LUKAS 22:11 - Allah Wene Fano Wene Hupla Inane

¹¹ ap awi eisewerek mene andi oba heinok mel iluk wanino: At ninoe wene yaganisikherek mene a'nogo nen he, mel ikhe: An nagoromi nane wili'lagwi mene ninom Pesta Paskah faget domba wam warogo noageluk, o hulu senggelek ki hak fouget fegen, iluk heinok wani lani, iluk lakninobagai wagama wago o, iluk yagatunem,

LUKAS 22:11 Iomraidhean Croise

MATIUS 21:3

A'nogo hele fikhalhunem, it afuni andoma mene ekhe nen he, ”Nenahalok kombi fikhalhi lagep iluk wene palha halok he, mel yagaisano: Ninoe Enupogot a'nogo nen wam yi mene legen he, waluk louwogeluk kombi fikhalhi lago, iluk yagatunem aren he, weak-weak lakfei wesigin a'naga,” iluk, wene warogo lakfisasikhe.

MARKUS 14:14

Ombo'ne lagunemen, at ebe oloba kugu halok he, ap awi eisewerek mene andi oba heinok mel iluk wanino: At ninoe wene yaganisikherek mene a'nogo nen he, mel ikhe o: An nagoromi nane wili'lagwi mene ninom seni Paskah faget wam domba warogo noageluk, o hulu senggelek ki hak nobagegen, iluk heinok wani lani o, iluk lakninobagai wagama wago o.

LUKAS 19:31

A'nogo kombi fikhalhunem, it afuni andoma mene ekhe nen, wam kombi fikhalhi lagep andi nenahalok, iluk heinok wokhisaga halok he, mel yagaisano: Nit ninoe Enupogot a'nogo nen wam yi mene legen he, waluk louwogeluk kombi fikhalhi lago, iluk yagaisano,” iluk he, wene warogo lakfisasikhe.

LUKAS 19:34

iren he, ”Nit ninoe Enupogot a'nogo wam keledai yi mene legen he, waluk louwogeluk kombi fikhalhi lago,” iluk yagaisaluk he,

LUKAS 19:5

Lagasikhesik were'ma, at Yesus aremnogo lagaikhesik eilenggen liakhasikhesik he, enu fakhogo mel yagatikhe: ”Zakheus, yogondak hat haiba nemberek nogo i louwogen he, weak-weak pi me o,” iluk yagatikhemo,

LUKAS 22:10

at Yesus nen he, ”Hit kota a'nogo kwi lambik he, ap ekhe iwak kweang temul mene hilingitarek meneba i hina'luk wagunem hinom ambi asugun a'naga. Ambi asimbik he, ombo'ne lano. Lagunem at aiba kwikhe halok,

LUKAS 22:12

aren he, o henambo hokho senggelek mene werago nogoin oba obuluk mondok hilingik oba yagahisagain a'naga re, andomaat yi mene ti mene tegelogo fembik logoino o,” iluk he, lakfisasikhe.

YOHANES 11:28

A'nogo yaga'luk he, Marta nen oe Maria wolha lagaikhesik mel yagatikhe: ”Ninoe wene yaganisili'logo mene a'nogo ebe wagasik horok yoma logolik wolhili'logo,” iluk ane samik-samokhogo yagatikhe.

WAHYU 3:20

Yethani! An nebe kweba mendek logolik, kwe ane papaget hikhi lagi o. A'nogo papaget hugunem, sa nen nane esanggo holimbik he, kwe hutneagain halok, an at oba kwi wesimbik he, sumburu ninggi logolik nagailak-hagailak higit nemberek hundik logogun o.