LUKAS 22:8 - Allah Wene Fano Wene Hupla Inane

⁸ Nogoin higit agaikhemo re, at Yesus nen Petrus Yohanes emberek lakfisikhi logolik he, mel yagaisasikhe: ”Nit seni Paskah faget wam domba ninom nouwogen he, lambik weragaisogo tegelogo fembik logoino o,” iluk a'nogo yagaisasikhemo,

LUKAS 22:8 Iomraidhean Croise

MATIUS 3:15

Yagatikhemo re, at Yesus nen he, ”An pelaknabigin aro. At Allah nenat yi mene ti mene faget a'nogo hilingisuageluk anggikherek higithogoat hilingnabigin o,” iluk isikhemo re, ”I o,” iluk

LUKAS 1:6

At agwe emberek andi re, nineisena Tuhan nen he, ”Yi'nogo hilingi'no, ti'nogo hilingi'no,” iluk, yaganisigik, komotninafik, isikhe mene a'nogo, mondok higithogoat hilingiti lagaukwama re, at Allah nen he, ”It andi inobabut fano mondok,” iluk, enegat eilenggen isikhi lagaikhe.

LUKAS 22:9

iren he, ”Niren yi mene ti mene o koma tegelogo fembik logogun ninamolo nen egen,” iluk isukwama,

KISAH PARA RASUL 3:1

Inenggi ekhe sambul he, jam 3 oba, mo hea i lageluk ugu kwelek, Petrus Yohanes emberek, afuni Allah awi wuri'mo samban ikhi lagaukwa hak uogeluk ugunem, inoba lagasukwa.

KISAH PARA RASUL 3:11

Ap a'nogo Petrus Yohanes emberek inombo'ne mondok nikhi lagaikhesik Allah awi wuri'mo nen wulibi wagaukwasik, o solombon enu Salomo asolombonma iluk ikhi lagaukwaba andi wulibi wagunem he, afuni mondogaren fogerarik inoba andogotukwa.

KISAH PARA RASUL 3:3

O andi sambul fesukwama hurek were'ma re, Petrus Yohanes emberek Allah awi wuri'mo kuogeluk ugunem, eilenggen isasikhesik he, iren yi mene ti mene ekhe wogosuageluk kino yagaisasikhe.

KISAH PARA RASUL 4:13

It Petrus Yohanes emberek inailo lek logolik, wene fakhogo a'nogo yagaisugunem he, it ap omanogo nen fogerinafi logolik he, ”Ap yi sekolah yanggulhi'lek. We, inonggot meneat he, Yesus inom nikhi lagaikha mene a'nogo nen higi,” iluk futfisasukwa.

KISAH PARA RASUL 4:19

A'nogo yagaisasukwama re, it Petrus Yohanes emberegen he, ”Allah eilhanem higithogo hilingisugun he, ki. Hiren, yi'nogo hilingisugun iluk egep mene andi hologo hilingisugun a? Athe, Allah nen, yi'nogo hilingisigin, ikherek mene andi hologo hilingisugun a. Hinendawimo ebe'ni. Nit he, nineilenggen higik, ninesanggo holhik, ogo mene andi, afuni ekhe yagaisigi'lek kamo ugun he, elo'lek andi nen he, yagaisikhi logogun aro,” iluk yagaisasukwa.

KISAH PARA RASUL 8:14

A'nogo hilingitukwama, afuni nen he, ”Afuni o Samaria mene Allah ane wanha o,” iluk ikhi lagaukwama, it ap Yesus nen inebe wenagaisogo inayonggo fuluk lakfisasikhe mene omanogo, o Yerusalem logolik, inesanggo holhukwasik he, Petrus Yohanes emberek afuni Samaria mene inoba lakfisa wagaukwa.

GALATIA 2:9

A'nogo futninobagasukwasik he, it Yakobus inom, Petrus inom, Yohanes inom, Allah againafuri nen he, ”Nit ninogogwi it werek,” iluk agarek mene nen he, ”Hiren he, wene afuni endakwe mene yagaisilik lano. Nen, niren he, afuni inagap inenggalimo mene palek mene faget yagaisilik logoin. Ninom hundigat hilingiti logouwok,” iluk he, Barnabas nemberek ninenggi fak-fak hai wa'ninafukwa.