LUKAS 23:8 - Allah Wene Fano Wene Hupla Inane

⁸ Lakfesikhemo re, at Herodes a'nogo Yesus hilingiti lagaikhe mene attagat esanggo holhikhesik, endawimo nen he, ”Ebe neilenggen hele e. Elalinat hilinginabik nikho andi, ekhe hilingitunem an neilenggen hele e,” iluk anggaluk welagaikhe andi nen he, at Yesus ebe oba waluk wagaukwama, eilenggen hasikhesik endawimo agaiyek agaikhe.

LUKAS 23:8 Iomraidhean Croise

2 RAJA-RAJA 5:11

A'nogo yagatikhemo, at Naaman esanggo holhikhesik he, a'mage lagasikhesik wene mel yagatikhe: ”Nagore. An nendawimo nen he at ebeat noba wulibi we'lepsigen, eisena Tuhan Allah enu hombuk palogo samban iknobagakhi logolik, enggi noumo ba sebel fugunem lek a'lep iluk anggigi meneat he, kamo ikhe andi nenahalok.

MATIUS 14:1

O andem higit he, at Herodes o Galilea tonggwe kain enupogot welagaikhe mene andi, Yesus nen hilingiti lagaikhe mene abok holhikhesik he,

MARKUS 6:14

Yesus agoromi nen a'nogo hilinginabik lagunem he, at Yesus enu afuni o yi awi ti awi andoma inelu agaukwasik abok ugunem, at kain enupogot Herodes esanggo holhikheat. A'nogo ugunem it afuni ekhe nen he, mel ikhi lagaukwa: ”Yohanes ima pelaginafi lagaikhe mene ebe watama wa'laga a'nogo eluk agasik nikho higi. A'nogo eluk agasik andi nen he, hilingisu lek mene elalinat hilingirik nikho andi,” igik,

MARKUS 8:34

Wenagetikhesik he, afuni hokhorogo omanogo inom, agoromi ane wanhi lagaukwa mene omanogo inom, wolisasikhemo wagaukwama re, mel yagaisasikhe: ”At sa nen an nombo'ne nikhi logoigeluk halok he, obabut onggwarek faget hilingiterek mene andi, ”Nabit,” iluk herakfisaluk he, eba menfisaluk inoatarek mene andiat waluk he, an nombo'ne nikhi logoigeluk wesuago.

LUKAS 4:23

A'nogo fogeratukwama, at Yesus nen he, mel yagaisasikhe: ”Afuni nen, hundik-handigat ikhi logolik, hat hebe ap dokter hangge andoma re, hoba ou andi honggwaregen higiran o, iluk agarek mene, hiren lagokhogo an yaganesugun higi. A'nogo yaganesimbik he, o Kapernaum hilingiti lagen mene holhi lago andi hak he, yogondak honggwarek haiba yoma a'nogoat ekhe hilingisin o, iluk yaganesuogeluk ikhi lagep higi,” iluk a'nogo yagaisasikhesik ekhe mel yagaisasikhe:

KISAH PARA RASUL 8:19

Waluk wagaikhesik, mel yagaisasikhe: ”An nenggi afuni ekhe inoba sebelhunem, Allah nen Areagun a'nogoat wogisugunem helikhi logouwageluk, an ninomat eisewerek asuogen, hit hilingiti lagep andi awene yagane'ni o,” iluk kino yagaisasikhe.