagaukhogo ugunem, it inane onggo ninggi'nogo yagasu heat hilinglagaikhe.

TITUS 2:8

A'nogo yagaisugunem, it ekhe wene andi inabit mene nen, ”It weak hilingita,” iluk, wene nit ninoba le'maat ugunem, inenggali asuageluk, ebe wene fanotninaferek wene a'nogo, weak ugun lek mene andiat, yagaisikhi logoino.