LUKAS 24:51 - Allah Wene Fano Wene Hupla Inane

⁵¹ A'nogo hai warinafu kwelek aremnogoat he, it andem werek kwelek, Allah nen, at ebe hambokhogo waluk pogoroba lagasikhe.

LUKAS 24:51 Iomraidhean Croise

2 RAJA-RAJA 2:11

Emberek seberogo laga logolik weneane marik wonghogoat lagunemen he, ferekhogo aremnogo kereta endu kulunghogo wam kuda nen li'luk waga logolik it emberek aremnogo minggilinabik wagaikhesik he at Elia a'nogo sogoi sielu nen hambokhogo kini-wani waluk pogoroba lagasikhe.

MARKUS 16:19

Wene a'nogo arat yagaisasikhemo re, at Allah nen Yesus ebe pogoroba waluk lagasikhe. A'nogo waluk lagasikhemo era'lu enggi ebekwe hutfesikhemo kainat welagarek.

LUKAS 24:50

At Yesus nen wene a'nogo warisasikhesik, it agoromi omanogo o sili hokhoma nen woginarek wulifikhesik he, o Betania andoma lagaikhe. Lagaikhesik, enggi liakfesikhesik he, ”Allah nen kwelakhinarek logolik fanothinafi logouwago,” iluk hai warinafikhe.

LUKAS 24:52

A'nogo lagagunem he, it agoromi omanogo ineindep awi yagaisogo fogeratukwasik he, inendawimo inagaiyek hokhorogo hasukwasik, o Yerusalem inambotkwe wagaukwa.

YOHANES 20:17

A'nogo hai watikhemo re, at Yesus nen he, mel yagatikhe: ”An nebe neisena oba lagagi'lek oan welagi andi nen he, henggi abirogo fetnarek logogun o. An nagoromi wene yi'nogo iluk, yagaisa Ian o, An inom, hit inom, nineisena Allah oba himbirik welagorek mene a'nogo oba lagaigeluk ikhi lagi, ikhe iluk nagoromi yagaisa Ian o,” iluk yagatikhemo,

KISAH PARA RASUL 1:9

Wene a'nogo arat yagaisasikhemo, Allah nen at ebe pogoroba liakfugunem, ineilenggen werek kwelegat ohena nen salhikhemo re, ineilenggen hobuk higi'lek.

IBRANI 1:3

Mo eil tilelek-walelek lakfei wagarek andi hak, Allah ebe fogeratarek mene a'nogo nen, Yesus ebe lakfei wagaikhemo kweangma selekhogo logolik, eisena obali'mo at ebeat welagarek. A'nogo logolik, yi mene ti mene mondogat welagarek andi, at ane omameba welagarek. Were'ma, nit weak hilingiti lagagu mene korogo legetfisasikhesik he, Allah Enupogot esin mene a'nogo oba lagasikhesik era'lu kainat welagarek andi.

IBRANI 4:14

Nit ninoe kain Allah eisewerek Allah amlogo Yesus pogot pelakha wagik, pogot abel ponggwe Allah were'ma lagasikhesik nit faget werek andi nen he, nit ninendawinggen at oba himbiret fuluk ninane fakhogo ikhi lago mene andi, ninenggi ninghogo fisogo logouwogo.