LUKAS 24:5 - Allah Wene Fano Wene Hupla Inane

⁵ Wagaukwama re, it hemi omanogo inailo nen inot somarogo were'ma re, it ap pire aremnogo nen hemi omanogo yagaisikhi logolik, mel yagaisasukwa: ”Hit he nenahalok at eluk aga mene andi herarik, afuni warek fisagarek oba yoma waga lagep?

LUKAS 24:5 Iomraidhean Croise

DANIEL 10:16

A'nogo agimo nen hobugen enek he malaikat ebe ap higirengge a'nogo nen enggi pilingisogo nambeba fak niikhe. A'nogo hilingitemo an nen at oba ikhi logolik, ”Neisena nabikanggo higi mene andi nen noba enggin mene kwelaknobagaikhemo re noba mondok lebelekhogo welagi o.

DANIEL 10:19

A'nogo agimo nen aren an noba ikhi logolik, ”Allah nen hat endawit habi'lago o. Enggere hat hoba lebelekhogo welagik, hailo agik, u fugo, yogondak weak-weagat homame ame!” iluk yaganete. Aren ane a'nogo ugu kwelek aremnogo re an nebe ekhe inom nomame agunem higirik an nen ikhi logolik, ”Neisena haren an nomame ekhe inom kwelaknobagegen o, enggere neisena haren hane igin anggegen mene andi re, in aro,” iluk yagati.

LUKAS 1:29

at hele Maria a'nogo esanggo holhikhesik, ailo nen oak lei'leik ikhi logolik he, ”Hai warogo yaganete andi ninggi'nogo nen yaganete,” iluk endawimo nen ebetikhe.

LUKAS 24:4

Warek ebe le'ma hasukwasik he, ”Yi ninggi'nogo hilinglagama,” iluk inobakheindok palagaikhesik menenei ebetunem, ap inebe pire inasu kut amulit hokho mene laberogo, it hemi ineilhanem aremnogo ka nen heat inera'lu menlasi wagaukwa.

LUKAS 24:6

At ebe yoma lego. Allah nen arat eluget fikhemo o.

KISAH PARA RASUL 2:24

Watepma, at ebe heinet wati logolik wa'laga meneat he, afuni inenggi hele warogo fisagare'ma welagaikharek andi hak, at a'nogo warek mondok logogin lek andi nen he, inenggi hele fikhalogo wulakfisagarek andi hak, Allah nen eluget fikhe andi.

IBRANI 7:8

It ap Allah eisewerek logolik, it afuni ekhe nen yi mene ti mene inenggi wenagaisogo fenakwe minggilogo 10 ba lagai wagunem, Allah faget fisugunem inebe afuni wa'lagaikharek mene nen wanhi lagaukwa meneat he, ap Melkisedek andi nek he, eluk welagarek mene nen a'nogo wanhikhe, iluk Allah aneba lisu palek werego.

WAHYU 1:18

neluk mondok welagirek he, an aro. An nebe arat wa'lagagi meneat he, yethan! Neluk agagisik, neluk mondogat logogin o. Wa'lagaikharek andi inom, wa'la'luk lagaikhare'ma andi inom, kwe hutarek mene an nenggiba werego.

WAHYU 2:8

A'nogo yaganetesik, hobuk yaganeti logolik, ”An he, eroba nen pikhit erembul oba mondok logogin mene a'nogo arat wa'lagagisigen hobuk neluk agagisik welagirek mene a'nogo nen, wene yi yagahesik: At Allah nen malaikat ayonggo fesikhesik lakfei wesu hak, at againafuri o Smirna andogotarek mene inayonggo fesikhemo werek a'nogo, wene an nen it yagaisagain mene yi, haren lisu palogo inoba lakfeinogen yagahesik: