LUKAS 3:36 - Allah Wene Fano Wene Hupla Inane

³⁶ Salmon andi re, Kenan amlogo. Kenan andi re, Arpakhsad amlogo. Arpakhsad andi re, Sem amlogo, Sem andi re, Nuh amlogo. Nuh andi re, Lamekh amlogo.

LUKAS 3:36 Iomraidhean Croise

KEJADIAN 5:3

At hun Adam umur 130 tahun logolik amlogo onggwarek olokhe hangge enu Set tatikhe.

KEJADIAN 6:22

A'nogo yagatikhemo, at Nuh wene Allah nen, yi'nogo hilingi'no ti'nogo hilingi'no, iluk yagatikhe hagat mondogat higithogo hilingitikhe.

KEJADIAN 7:13

Andem sambul he, Nuh agwe inom, againafuri Sem, Ham, Yafet, inagagwi inom, kapal a'nogo elema kwisukwa.

KEJADIAN 8:1

Allah nen a'nogo inoati logolik, at Nuh ebe inom, wam, sue, paik, yi mene ti mene inom, kapal a'nogo elema kwisukwa mene inom, enek he, inoba inonggot agi'lek eberek mondok welagaikhesik, Allah nen sogoi funhoageluk hilingitikhemo, funhikhi logolik, i a'nogo pi wesigiluk isikhe.

KEJADIAN 9:1

Allah nen Nuh ebe inom, againafuri inom, fanorinafi logolik, yi'nogo yagaisasikhe: ”Hit hinebe inom, hiren tagongge mene inom, o kweangma yi awi ti awi mondogat logobagaigen he, hinagainafuri taginafik, it inagainafuri hinombalak taginafik laga logolik mondok hokhorogo wialaga logoino o.

KEJADIAN 9:18

Nuh againafuri inom kapal elema nen wulibi wagaukwa andi inenu re yi: Sem inom, Yafet inom, Ham inom andem. (At Ham andi re, ap Kanaan eisena).

1 TAWARIKH 1:1

Afuni inunggulenu Israel mene inombawi hun Adam oba nen Nuh huli ta'larik wagaukwa mene pilingisogo re yi: Adam Set Enos Kenan Mahalaleel Yared Henokh Metusalah Lamekh Nuh huli welagaukwa. Ap Nuh amlogomi inebe henagan welagaukwa; Inenu re Sem, Ham, Yafet.

1 TAWARIKH 1:17

At Sem againafuri re, Elam inom, Asyur inom, Arpakhsad inom, Lud inom, Aram inom, Us inom, Hul inom, Geter inom, Mesekh inom taginafikhe.

YEHEZKIEL 14:14

It ekhe Nuh inom, Daniel inom, Ayub inom, omanogo o andoma inanggele'ma logoilepma nen ogore, it inebe henagan andem en fano hilingiti lagoilepma re, we it inonggwaregat ineluk faget inili helelebo. Iluk An Tuhan Lego Mondok welagirek mene a'nogo nen nane mondogat igi.

LUKAS 17:27

Nuh werek kwelek, it afuni andoma inamburu ninggik, enggen amusu ninggik, aben hemi ikhigik, it ekhe igisigik, ugu kwelek, ap Nuh a'nogo e so elema kwisikhemo, i nabung-habung ikhi logolik, it afuni omanogo felelenghogo inoatikhe.

LUKAS 3:35

Nahor andi re, Serug amlogo. Serug andi re, Rehu amlogo. Rehu andi re, Peleg amlogo. Peleg andi re, Eber amlogo. Eber andi re, Salmon amlogo.

LUKAS 3:37

Lamekh andi re, Metusalah amlogo. Metusalah andi re, Henokh amlogo. Henokh andi re, Yared amlogo. Yared andi re, Mahalaleel amlogo. Mahalaleel andi re, Kenan amlogo.

IBRANI 11:7

At Nuh ogo re, endawinggen Allah oba himbiret fuluk, yi wene ti wene hobuk hilinglasigin mene Allah nen husumbi yagatikhemo ebe eilenggen higi'lek meneat he, ”Eberogoat hilinglasigin mene yaganete higi,” iluk Allah ane hologo logolik, e so ekhe at againafuri inom telinabigin mene faget wutikhe. A'nogo wutikhemo, Allah nen afuni wene inoba fesikhesik inebe inoatikhe meneat he, at Nuh alegat enek he, endawinggen eberogo nen Allah oba himbiret fesikhe andiba, Allah nen, ”At fano,” iluk telhikhe.

1 PETRUS 3:20

Inareagun andi inebe re, attagat at Nuh nen kapal wutu kwelek, Allah obabut fano nen kwelaginarek werek kwelegat he, wene wanhi'lek herakfisaluk weak hilingitu mondok were'ma i fu nen inoatikhemo wa'lagaukwa mene andi. A'nogo inoatu kwelegat he, it ekhe e so elema kuluk welagaukwa mene, inebe 8 en endebat i fu andiba telinafikhe andi.

2 PETRUS 2:5

Andi higirat, afuni attagat welagaukwa andem oba logolik, Allah inabit mene nen inobabut weak hilingiti lagaukwama Allah nen herakfisigi'lek. We, i nabunghabung ikhi logolik inoasuageluk inoba pelakfei wagaikhemo inoati logolik, Nuh, afuni inobabut Allah endawimo amolo mene hilingiti logouwageluk wene yagaisikhi lagaikhe mene inom, inebe 7 nen ekhe inom, telinafikhe andi.