LUKAS 3:21 - Allah Wene Fano Wene Hupla Inane

²¹ At Yohanes nen afuni mondogat ima pelaginafi logolik he, at Yesus ima pelakfesikheat. Ima pelakfesikhemo, at Yesus ebe nen samban ugu kwelek he, pogot healogo,

LUKAS 3:21 Iomraidhean Croise

YEHEZKIEL 1:1

Nit afuni Yahudi mene nen tahun inom, tugi inom, ninenggi wenatorek higithogo, 30 tahun andiba, nen tugi 4 ogorek andiba mene tanggal 5 ba re, ap enupogot Yoyakhin enggi hele warogo waluk o Babel wagaukwasik oba nen, tahun 4 en welagagusik, tahun ekhe 5 mene were'ma re, an Busi amlogo nenu Yehezkiel Allah eisewerek mene, afuni Yahudi mene ekhe inenggi hele warogo woginarek wagaukwa mene ninom, o Babel i Kebat esanggoma andoma welagagi. A'nogo were'ma, nenggi ekhe sambul nafe morogo were'ma nen aremnogoat pogot healhunem he, nabikanggoba Allah ebe liakhasigi. A'nogo liakhugunemen he, Tuhan ane an noba ugunem holhigi, nen At ebe werek mene a'nogo omame were'ma hasigi.

MATIUS 14:23

A'nogo yagaisasikhemo, wulibi wagu kwelek, at Yesus nen afuni hokhorogo omanogo arat lakfisaluk he, at Yesus alegenek punuba samban igeluk lagasikhesik ugu were'ma o hubagaikhemo re, alegenek andoma welagaikhe.

LUKAS 5:16

A'nogo hilingitu kwelek meneat he, at Yesus samban igeluk ebe afuni le'ma o leimo andoma laga lagaikhe.

LUKAS 9:18

Inenggi ekhe sambul he, Yesus alegenek samban ugunem, at agoromi ane wanhi lagaukwa mene omanogo oba wagaukwa. Wagaukwama, aren inoba heinok wanhi logolik he, mel yagaisasikhe: ”Afuni hokhorogoaren an nebe faget nabok ikhi logolik he, sa ili'lagwi nogo,” iluk yagaisasikhemo, iren he mel yagatukwa:

YOHANES 1:51

hobuk wene ekhe mel yagaisasikhe: ”Afuni e pelarek kwe lagagik, pigik, agarek andi hak, hobuk pogot healogo it malaikat Allah nen yonggo lakfisa wagarek mene omanogo, an abat ta'lasi wagagi a'nogo noba lagagik, pigik, ugunem hineilenggen nisikhi logogun o, iluk nane eberogoat yagahisigi,” iluk yagaisasikhe.