LUKAS 24:44 - Allah Wene Fano Wene Hupla Inane

⁴⁴ Nasikhesik he, it omanogo mel yagaisasikhe: ”An hit ninom logolik yagahisikhi logolik he: An hilingnabugun mene lisu Musa nen palhik, ap Allah ane yagaisikhi lagaukwa mene omanogo nen palhik, it ekhe nen buku Mazmur oba palhik, palogo fesukwa andi higithogo, an arat hilingnabugun, iluk yagahisikhi lagi a'nogo ebe arat hilinglaga yi o,” iluk,

LUKAS 24:44 Iomraidhean Croise

KEJADIAN 14:18

Andoma ap enu Melkisedek ebe, it afuni o Salem mene inoe kain enupogot logolik, Allah Mondok Lego mene eisewerek welagaikhe mene nen sumburu roti mene inom, i anggur enggen amusu inom, wogetikhe.

KEJADIAN 22:18

An nen, yi'nogo hilingi'no, iluk yagaheti mene nane hologoat hilingiten andi nen he, afuni kweangma mene inunggulenu lombok mondogat, An nen haren tagongge mene fanorinafi logogin andi hak, iren ogo An nen fanorinabuageluk, kino yaganesugun, iluk ikhe o,” iluk malaikat a'nogo nen yagatikhe.

KEJADIAN 3:15

Hat inom, he yi inom, hemberek mondok weak logolik, aren tagongge mene inom, haren tagongge mene inom, hinom weim palek mondok logogun o. A'nogo logolik aren tagongge mene nen he, hat hungguloak sagalogo hoatunem, hat haigen it ineisok onggut libilinafi logogin o,” iluk yagatikhe.

KEJADIAN 49:10

At kain enupogot iluk inendawi wenggelogo sige tomuk inenggimo fisogo welagaikharek mene hat eiseat logogin. Were'ma haren tagongge mene nen afuni ekhe inawe a'ma fisaluk, ferinarek mondok logogun o. A'nogo ferinarek were'ma, afuni inunggulenu lombogen inauang hat faget wokhesuogeluk waga logolik, Ineindep awi yagaisogo hawe a'ma mondok kwi waga logogun.

MAZMUR 118:22

It ap o helep meneba wuti logolik, helep yi weago, iluk herakfisaga mene a'nogo, obuleat ya'laga o.

YESAYA 28:16

A'nogo anggikhi lagep andi nen he, Tuhan Omame Mondok Hokho mene a'nogo nen yi'nogo ikhe, ”An nen he helep ubule mondok omame mene hambuk lele warogo o Sion oba andoma fagain o. Helep misik andi ebere omame mondok hokho mene ninghogo ubule warogo were'ma helep andiba lisu yi'nogo palek logogin: ’Hit afuni hinendawinggen at oba himbirik logogun mene re hinenggali hogoin lego,’ iluk palogo foumo logogin.

YESAYA 52:13

Tuhan nen ikhi logolik, ”Eberogo nen he An namingmingengge nen ambisangma fanot fagain o, at legeisogo fikhi logolik agaukhogo fogerati logogun.

YESAYA 7:14

Haren a'nogo egen oba nen he yogondak Tuhan amu nen hiren futfouwageluk enegengge ekhe hilingisigin werego. Hele silerik mene ekhe omalik a'ma lasimbik omalik abengge takhagain o. Takhamo re enu Imanuel salugun.

YESAYA 9:6

At ebe re Daud en tagomangge mene ebe raja logolik ferinarek logogin. At omame mondok hokho logogin. Aren ferinarek logogin kwe andoma mondogat he liok-layokhogo nek were'ma mondok fanorogo logogun. O Aren ferinarek logogin oba andi re wene higithogo tegetu awene inom, wene melalek werek meneba inom higithogo hilingitu logolik yogondak huli nen hobuk huli andoma mondok-mondok logogin. Nineisena Tuhan Omame Mondok Hokho mene a'nogo nen andoma mondogat eberogo nek hilingisigin o,” isikhe.

YEREMIA 23:5

Tuhan nen ikhi logolik, ”Inenggi ekhe asi wesigin meneba re An nen ap raja misik ekhe mondok katokhogo hilingiterek mene hun Daud ambisangmangge mene menfagain o. Menfoumo re raja andi nen endawinggen kagalek logolik melalinafik, o kweang mondogat andomaba katokhogo mene nek hilingitik, eberogo mene nek hilingitik ikhi logogin.

YEREMIA 33:14

Tuhan ane ikhi logolik, ”Inenggi ekhe asi wesigin meneba re An nen afuni Israel mene inom, Yehuda mene inom wene watigi mene a'nogo higithogo hilingisigin.

YEHEZKIEL 17:22

Tuhan Lego Mondok welagarek mene a'nogo nen ikhe mene re yi, ”E laik uan meneba nen unggum he An nen paligin o, a'nogo palimbik An nen e enggi asimit ket mene ekhe sombosigin. An nen e enggi andi waganogore tom uan mene ohena oba yinggili'mo wolonghogo liabek meneba andoma yasi lagagin.

YEHEZKIEL 34:23

An nen ap raja misik ekhe, An namingmingengge Daud higit mene menfoumo re, we at ami amu nen it inobaget inanggembala logolik halinafi logogin.

DANIEL 2:44

A'nogo meneat he it ap andi raja menlasimbik afuni ferinarek logogun sambul andem he, Allah pogoroba mene andi nen ap ekhe Enupogot mondok-mondok logogin mene menfagain o. A'nogo menfoumo re afuni aren ferinarek were'ma, afuni inunggulenu ekhe nen at mabenet figik, ap raja andi obulu'mo ekhe menlagik, ikhi logogun mondok lego. A'nogo menfoumo logolik, aren ap ekhe raja a'luk afuni ferinarek logogun mene andi mondogat wulil tagalogo legetfisagain o.

DANIEL 7:13

O hubanggo andi sambul nabikanggo a'nogo yethigirik, neilenggen oba mondok were'ma nen At ekhe abat ta'lagaikhe mene ohena oba huli'liphogo re, At eluk mondok welagarek mene a'nogo oba higit lagasik he, era'lu horokhogo lagasik hai wat-wat ugunem yethigi.

HOSEA 3:5

A'nogo meneat he, it afuni Israel mene hobuk inafe hebelasimbik it ineisena Tuhan Allah hera'nabi wagik, inoe raja Daud en tagomangge mene ekhe oba wagik, ugun oba werego. A'nogo wesimbik hilinglasigin andi elugun kobokhogo re, inailorogo fogetnafu were'ma, an nen fanorinafi logogin o,” iluk yaganete.

AMOS 9:11

Nineisena Tuhan nen a'nogo isikhesik ekhe mel ikhe: ”Nenggi ekhe horok asi wesigin meneba re, An nen Daud lego welagaikheba obali'mo kerajaan a'nogo legeisogo fagain. Yogondak kerajaan andi re o meisalogo pikherek hakhogo hilinglagama werek. Oba nen he, o hobat andoma An nen obalikwe pugunesimbik nekhengge wusumo re, o andi obabut he attak welagaikhe hagat hilingik logogin.

ZAKHARIA 12:10

Andi nen it Daud ambisangma mene inom, afuni Yerusalem mene inom inoba An nen it inendawinggen hundik welagaikharek mene inom, samban ugu welagaikharek mene inom hilingisogo fisagain. Iren he, at talogo warek logogin mene a'nogo ineilenggen yerogo logolik, afuni inomalik manggusa tago wa'lagunem le agu welagaikharek hak hilingiti logogun, nen, ap inomalik misigenek engge legagunem inendawimo mondok heiselogo le agu welagaikharek hak hilingisugun.

ZAKHARIA 13:7

Tuhan Omame Mondok Hokho mene a'nogo nen ikhi logolik, ”Hat karok yi menlasimbik he, gembala An nobaget yabu hilingiri'lago mene ari wasin o! Wat foumo re domba omanogo mondogat tel-fol uak. Oba nen he An pi wesimbik wam domba eagwi andoma koninafu logolik, ferinarek logogin.

ZAKHARIA 14:4

Inenggi andi sambul At ebe punu Zaitun oba o Yerusalem en mo ero fikhit andoma mendek logogin. Ma re, punu Zaitun andi tonggo elonggo mondogat wogolek mene re tulem kagalasumo mo ero fikhiren pikhit mo erembul fikhit andomaba hilingik logogin. Punu andiba nen minggilogo re abel utara fikhit higil-higil lagik, nen, minggilogo fena re abel selatan fikhit lagik ikhi logogin.

ZAKHARIA 6:12

A'nogo hilingfembik he at yagati logolik, An Tuhan Nomame Mondok Hokho welagirek mene a'nogo nen ikhi logolik, ’Ap enu Asimit ikhi logogun mene andi nen he at ebe logogin huli andoma yi'nogo ti'nogo hilingiti logogin mene ambisangma fanorogo nek hilinglaga logogin o, nen aren he o Tuhan Awi a'nogo nekhengge wusigin.

ZAKHARIA 9:9

Hit afuni Sion mene yi sani, hinagaiyege'ni o! Hit afuni Yerusalem mene re hinanggiluge'ni! Hit hinoe raja re mondok along- palonghogo weri'lago a'li yethani! At ebe re raja mondok higithogo nek hilingiti logolik inagap telinaferek mene. Oba nen he, at endawinggen sebel fakhikhesik keledai eak oan mene amboroba hurek weri'lago a'li.

BILANGAN 21:8

A'nogo isikhemo, At Tuhan nen Musa yagati logolik, ”Haren kisu tembaga mene ekhe hilingisogo eba telogo fein o. Foumo re, it afuni andoma inebe lombok kisu aigen palinafu mene halok, ineilenggen kisu tembaga mene andi liakha wagu mene halok enek he, inebe lombok fano aga logogun o,” iluk yagatikhe.

BILANGAN 35:25

Afuni kabogesugun mene a'nogo nen he ap eranhogo legoba nen wate mene andi, it warek mene a'nogo agaila'lagen wasinogo iluk inebe nen kwe palogo hinago logolik, pilingiti logogun. Ap andire waluk nekhengge sugulogo re o kota wesa logogin oba omanogo waluk logoin. Waluk lamo at ebe andoma werek kwelek enek he, hun Imam Agung andem sambul logogin mene a'nogo wa'lasigin. A'nogo wa'lasumo nek he at a'nogo aiba eroma laga logogin. Oba nen he, at a'nogo o kota wesa aiba ailo nen heise lagain oba omanogo herakfuluk wulibi lambik hilingitunemen, ap wa'lasigin mene a'nogo agaila'lak en areng palogo herasimbik ebe pinggi wasugun halok he, iren unggulmo fogoin mene andi re ap pinggi watu mene hakhogo re fuk.

MATIUS 1:22

A'nogo hilingisugun iluk he, nineisena Tuhan Allah nen he, ap ekhe attagat ayonggo fesikhemo wene yagaisikhi logolik he, lisu palogo fesikhe mene higithogoat hilinglasuageluk isikhe andi.

MATIUS 16:21

Huli andi huli nen he, at Yesus nen agoromi ane wanhi lagaukwa mene omanogo at hobuk hilingisigin mene fakhogo mel yagaisasikhe: ”An o Yerusalem a'lima lagain welagi o. Lamo re, it ap inaluendek omanogo inom, Allah eisewerek mene inogogwi kaindek inom, Allah ane lisu palek inelu mene inomen, yi enggin ti enggin hokhorogoat hilingnabimbik nebe noasugun o. Noasumo, nebe warek nenggi pire logombik he, nenggi ekhe henaganek meneba re Allah nen neluget nabigin o,” iluk fakhogo yagaisasikhe.

MATIUS 26:54

Telnabi wesigin elok meneat he, telnabilepma re, Allah nen, ”A'nogo hilinglasigin, iluk isikhemo lisu palek werek a'nogo re, ninggi'nogo emberek higit a'lep anggegen. Lego. Higit asuageluk a'nogo yagati'lek kamo igi andi,” iluk, yagatikhesik he,

MATIUS 26:56

it ap Allah ane yagaisikhi lagaukwa mene nen lisu palhukwa a'nogo emberek higit asuageluk hilingnafebo,” iluk, yagaisasikhemo re, it ap at ane wanhi lagaukwa mene omanogo, at ebe hebisaluk heise mondok pugulhukwa.

LUKAS 22:37

An hilingnabugun mene faget lisu palogo fikhi logolik he, At andi afuni inobabut weak hilingitarek mene inom higithogo hilingnafa o, iluk isukwa a'nogo, an noba higit asigin meneat yogondak higit arik weri'lago andi nen yagahisigi o,” iluk yagaisasikhemo,

LUKAS 24:46

A'nogo inendawinggen kagalogo yagaisikhi logolik, ”Allah nen Kristus ayonggo fembik lakfei wesigin isikhe mene lisu mel iluk palek werek: Yi enggin ti enggin hilik-hilik wa'lasimbigen, enggi pire warek logombik henaganek meneba re wa'la'luk lagaikharek oba nen eluk asigin o, iluk lisu palek werek.

LUKAS 9:22

A'nogo komorinafikhesik he: ”An abat ta'lasi wagagi a'nogo, it ap inaluendek inom, it ap Allah eisewerek mene inogogwi kaindek inom, Allah ane lisu palek inelu mene inom. Inomen, an nebe inabit asimbik, yi enggin ti enggin hokhorogo hilingnabimbik, nebe noasugun o. Noasumo re, nebe nenggi pire warek logombik, henaganek oba re, Allah nen neluget nabigin o,” iluk, yagaisasikhe.

LUKAS 9:44

”An wene yagahisagain yi fanorogo futfikhi logoni o. An abat ta'lasi wagagi a'nogo aben yonggo lambik it ekhe nen noasuageluk inenggiba nobagagun o,” iluk yagaisasikhe meneat he,

YOHANES 3:14

Nen, ap Musa o leimo afuni le'ma andoma logolik kisu hangge hilingisogo eba menfesikhe andi hak, it afuni yoma inendawinggen an abat ta'lasi wagagi mene yi noba himbiret fogoin mene nek he, inebe lombok ineluk mondok logouwageluk, an a'nogoat mennobagagun obaat mennobagagun aro.

YOHANES 5:39

Hiren anggikhi logolik, nineluk mondok logogun he, Allah ane lisu palek fisogo welago yibaat logogun o, iluk lisu palek andi fanorogo futfikhi lagep meneat he, lisu palek andi, an nebe fut nobagauwageluk palhukwama werek kwelegat he,

YOHANES 5:46

An nabok hinelu asuageluk, at Musa nen lisu palogo fesikhe andi nen he, aren lisu palhikhe mene andi eberogoat iluk futfikhi logoilepma re, Yesus eberogoat, iluk fut nobagailebaro.

KISAH PARA RASUL 13:40

Mene re, it ap Allah ane yagaisikhi lagaukwa mene omanogo nen he, mel isukwa: Hit o yogondak welagep yaba re, an nen yi mene ti mene hilingitunem, at ekhe nen furogo yagahisugunem he, hiren eberogoat iluk futfigi'lek logolik hinendawimo serametfikhi lagep andi yethani! An nen a'nogo hilingitunem hineilenggen haluk fogerati logolik he, hinebe wa'lakhogoin andi, iluk Allah nen isikhemo lisu palogo fesukwa andi hak, hit hinoba asinogo iluk he, wene hinesanggo furogo holhi logoino o,” iluk yagaisasikhe.

KISAH PARA RASUL 2:27

A'nogo logogin andi re, an nebe afuni wa'la'luk lagaikharek oba andoma mondok logouwageluk, haren heraknobagagik, An hat hamlogo hendawinggen hundik mene nebe yi fili asuageluk halolot nobagagik igin lek andi nen aro.

KISAH PARA RASUL 3:18

Fageat Allah nen he, An nen telhinabigin mene Kristus hinoba lakfei wesigin andi, ebe yi enggin ti enggin oba fembik wasugun aro, iluk wene watnisasikhe mene andi, ebe it ap at ane yagaisikhi lagaukwa mene omanogo inebe mondogaren ikhi lagaukwa andi hagat hilinglasuageluk hilinglaga andi.

KISAH PARA RASUL 7:37

Nen, afuni Israel mene yagaisikhi logolik he: Allah nen ap at ane yagahisikhi logouwageluk, ap hit mene ekhe an mennobagasikhe andi hak, hobuk menfagain a'naga o, iluk yagaisasikhe andi, at Musa nen aro.

IBRANI 10:1

It afuni Yahudi mene wene Allah nen komotninafikhe wene andi higithogo hilingiti logolik, ebe mene hilingiti lagaukwa fuk. We, ebe hobuk fanotninabigin mene werek kwelek, oba lirogo hilingitik, alik waganogo hilingitik, ikhi lagaukwa. It a'nogo hilingiti logolik, o mo lagagik, pigik, ugu kwelek, yi tahun ti tahun wam Allah faget wareti lagaukwa mene andi mene nek wareto mondok welagaukwa andi nen he, it afuni wam Allah faget waresi waga lagaukwa mene halok andiba nen katokhogo fanorinabigin elo'lek aga lagaikhe andi.

IBRANI 3:5

At Musa ebe Allah amingmingengge logolik, Allah againafuri inebe at awi wurik hangge iluk, it faget obabut hombunhogo hilingiti logolik, mel ikhi lagaikhe: ”Allah nen yi wene ti wene hobuk yi'nogo yaganisagain mene werek,” iluk abok yagaisikhi lagaikhe.

IBRANI 7:1

Ap Melkisedek andi ebe re, afuni o Salem mene inoe kain logolik, Allah Enupogot eisewerek welagaikhe. Ap Melkisedek andi enu nit ninaneba re, ”Kain enupogot obabut higithogo nek hilingiterek mene,” iluk u hak, enu Melkisedek sale'ma ikhi lagaukwa andi. Nen, ekhe re, ”Kain enupogot fogeratarek mene,” iluk u hak, afuni o Salem mene inoe kain enupogot iluk ikhi lagaukwaat. At Melkisedek andi faget he, at agaisa eisena yi nen tago mene igik, omba ambu yi nen tagongge mene igik, at yi huli ta'lagaikhe igik, ti huli wa'lagaikhe igik, furogo ekhe igi'legat. Andi nen he, at Allah ebe amlogo emberek higit logolik, at ebe Allah eisewerek mondok welagarek hangge aro. Were'ma, ap Abraham ap kaindek mene inoa'luk ambotkwe wagunem he, at Melkisedek andi nen eilenggen ha wulifikhesik aren he, ”Allah nen hebe fanothabuak,” iluk ane agaukhogo yagatikhe. A'nogo yagatikhemo, at Abraham en, weim andi yafi logolik, yi mene ti mene hugul wanhikhe mene mondogat enggi wenagaisogo fenakwe minggilogo 10 ba lagai wagaikhe mene, Allah faget fisaluk, at Melkisedek wogetikhe.

IBRANI 9:8

A'nogo hilingiti logogun iluk wene komorogo welagaikhe andi oba lirogo, nit furogo futfouwageluk Allah Areagun en, mel yaganisikherek: ”O hulu kweba senggelek andi werek kwelek, Allah onggwarek awi ebe mene kwe huti'lek yagarek welagaikhe,” iluk yaganisili'logo.

1 PETRUS 1:11

A'nogo yagaisikhi lagaukwa andi, at Kristus Areagun inendawimo logolik yagaisikhi logolik he, mel yagaisasikhe: ”Kristus enggin hilik-hilik wa'lasigin. Wa'lasimbigen, hobuk eluk agunem fogerati logogun,” iluk yagaisasikhemo iren ikhi logoligat he, ”Ninggi'nogo hilinglasigin. Mera nen hilinglasigin,” iluk heinok furogo wanhi lagaukwa.

WAHYU 19:10

A'nogo yaganeti lagama, an nen, at malaikat a'nogo awe a'ma kuluk neindep awi yagaisogo fogerasigeluk igi meneat he, aren yaganeti logolik: ”A'nogo fuk. A'nogo fogetnabugun lego. An nebe re, hat, hagaila'lak inom, ninom higit. Wene Yesus nen yaganisasikhe mene yagaisilik nikharek mene andi, at Allah Areagun en inendawimo kagalogo yagaisugunem yagaisagarek andi, wene ero at Yesus nen yaganisasikhe andi aro. Halok he, at Allah andiat fogerasugun o,” iluk yaganete.