LUKAS 4:1 - Allah Wene Fano Wene Hupla Inane

¹ At Yesus i Yordan ima pugunem, Allah Areagun endawimo peterogo kwisikhemo wulibi wagaikhesik lagunem, at Allah Areagun en ebe waluk he, o leimo afuni le'ma andoma lagaikhe.

LUKAS 4:1 Iomraidhean Croise

1RAJA-RAJA 18:12

An nebe yoma nen lagu kwelek he, nineisena Tuhan Areagun nen hat hebe o an nonggotma wokharek lamo werek kwelek, an nen he, Elia ebe o a'lima werek, iluk yagasumo, aren hat herakhabik wesigin mene re, hebe legen, aren an eberogoat nebe noasigin aro. Mene at he, helurogo, an he nebe yenggerek oba nenat ibi-eberogo nen neisena Tuhan faget fogeratirek mene o, noe.

1RAJA-RAJA 19:4

eisok oba o leimo afuni le'ma andoma ohealek huberen pikhit lagaikhe-lagaikhe o arat hu'mokwe agaikhemo, e enggi talek hokho mene ekhe eroma omanogo kamo i lagaikhesik welagaikhe. Andoma hu'lagaikhesik logolik he, nebe wa'lasigin namolo, iluk endawimo anggasikhesik, eisena Tuhan mel yagatikhe: ”Tuhan neisena. An nebe neluk logogin mondok elo'lego. We, an nebe fano ekhe welagi'lek. Nombalak weak welagaukwa andi hanggeat welagi andi nen he, an neluk wo'nabin o, neisena,” iluk yagatikhe.

YESAYA 61:1

Tuhan Lego Mondok welagarek mene a'nogo omame re an noba werek. Aren an wenagaisogo nobagaikhesik la'nobagai waga andi re afuni inelagaik mene inoba wene fano wene yagaisigik, afuni inendawimo warugu welagaikharek mene andi fanorinafik, afuni hele warek welagaikharek mene inoba re weak-weagat hele fikhalogo telhinabigin o, iluk yagaisigik, nen afuni ekhe o hele warek fisagare'ma andoma welagaikharek mene inoba re, hobuk fikhalogo hinobagagin o, iluk yagaisigik, uagaluk laknobagai waga o.

YEHEZKIEL 3:14

Tuhan omame a'nogo an noba nomamerogo kwelakfei wagama re, At Areagun nen an legeisogo wo'narek lagunem he nendawimo na'mage lagagik, nendawimo heiselhik, igi.

MATIUS 3:16

ima pelakfesikhemo re, yegelogo lagai wesigin ha'ma re, pogot healogo Allah Areagun sue pel hangge oba labok i pi wagunem eilenggen hasikhe.

LUKAS 2:27

at Simeon a'nogo Allah Areagun oba mondok logolik, Allah awi wuri'mo kwisikhesik were'ma, Yesus agaisa eisena emberek Allah nen isikhe mene lisu palek welagaikhe mene higithogoat hilingisuogeluk he, Yesus tago a'nogo waluk kwisukwa.

LUKAS 3:3

A'nogo yagatikhemo, o Yordan tonggwe andoma yi awi ti awi afuni yagaisilik nikhi logolik he, mel ikhi lagaikhe: ”Wene hinoba mene Allah nen sebelogo legetfisoageluk he, hit weak hilingiti lagep mene andi herakfisaluk, hinobabut hebela'ni. Hinobabut hebelasumo, an nen ima pelakhinafi logogin o,” iluk, yagaisilik nikhi lagaikhe.

LUKAS 3:38

Kenan andi re, Enos amlogo. Enos andi re, Set amlogo. Set andi re, Adam amlogo. Adam andi re, Allah amlogo.

LUKAS 4:14

At Iblis a'nogo arat lagaikhemo nen he, at Yesus Allah Areagun omamerogo endawimo werek kwelek, ambotkwe o Galilea tonggwe lagai wagaikhe. Lagai wagaikhemo re, at abok o andoma mondok sak-pak isikhe.

LUKAS 4:18

”It afuni inagarek mondok lek inelagaik mene andi fano wene yi yagaisikhi logouwageluk mennobagaikhemo a'luk he, neisena Enupogot Areagun pelakfei wagama an noba louksek werego. Nen, nayonggo fikhi logolik mel yaganetikhe: It afuni inenggi hele homago mene hele fikhalinabigin wene inom, ineilenggen mum mene fano asuageluk hilinginabigin wene inom, yagaisigik, it afuni inawe a'ma hak sebelogo hebisili'lagwi mene telogo sele'ma fisigik,

YOHANES 1:32

Yohanes nen a'nogo yagaisasikhesik, hobuk at eilenggen hasikhe mene fakhogo mel yagaisasikhe: ”Allah Areagun sue pel hangge mene pogoroba nen pi wagasik Yesus oroba laboksek were'ma neilenggen higi o.

YOHANES 3:34

At Allah nen lakfei wagaikhe mene andi, Allah Areagun elele wanhi'lek mondogat wogetikhe andi nen Allah aneat yaganisikherego.

KISAH PARA RASUL 1:2

at eisena nen ebe pogoroba liakfesikhe andi huli, lisu palogo lakfei wagagi andi. At ebe pogoroba oan liakfigi'lek werek kwelek, at agoromi inebe wenagaisogo inayonggo fesikhesik lakfisageluk isikhe mene omanogo Allah Areagun omameba komorinafikhe.

KISAH PARA RASUL 8:39

Ima pelakfikhesik, aik oba wulibi wagunem, at Allah Areagun nen he, Filipus a'nogo hambokhogo waluk o hunogoma fei wagaikhemo re, ap kain a'nogo nen Filipus ebe hobuk eilenggen hasikhe lek. A'nogo hasikhe lek meneat he, endawimo agaiyek hilik-hilik kwe pigeluk pisikhe kwe a'nogo pisikhe.