LUKAS 21:8 - Allah Wene Fano Wene Hupla Inane

⁸ at Yesus nen he, mel yagaisasikhe: ”Afuni nen lalhinabinogo nen he, hinobabut hebelogo logoino o. Afuni inebe hokhorogo nen, inenu an nenu mene salogo nen mel ilik wesugun: At wesigin isukwa a'nogo an nebe wagi yi aro, igik, hilinglasigin a'nogo arat horogasi waga o, igik, ilik wesugun a'naga, it andi inane hinesanggo holfuluk inombo'ne lagubo.

LUKAS 21:8 Iomraidhean Croise

YEREMIA 29:8

An Tuhan Nomame Mondok Hokho mene, Israel mene ineisena Allah nen he, hit hinanggelekwe ap nabi werek mene andoma nen ogo, nen ap sa nen halok ogo, iren yagahisikhi logolik, hobuk yi'nogo hilinglasigin ti'nogo hilinglasigin iluk yagahisugunem hit lalhinabinogoluk ebet hisikhi lagi andi. Iren inabi wokhaluk yagaisagarek mene andoma faget eberogo anggikhi logou fuk.

MATIUS 24:11

Nen, it ekhe ineranenat Allah ane yagaisagarek mene hak kanggorogo hinoba wesimbik he, afuni mondok hokhorogoat lalinabugun o.

MATIUS 3:2

”Kain pogoroba mene awe a'ma hinobagagin oba a'nogo yogondak arat horok asi waga. Halok he, weak hilingiti lagep mene herakfisaluk hinobabut hebela'ni o,” iluk yagaisikhi lagaikhe.

MATIUS 4:17

Lagai wagaikhesik logolik, huli andi huli nen, afuni andoma yagaisikhi logolik he, ”O Allah awe a'ma hinobagagin mene a'nogo yogondak arat horogasi waga o. Halok he, weak hilingiti lagep mene herakfisaluk hinobabut hebela'ni o,” iluk yagaisilik nikhi lagaikhe.

LUKAS 17:23

It afuni nen he, at a'nogo ebe yoma werek. Yetha we'ni, igik, andoma werek a'naga yetha lani, igik, ugu halok he, hinendawimo nen he, eberogoat anggaluk hineilenggen yetha lagik, inombo'ne lagik, ugubo.

LUKAS 21:7

Wene a'nogo yagaisasikhemo, Yesus agoromi ane wanhi lagaukwa mene omanogo nen, at Yesus oba heinok wokhikhi logolik he, mel yagatukwa: ”Noe! Wene yaganisegen a'nogo re, mera nen hilinglasigin. Ebe hilinglasigiluk ugu kwelek he, ki mene tak hilinglagunem ninendawinggen wenggelasigin,” iluk yagatukwama,

LUKAS 21:9

It ekhe nen, weim yabi'lagwi, igik, inebe misigat mene nen folim hibirogo mugisogo wulakfisili'lagwi, igik, iluk ugu halok he, hina'manggen laluk hinendawinggen abolok ugubo. Attagat a'nogo hilinglasigin meneat he, o wurep oba hilinglasigin mene andi re, weak-weak hilinglasigin lego,” iluk yagaisasikhesik he,

YOHANES 5:43

An neisena nen lak nobagai wagaikhemo wagagi meneat he, hiren an nebe wo'nafi lagep lek. A'nogo meneat he, at ekhe onggwarek endawimo anggaluk waga halok enek he, ebe wanugun hinobabut hisikhi lagi o.

YOHANES 8:24

Andi nen he, an nen wene attak yagahisikhi logolik he, weak hilingiti lagep mene wene hinoba werek kwelek wa'lasugun o, iluk yagahisigi a'nogo re, mel faget igi. Hiren an faget he, At ebe etok mondok welagarek mene aro, iluk hinendawinggen noba eberogoat himbiret fogoin lek halok he, wene hinoba werek kwelegat wa'lasugun andi nen igi o,” iluk yagaisasikhe.

YOHANES 8:28

A'nogo futfigi'lek werek kwelek, aren he, mel yagaisasikhe: ”An abat ta'lasi wagagi a'nogo, hiren an nebe legeisogo nobagagun andi sambul hiren he: Etok mondok welagarek mene a'nogo ebe yiaro. Aren wene yaganisikhi logolik he, endawimo nen kagalogo igi'lek. We, at eisena nen yagaterek mene nek, yaganisikhi lagama, iluk, hinelu asugun o.

1 KORINTUS 6:9

Afuni weak hilingiri'lagwi mene Allah awe a'ma fisikhere'ma andi eisewerek asugun lego, iluk he, hinonggot nogo? Hinonggwaregen lalagubo. Pailak fakfisagarek mene inom, tugwi kembu oba himbirik logolik fogeratarek mene inom, ap inagagwi mene pailak fakfisagarek mene inom, aben hemi fakfisagarek hak it ap-ap fakfisagarek mene inom,

EFESUS 5:6

It afuni Allah ane higithogo hilingitarek lek mene nen, wene igi mene andi a'nogo hilingitunem Allah a'mage lagaluk weagerinabigin andi nen he, it ekhe nen inane we hesanggeat ikhi logolik he, ”Weak mene a'nogo hilingisumo fanoat,” iluk, lalhinabinogo.

2 TESALONIKA 2:3

Afuni ekhe nen: ”Allah ninabit,” iluk, herakfisaluk wulipluk at obabut mondok weak mene hobuk Allah nen endumo lakfisagain mene a'nogo weinam agik, a'nogo tak hilingisugun andi nen he, it ekhe nen yi'nogo igik, ti'nogo igik, ikhi logolik, lalhinabugun he, nabit.

2 TIMOTIUS 3:13

Weagetninafu kwelegat, it ekhe weak hilingiti logolik lalinabi'lagwi mene andi, it ekhe nen lalinafunem, iren onggo-onggo lalinafigat ikhi logolik, weak arik-arigat hokhorogo weak asugun andi.

1 YOHANES 4:1

Nerugwi nagaila'lak. Nendawilage. Afuni inebe hokhorogoaren he, ”Niren Allah ane yagahisikhi lago,” iluk ineranen ili'lagwi mene inebe arat weinam agaikhasik, o yi awi ti awi nikho andi nen he, ekhe hinoba we'luk, wene yagahisugunem, hiren he, ”Allah Areagun endawimo logolik yaganisili'logo,” iluk hinendawinggen inoba himbiret fugubo. Athe, ”Eberogoat Allah Areagun endawimo logolik ili'logo a? Hunogo mene endawimo logolik yaganisili'logo a,” iluk inobabut tak palimbigen, inebe futfisikhi logoino o.

2 YOHANES 1:7

A'nogo hilingiti logogun andi re, it afuni inebe hokhorogoaren, ”Yesus Kristus andi abat ta'lasi wagi'lek,” iluk, lalinafarek mene inebe weinam agaikhasik kweangma o yi awi ti awi mondogat sagarek andi nen, nendawi-hendawirogo hilingiti logogun igi andi o. It andi inebe re, Kristus inom mondok weak logolik afuni lalinafarek mene a'nogo aro.

WAHYU 1:3

Wene andi mondogat he, weak-weak hilinglasigin andi nen he, it afuni ekhe wene lisu palek mene yi enu salugun mene inom, it ekhe inesanggo holimbik, wene andi hologo higithogo hilingiti logogun mene inom, Allah nen inebe fanorinafunem inendawimo inagaiyek hikhi logogun o.