LUKAS 22:42 - Allah Wene Fano Wene Hupla Inane

⁴² mel isikhe: ”Neisena e! Haren fano anggegen halok he, an weaget nabugun mene andi telnabino,” iluk u hak, ”Enggen amusu hinago noageluk wo'nesugun andi, haren an noba nen wokhano. Mene re, an nendawimo anggikhi lagi mene andi lego. We, hat hendawimo anggegen mene andiat hilingnabino o,” iluk yagatikhemo,

LUKAS 22:42 Iomraidhean Croise

MAZMUR 40:8

Andi nen an nen ikhi logolik he, ”Eberogo an waga lagi, buku yinggilik mene andiba re an nobaget palek werek.

YESAYA 51:17

Yerusalem yei, helugame o! Helugame o! Tuhan anini nen unggum hokho mene hoba pelabi wagama hikhi logolik welagen mene a'nogo mondogat lek aga o.

YESAYA 51:22

Hineisena Tuhan nen he yi'nogo ili'logo. Hit hineisena Tuhan Allah hit hinili wokhinaferek mene a'nogo nen he mel ikhe, ”An na'mage nen enggin-fenggin hinoba fikhi lagi mene andi re hobuk hit hinoba nen An nen lisogo wanigin o. Nen An nanini hinoba fikhi logogin mene a'nogo legarik lagunem he hit hinoba enggin-fenggin ekhe hogoin mondok lego.

YEREMIA 25:15

Tuhan afuni Israel mene ineisena Allah a'nogo nen an noba ikhi logolik, ”Haren iwak anggur amusu An na'mage hinagongge figimo werek mene ari wanin o. Wanimbik he hat hebe An nen yi afuni ti afuni inunggulenu lombok welagaikharekwe andoma lakhobagaumo laluk he, anggur agai ari noageluk yagaisano.

MATIUS 11:25

A'nogo yagaisasikhesik he, o andi sambul he, at Yesus nen samban oba eisena Allah yagati logolik he, ”Allah Neisena o! Pogot kweang eisewerek menere hararo! Wene mondogat andi re, it afuni inendawimo kagalek mene inom, yi wene ti wene inelu mene inom, inelu asinogo iluk hinakfuluk he, it inobabut yenggerugwi ketago mene hangge nek he, fakhogo yagaisegen andi hendawimo hamolo anggegendigenat yagaisegen andi nen hai wathafi lagi o, Neisena,” iluk yagatikhe.

MATIUS 20:22

A'nogo yagatikhemo, at Yesus nen he, ”Hat kino yaganeten andi re, wene ebe honggorat logolik yaganeten o. An yi enggin ti enggin hilingnabugun andi re, hat a'nogo hilinghinabugun elok anggegen?” iluk u hak he: An nagai hinago nagain andi re, hit elok nogoin anggegep? iluk yagaisasikhemo, iren he, ”Elok nogoin aro,” iluk yagatukwa.

MATIUS 26:39

at ale'ma horogat lagaikhesik elokhe sagaum weing lagaikhesik he, Allah ayonggo fikhi logolik, mel yagatikhe: ”Neisena! An weagetnabugun andi telnabigin halok he, telnabino,” iluk u hak, ”Amusu hinago noageluk wo'nesugun andi, wokhagain halok he, wokhano. Nen, lek halok he, an nendawimo anggigi mene andi lego. We, hat hendawimo anggegen mene andiat hilingnabino o,” iluk samban isikhe.

MATIUS 26:42

samban attak isikhe hagat, hobuk ambotkwe lagaikhesik he, mel isikhe: ”Neisena a! An weaget nabugun yi re, telnabigin elo'lek halok he, hat hendawimo anggegen andi higithogoat hilinglasuago,” iluk, samban isikhe.

MATIUS 26:44

samban attak enggi pireba isikhesik, hobuk ekhe inom igeluk lagaikhesik he, attak isikhe hagat isikhe.

MARKUS 14:36

hobuk mel isikhe: ”Neisena. Neisena halaboge! Hat he, yi mene ti mene hilingisumo, hilingisu hagenek andi nen, an weaget nabugun andi, haren telnabin o, iluk u hak he, enggen amusu hinago noageluk wo'nesugun andi haren wokhano igi. Mene re, an nendawimo anggigi andi re lego. We, hat hendawimo anggegen mene andiat higirasuago o,” iluk samban isikhe.

LUKAS 23:34

A'nogo menfisasukwama logolik, at Yesus nen mel yagatikhe: ”Neisena e! It yi inonggot logolik hilingnabi'lagwi yi re, wene inoba figi'lek sebelogo herakfisano o,” iluk yagatikhe. Nen, it ap tentara mene omanogo nen he, a'nogo menfisaluk, ”At Yesus asu andi sa hak asigin,” iluk he, oagengge lakfigik, wakfigik, isukwasik, oagengge inoba agaikhe mene halok sumburogo helasukwa.

YOHANES 18:11

A'nogo lakfesikhemo, at Yesus nen he, mel yagatikhe: ”Petrus. Henggarok obali'mo hou a'ma kwelakfakhan o. Afuni nen i hinago wogisugunem nenggarek andi hak, an neisena nen, hat yi enggin ti enggin hilinghabugun o, iluk yaganetikhe mene andi higithogo, an hilingnafunem elo'lek anggegen a? Lego. Hilingnabugunaro,” iluk yagatikhe.

YOHANES 4:34

A'nogo isukwama at Yesus nen he, mel yagaisasikhe: ”At an laknobagai wagaikhe mene a'nogo endawimo anggikherek mene higithogo hilingiti lagi andi inom, an hilingisuageluk nayonggo fesikhe mene andi elugun warogo katokhogo hilingisigeluk ikhi lagi andi inom, an namburu re, andi aro.

YOHANES 5:30

A'nogo yagaisasikhesik he, wene ekhe mel yagaisasikhe: ”An nalegat nendawimo nen kagalogo yi mene ti mene hilingisu elo'lek andi nen he, an nen nendawimo anggaluk hilingiti lagi lego. We, at an laknobagai wagaikhe mene endawimo anggikherek mene hilingisigeluk ikhi lagi andi nen, neisena ane murogat, afuni oak lologo wene inoba figik, kotik, ikhi lagi andi, higithogoat ikhi lagi o,” iluk yagaisasikhe.

KISAH PARA RASUL 21:14

A'nogo yaganisasikhemo, niren endawinggen sebelu elo'lek agaikhemo, ninane attak isugu mene a'nogo herakfisaluk, ”Halok he, ninoe Tuhan Yesus endawimo anggikhe mene andiat hilinglasuago o,” iluk yagatugu.