LUKAS 4:2 - Allah Wene Fano Wene Hupla Inane

² Lagaikhesik andoma were'ma enggi 40 hari Iblis nen endawimo kagaligeluk oba waga lagaikhe. Wagu kwelek, enggi 40 hari andem sumburu mondok ninggi'lek welagaikhe andi nen he, sumburu mondok nele agaikhemo,

LUKAS 4:2 Iomraidhean Croise

KEJADIAN 3:15

Hat inom, he yi inom, hemberek mondok weak logolik, aren tagongge mene inom, haren tagongge mene inom, hinom weim palek mondok logogun o. A'nogo logolik aren tagongge mene nen he, hat hungguloak sagalogo hoatunem, hat haigen it ineisok onggut libilinafi logogin o,” iluk yagatikhe.

1RAJA-RAJA 19:8

A'nogo yagatikhemo, at Elia eluk agaikhesik he, sumburu inom, i inom, nasikhemo omame agaikhesik, kwe la elok agaikhemo re, laga logolik kweba enggi 40 nen nogo iluk tom Sinai oba o attagat Allah ebe Israel mene inelokhoma menlagaikheba arat asi lagaikhe.

ESTER 4:16

”Afuni Yahudi mene o Susan oba werek mene andoma kaboget fisaluk, hit he linggene henagan andem oba re an nobaget sumburu inom, i inom ninggi'lek heang logoino. Nen an ogore an inom it helime silerik an nobaget yabu hilingiri'lagwi mene oma inom ogore ninambe heang logogun aro. A'nogo hilingisimbik enek he, wene melalek oak sagal fuluk oba nen he an nebe raja were'ma kwi lagain. Wene andi faget an wa'lasigin halok andi re, wa'lasigin he fano nek!” iluk lakfesikhe.

KELUARAN 24:18

Woletikhemo, Musa ebe ohena welagaikheba unggul oba higit lagasikhesik ohena elema kwi lagaikhe. Kwi lagaikhesik linggene hubanggo mondok andoma enggi 40 nen welagaikhe.

KELUARAN 34:28

Wene andoma nineisena Tuhan nen Musa oba yagatu werek kwelek sumburu inom, i inom, ninggi'lek enggi 40 hari nen emberek welagaukwa. Logolik he, wene ebe 10 nen nineisena Allah nen wene warogo wo'ninafikhe mene andi helep sabia meneba lisu palogo fesikhe.

YUNUS 3:7

A'nogo logolik, at agoromi kaindek inomen wene tekhogo isukwasik, afuni o kota Niniwe welagaikharek mene mondogat wene ero inoba wulafi logolik, mel isukwa: ”Hit afuni mondogat inom, wam sapi, domba ekhe mondogat inom, i sumburu nogoin mondok lego!

MATIUS 21:18

Nogo iluk hup siakhogo re, at Yesus o kota a'nogo ambotkwe kwikhi logolik, ebekhalem sumburu nele agaikhe.

MATIUS 4:2

Andoma fei lagaikhemo logolik he, o hubagik, o wei igik, ugu kwelek enggi 40 hari sumburu ninggi'lek weat welagaikhe andi nen he, sumburu nele agaikhe.

LUKAS 4:3

hobuk at Iblis oba wagaikhesik he, mel yagatikhe: ”Hat eberogoat Allah amlogo halok he, helep yi sumburu roti mene hilinglasuagen yagasin o,” iluk yagatikhemo,

YOHANES 4:6

O lingge tulem jam 12 oba lagai wagaikhesik, at Yesus kwe nen warek andi nen he, i ap Yakub agai mogwe habuli'mo hinati lagaukwaba andi hu'lagaikhesik welagaikhe.

ULANGAN 9:18

A'nogo lakfisaluk hobuk tom oba lagagirik he, i inom sumburu inom, ninggi'lek nineisena Tuhan eilhanem neindep awi yagaisogo fogeratu nenggi 40 nenat, welagagi andi. A'nogo hilingitigi andi re, At nineisena Tuhan nen he, An neilhanem mondok weak hilingitebo, iluk isikhesik he, a'mage hokho mene lagasikhe.

ULANGAN 9:25

A'nogo hilingiti lagep andi nen, nineisena Tuhan nen he hinebe legethinabigiluk isikhe andi an nelu o. A'nogo isikhe andi nen, an nineisena Tuhan elokhoma neindep awi yagaisogo fogeratu 40 hari logolik, samban yi'nogo ikhi lagagi:

ULANGAN 9:9

A'nogo hilinghinafikhe andi re, nineisena Tuhan nen wene warogo wo'ninafikhe wene a'nogo helep sabiaba lisu palogo fesikhe mene wanigiluk tom oba lagasigisik nenggi 40 nen sumburu inom, i inom mondok ninggi'lek andoma welagagi andi.

IBRANI 2:18

A'nogo wanhikhemo re, at weak hilingisuageluk endawimo kagalhunem, yi enggin ti enggin arat hasikhemo andi nen he, nit afuni weak hilingisuageluk ninendawimo kagaligeluk wagunem, aren elogat lebetnisagain werego.

IBRANI 4:15

Nit ninoe kain Allah eisewerek welagarek andi re, nit ninomame mondok lek welago andi re, at onggot lego. At nit ninobabut wanhikhesik were'ma, weak mene a'nogo nen, nit weak hilingisuageluk ninendawinggen kagalherek andi hak, at Yesus a'nogoat yi mene ti mene faget endawimo kagali waga lagaikhe meneat he, at weak ekhe hilingiti'lek logolik ninobabut elu welagarego.

1 SAMUEL 17:16

At Goliat enggi 40 nen inukhogo andi re ap tentara Israel mene inoba ane asegen wogisageluk, hubet siakhogo inom, hu'mokokwe inom, ap tentara Israel mene erarogo folek werek higit horokhogo omanogo kwi waga lagaikhe.