LUKAS 22:4 - Allah Wene Fano Wene Hupla Inane

⁴ Kwisikhemo re, at Yudas, it ap Allah eisewerek mene inogogwi inom, Allah awi wurik kagalek welagaikharek mene inom, inoba lagaikhesik he, ”Yesus andi wasubagaigen he, hinenggiba ninggi'nogo fagain he,” iluk weim abok inom isukwa.

LUKAS 22:4 Iomraidhean Croise

MATIUS 26:14

At Yesus nen wene a'nogo yagaisasikhemo re, at agoromi ane wanhi lagaukwa mene inebe 12 omanogo mene, ekhe enu Yudas Iskariot a'nogo, it ap Allah eisewerek mene inogogwi kaindek omanogo inoba lagaikhesik he, aren ikhi logolik,

LUKAS 22:5

Inom isukwasik, it ap omanogo inendawimo agaiyegeti logolik he, ”Onggo uang huli yiba wokhesugun,” iluk abok yagatukwa.

LUKAS 22:52

A'nogo to'mot fesikhesik he, at Yesus nen, it ap Allah eisewerek inogogwi kaindek inom, Allah awi wurik kagalek welagaikharek mene inom, inaluendek inom, at ebe fakfouwogeluk wagaukwa mene mondogat mel yagaisasikhe: ”Ap yogot wanhunem fakfisa wagaikharek hak, hiren an a'nogoat faknobagauwageluk karok inom, yei inom, waluk wagep yi ri!

KISAH PARA RASUL 4:1

It Petrus Yohanes emberegen wene a'nogo afuni omanogo oan yagaisugu were'ma aremnogoat, it ap Allah eisewerek mene inom, Allah awi wurik kagalek welagaukwa mene inoe kain mene inom, ap Saduki mene inom, inoba wagaukwa.

KISAH PARA RASUL 5:24

Yagaisasukwama re, it ap Allah awi wurik kagalek welagaukwa mene omanogo inom, Allah ane eisewerek inogogwi kaindek omanogo inomen he, ”It ap Yesus nen inayonggo fuluk lakfisasikhe mene omanogo ninggi'nogo hilinglagaikhama nen aga,” iluk inobakheindok palagaikhesik he, ”Hobuk ninggi'nogo hilinglasigin he,” iluk inendawinggen fitukwa.

KISAH PARA RASUL 5:26

A'nogo yagaisikhi lagaikhemo re, at ap kain Allah awi kagalek welagaikhe mene a'nogo agoromi inom lagaukwasik he, it ap Yesus nen inayonggo fuluk lakfisasikhe mene omanogo woginarek wagaukwa. Mene re, woginarek wesuogeluk inendawimo nen he, ”Afuni hokhorogo nenat Yesus agoromi elele waganogo nit helep oba ninoasinogo,” iluk inailo nen inane ninghogo woginarek wagi'lek. We, liokhogo woginarek wagaukwa.