LUKAS 3:22 - Allah Wene Fano Wene Hupla Inane

²² Allah Areagun sue pel hangge ot oba labok i pi wagaikhe. A'nogo hilingitikhemo re, pogoroba nen ane mel isikhe: ”Namlogo nendawi e! Noba liok ikhe o,” iluk isikhe.

LUKAS 3:22 Iomraidhean Croise

MAZMUR 2:7

Raja nen ikhi logolik he, ”An he, Tuhan nen wene menfikhe mene andi faget eberogo anggikhi logogin. Aren an noba ikhi logolik he, Hat he An namlogo, Yogondak yi sambul An hat heisena agi o.

YESAYA 42:1

Tuhan nen ikhi logolik, ”An namingmingengge wendeberogo fuluk ayonggo fesigi mene lebethugu kwelek nendawimo namolo mene hilingitunem noba liok ikherek mene ebe yi aro. Afuni inunggulenu lombok inawene higithogo halisikhi logouwagaluk An Nomame a'nogo At oba peterogo wogeti andi o.

MATIUS 12:18

At Allah nen he, ”Yethani! At andi re, An namingmingengge logouwageluk nonggwaregen wenagaisogo menfigi o. An nen wenagaisogo figirik nendawinggen hundik welagi mene re at andi aro. An Nareagun at wogosumo oba louk umo re, an nen afuni wene inoba figik, kotik, higithogoat hilingisigin andi faget, aren it afuni endakwe mene wene fakhogo yagaisikhi logogin o.

MATIUS 17:5

A'nogo yagatunem aremnogoat, ohena kut mene sebelinabi wagaikhesik, Allah ane ohena a'nogo anggele'ma nen mel yagaisasikhe: ”Namlogo nendawi e, noba liok ikhe. At ane nek holek logoino o,” iluk ane pogoroba pelabi wagaikhemo,

MATIUS 27:43

Endawinggen Allah oba himbirik logolik, ”An Allah amlogo o, iluk ikhi laga a'nogo re, at Allah nenat teligin anggikhe halok he, telinik he,” iluk isukwa.

MATIUS 3:13

Yohanes nen wene a'nogo yagaisugu were'ma, at Yesus ima pelaknabuageluk o Galilea nen i Yordan esanggoma were'ma oba lagaikhemo re,

MATIUS 3:16

ima pelakfesikhemo re, yegelogo lagai wesigin ha'ma re, pogot healogo Allah Areagun sue pel hangge oba labok i pi wagunem eilenggen hasikhe.

MATIUS 3:17

Labok i pi wagaikhemo re, Allah ane pogoroba nen, ”Yi An Namlogo, nendawinggen hundik mene. Noba liok ikhe o,” iluk ane pelakfei wagaikhe.

MARKUS 1:11

Eilenggen hugu kwelek aremnogoat, Allah ane pogoroba nen mel isikhe: ”Hat hebe an namlogo nendawinggen hundik mene. Hat faget nendawimo nagaiyek hakhigirego,” iluk ane pelakfei wagaikhe.

MARKUS 1:9

At Yohanes nen wene a'nogo yagaisugunem he, Yesus o Galilea tonggwe enu Nasaret en oba pisikhemo re, i Yordan ima pelafikhe.

MARKUS 9:7

A'nogo ugunem he, ohena sebelinabi wagaikhesik, at Allah ane ohena a'nogo anggele'ma nen, mel yagaisasikhe: ”An namlogo nendawinggen hundik mene ebe ari aro. Halok, at ane holek logoino o,” iluk yagaisasikhemo re,

LUKAS 2:14

”It pogot abel ponggweba welagaikharek mene nen he, nineisena Allah andiat fogerati logouwogo. Nen, it afuni kweangma yoma inebe Allah oba liok ikherek mene re inendawinggen hambukhogo logouwago,” iluk isukwa.

LUKAS 4:21

A'nogo yethugu were'ma, at Yesus nen he, ”Allah ane lisu palek mene yiba, Yi'nogo hilinglasigin, iluk isukwa mene a'nogo yogondak yagahisugunem hinesanggo holhu kwelek yaat emberek higit aga o,” iluk isikhemo,

YOHANES 1:32

Yohanes nen a'nogo yagaisasikhesik, hobuk at eilenggen hasikhe mene fakhogo mel yagaisasikhe: ”Allah Areagun sue pel hangge mene pogoroba nen pi wagasik Yesus oroba laboksek were'ma neilenggen higi o.

YOHANES 12:28

halok he, Neisena, hat henu esinet fakhan o,” iluk yagatunem he, pogoroba nen ane ikhi logolik, mel isikhe: ”Arat esinet fakhigirik he, hobuk esinet fakhagain aro,” iluk yagatunem.

YOHANES 5:37

An nebe futnobagauwageluk, neisena nen lak nobagai wagaikhe mene andi nen, nabok fakhogoat yagahisasikhe meneat he, hiren neisena ane hinesanggo holhi'legat, elokhonggen hineilenggen higi'legat logolik he,

KOLOSE 1:13

Nit attak o mum oba weak mene nen awe a'ma hele warogo fetninarek were'ma, Allah nen hele fikhalogo wo'ninafikhesik he, amlogo endawi mene a'nogo fetninarek logouwageluk awe a'ma ninobagaikhemo welago.

1 PETRUS 2:4

At ebe helep hangge eluk welagarek mene iluk he, oba we'no. Afuni nen he, ”Helep andi weak,” iluk hebisasukwa meneat he, Allah nen he, ”Helep yi mondok fano meneat,” iluk wenagaisogo esinet fesikhe.