LUKAS 23:9 - Allah Wene Fano Wene Hupla Inane

⁹ Endawimo agaiyek agaikhesik, yi wene ti wene hokhorogo Yesus oba heinok wanhikhe mene re, aren onggo ekhe yagati'legat kamo isikhe.

LUKAS 23:9 Iomraidhean Croise

MAZMUR 39:9

An naweak omanogoba nen lologo nobagain, an ap kembu mene nen li'not nafungge hilingnobagau fugo.

YESAYA 53:7

At oba wiik weakhogo hilingisogo fugu kwelek, afe morogo welaga. Wam domba wasuogeluk waluk lagu kwelek hea, athe domba isa mene esi palhu kwelek hea, ane legat welagarek andi hak, at ebe weak hilingisogo fugu kwelek meneat he ane igi'legat welaga andi.

MATIUS 27:12

it ap Allah eisewerek mene inogogwi kaindek omanogo inom, inaluendek omanogo inomen, wene Yesus oba hokhorogo fesukwa mene re, aren he, hobuk wene ekhe onggo yagaisigi'lek kamo isikhe.

MATIUS 27:14

onggo ekhe mondok igi'lek kamo isikhemo re, at Gubernur a'nogo nen he, ”Nailo e!” iluk fogeratikhe.

MATIUS 7:6

A'nogo yagaisasikhesik he, ekhe mel yagaisasikhe: ”Allah faget fisagarek mene andi mene wogetunem hobuk lagakhogo aigen libilhinabinogo iluk, wogetubo. Nen, hinalilingge fano onggo hokho mene andi, wam wogetunem eisogen wolelenggen tagalogo lakfisanogo iluk, wogetubaro,” iluk yagaisasikhe.

MARKUS 15:5

A'nogo yagatikhemo re, at Yesus ane onggo igi'lek kamo isikhemo, at Pilatus nen he: ”Nailo e,” iluk fogeratikhe.

LUKAS 13:32

at Yesus nen he, mel yagaisasikhe: ”Ap obabut mene olo mene obabut hangge andi, wene yi weak-weak yagasi lani o. An he, o yogondak inom, hobit inom, munggwarengge obabut weak mene afuni inendawimo nen henegeisogo wulakfisigik, ou warek mene halok, higirinafik, ikhi logombik he, nenggi henaganek oba nek he, an hilingisigin iluk wagagi mene arat eil hondologo kobokhogo hilingisigin o.

LUKAS 23:10

Onggo yagati'lek kamo isikhemo re, it ap Allah eisewerek mene inogogwi kaindek inom, it ap Allah ane lisu palek inelu mene inom, omanogo horokhogo kwisukwasik he, inane ninghogo wene oba fikhi lagaukwa.

YOHANES 19:9

A'nogo ailo agaikhesik, Yesus waluk ambotkwe o wene inoba figik, kotik, agarek oba kwisikhesik, mel yagatikhe: ”Hat hawi ero o koma,” iluk yagatikhe meneat he, at Yesus nen onggo igi'lek kamo isikhe.

KISAH PARA RASUL 8:32

Yagatikhemo, oba hu'lasi lagasikhesik eilenggen yethasikhe hak he, ap a'nogo lisu mel iluk palek were'ma enu salhunem hasikhe: At ebe re, domba wam wasuogeluk waluk lagaikharek andi hak waluk lagaikha o. Waluk lagaikhasik domba eak esi paluogeluk ugunem, ane legat kamo ikherek andi hak, at andi ane ekhe igi'lek kamo ikhe o.

1 PETRUS 2:23

Afuni nen inane asegen weak wokhugu kwelegat, aren onggo ane asegen wogisigi'legat. Iren yi enggin ti enggin hilingitu kwelegat, aren, ”An hobuk onggo ekhe hinoasigin,” iluk yagaisikhi lagaikhe legat. Athe, ”We, Allah nen wene inoba figik, kotik, higithogo igin sambul werego,” iluk, at enggiba fuluk, ane onggo igi'lek kamo ikhi lagaikhe.