LUKAS 3:16 - Allah Wene Fano Wene Hupla Inane

¹⁶ at Yohanes nen mel yagaisasikhe: ”An nebe yenggerek mene nen we ima nek pelakhinafi lagi o. Mene re, at ekhe kain omame hokho mene hobuk wesigin o. At ebe wesimbik he, aren ima pelakhinabu hak, Allah Areagun inom, endu inom, hinoba pelakfei wesigin o. At ebe kain omame hokho andi nen he, eisok hele homago mene, an yenggerek mene nen fikhaligin he, elo'lego.

LUKAS 3:16 Iomraidhean Croise

AMSAL 1:23

An nen hinenggali warogo komothinafu halok he, hinafe hebela'luk nanehologo hilingiti logoni o. A'nogo hilingisugun halok he, an nendawimo wene hinago mene andi fakhogo weinama fuluk wene nelu mene yagahisagain werego.

YESAYA 32:15

A'nogo meneat he, hobuk nineisena Allah omamerogo wesigin o, ma re, o leikwe andoma re yabu kweang heiselek mene hilingisogo figik, nen yabu yagokwe andoma re o engga ogoikwe hilingisogo figik, igin.

YESAYA 4:4

Tuhan nen At omameba againafuri inawene katokhogo palhik, afuni nen perak endumo weragaisogo ebe mene enogo fagarek hak hilinginafik igin. Aren he o kota Yerusalem oba andoma nen ap inoatukwama inamep pisikhe mene andoma sobaligin.

YEHEZKIEL 36:25

Andi mondogat hilingfuluk hit hinebe hinanggembu oba nen inom nen yi weak ti weak hilingutunem hinebe emethinobagaikhe mene andiba nen inom An nen i eil wurik meneba sobalhinabigin.

ZAKHARIA 13:9

We minggilogo fena sepertiga nen enek he linerisogoin. Andi nen he, it andem enek he afuni nen perak endu oba ebe mene weinam asuageluk weratarek andi hakhogo enogo horinabigin o. Nen, it he emas ebe meneba nen weak mene iluk walhagarek a'nogo hakhogo it andi re An nen inobabut paligin. A'nogo hilingiti logolik iren samban An noba ugunem An nen onggo yagaisikhi logogin. Nen An nen it inoba re hit An nagainafuri o iluk yagaisagain, nen iren ogore An faget Nineisena Tuhan Allah re At aro, iluk fakhogo ugun o,” iluk isikhe.

MATIUS 3:11

A'nogo yagaisasikhesik ekhe mel yagaisasikhe: ”Hit weak hilingiti lagep mene herakfisaluk hinobabut eberogoat hebelaga iluk, an nebe yenggerek nomame lek mene nen we ima pelakhinafi lagi. Mene re, at kain omame hokho mene hobuk wesigin o. At ebe kain omame hokho andi nen he, an nebe yenggerek mene nen eisok sepatu kwelabek mene waluk la re elo'legat. Aren ima pelakhinabu hak, Allah Areagun inom, endu inom, hinoba pelakfei wesigin o.

MATIUS 3:12

Gandum enggen folugun mene faget garpu hangge meneba fologo lakfagain mene at eisewerek mene enggimo werek andi. Tegeligin oba higit asi waga halok, fano mene halok, tegelogo fikherek oba fanoma figik, afulfulengge mene halok endu nagulagarek le'ma a'nogoba lakfisigik, igin o,” iluk yagaisasikhe.

YOHANES 1:26

at Yohanes nen he, mel yagaisasikhe: ”An nen afuni we ima pelaginafi lagi meneat he, ap ekhe hiren ebe futfigi'lek mene hinanggele'ma mendek werego.

YOHANES 1:27

At andi ebe hobuk an nombo'ne waga meneat he, at ebe kain, an nebe yenggerek andi nen he, at eisok sepatu kwelabek mene andi, an nen nonggoligin elo'lego,” iluk yagaisasikhe.

YOHANES 1:33

And sambul he, at ebe sa heat nonggot welagi meneat he, Allah nen an afuni we ima pelaginafi logouwageluk lak nobagai wagaikhe mene a'nogo nen yaganeti logolik he, mel yaganetikhe: An Nareagun ap ekhe oroba labok i pi wagasik were'ma heilenggen hegen halok he, at andi nen afuni ima pelaginabu hak, Naregaun inoba pelabi waga logogin o, iluk, yaganetikhemo andi nen he,

YOHANES 7:38

Nen, ap sa nen endawinggen an noba eberogoat himbiret fikhe halok he i inelugerinaferek mene at endawimo nen elesi fuluk-fuluk palogo wulifi logogin o, iluk Allah ane lisu palek oba isukwa hagat hilinglasigin o.”

KISAH PARA RASUL 10:44

At Petrus nen wene andi oan yagaisugu were'ma, Allah Areagun it afuni wene andi inesanggo holhi lagaukwa mene omanogo inebe mondogat inoba louk i pi wagaikhe.

KISAH PARA RASUL 2:33

At ebe Allah nen eluget fikhesik, era'lu kain logouwageluk menfikhemo werego. Logolik, Allah nen, Nareagun wokhisagain, iluk wene wa'nisasikhe hagat Yesus wogetemo, aren hokhorogoat nit ninoba pelakfei wagama re, nit hilingitunem hineilenggen nisigik, hinesanggo holhik, ikhi lagep andi.

1 KORINTUS 12:13

Nit he, ninebe mondogat Yahudi mene inom, Yunani mene inom, inamingmingengge mene inom, inale'ma welagaikharek mene inom, at Kristus ebe misigat mene ninom hunesuageluk, at Areagun nen ima pela'ninafikhe andi. Nen, i elesi misigat mene nenggarek hak, at Areagun misigat mene ninendawimo fesikhe andi.