LUKAS 21:23 - Allah Wene Fano Wene Hupla Inane

²³ Andi sambul he, o yoma mondok wiik-weakhogo hilinginafik, Allah a'mage afuni yoma inoba figik, hilinglasigin andi nen he, it hemi omalik ina'ma mene inom, ineagwi ketago ineilak wogisili'lagwi mene inom, weak hogoin andi eigo! Nendawilage!

LUKAS 21:23 Iomraidhean Croise

RATAPAN 4:10

Yago, enggin mene an nagainafuri inoba asi waga mene ari re hunik mene hilinglaga o, hemi inobabut mondok sakhorek logolik inoba heanerogo nek hilingiri'lagwi hemi omanogoba nen inamburu nele agunem he inalabut ninghogo nunggu mene faget it inonggwarek ineagwi omanogo belangalema isakfakhaluk nili'lagwi.

DANIEL 8:19

”An nen hat hoba wene hobuk Allah anini nen hilingisumo asigin mene faget yagahesigo: Haren hegen mene andi re o wurep kobokhogo hilinglasigin mene faget hegen.

MATIUS 21:16

Yesus mel yagatukwa: ”It yenggerugwi ili'lagwi andi hesanggo holhi lagen a?” iluk, yagatukwama, aren he, ”I o. Holhi lagi o. Nen, wene mel iluk lisu palek werek a'nogo hiren enu salhi'lek welagep nogo? Iren Allah fogerati logolik he, ”Hat hebe katokhogo fogethafi logouwageluk, yenggerugwi ketago mene inom, eilak oan nili'lagwi mene inom, mondok yagaisegenma higi, iluk isukwama, lisu palek andi hiren enu salhi'lek welagep nogo?” iluk yagaisasikhesik,

MATIUS 21:41

iren he, ”Ap anggweang eisewerek mene andi wesimbik he, it inobabut weak mene andoma mondok felelenghogo inoasimbik he, yabu anggur yabu andi kagalek logolik, enggen arat wurik agunem palogo wogosi laga logouwageluk he, ap hunogoat mene ekhe inayonggo fagain aro,” iluk yagatukwa.

MATIUS 21:44

[Sa nen ebe pile helep andiba pi waga halok, ebe mondok wolelenggen tagalasigin o. Nen, helep andi sa oba sebeli waga halok he, ebe mondok alperelogo wasigin o,”] iluk,

MATIUS 24:19

A'nogo lagakhi logolik, it hemi omalik ina'ma mene andi inom, ineagwi ketago ineilak wogisili'lagwi mene andi inom, weakhogoin andi o, eigo! Nendawilage!

MARKUS 13:17

A'nogo lagakhi logolik it hemi ineagwi ina'ma mene inom, ineagwi ket tago oan eilak wogisili'lagwi mene inom, andoma re weak hogoin andi nen he, eigo! Nendawilage.

LUKAS 19:27

A'nogo yagaisasikhesik he: It ap an ninom inaselei mene hangge hilingninabi'logo ikhi logolik: At andi nit ninoe kain enupogot logogin he ninabit, iluk aga mene andi inebe woginarek wesimbik he, an neilhanem yaat inoasubagaigo, iluk yagaisasikhe,” iluk he, at Yesus nen afuni omanogo yagaisasikhe.

LUKAS 19:43

Allah nen fanothinabigeluk hinoba waga meneat he, hit futfigi'lek welagep andi nen, hit hobuk hinaiba nen heise wulibi lanogo iluk he, hinaselei mene nen leget walingisogo waganogo hinobagambik he, fena-fena nen petet hinobagaluk horok-horok kwi wesugun o. Kwi wesimbik he, hinawi helep meneba ambolma a'ma wurik andoma ekhe obali'mo wurik herakfigi'lek meisalhi logolik hinebe mondok felelenghogo hinagainafuri hinom wulil tagalogoat hinoasugun o,” iluk inobaget le agaikhe.

LUKAS 23:29

Hobuk weak asigin werek. Andi sambul he, it afuni nen ikhi logolik: Hemi abili mene, ineagwi taginafi'lek mene, ineilak unggul yenggerugwi inambe aben lek mene, andi nek he, inendawimo inagaiyek hogoin hangge o, ugun.

1 KORINTUS 7:26

Nit o yogondak weak welago yaba logolik he, ninebe lombok welago hak logogun o, iluk anggikhi lagi.

1 TESALONIKA 2:16

Allah nen it afuni enda'ma mene telinabuageluk niren fano wene yagaisilik lagunem, afuni inanggwe palharek hak, it afuni Yahudi mene andi nen he, ”Wene fano wene andi yagaisogoin lek,” iluk wene pali'lagwi andi. A'nogo hilingiti logolik, hundik-handik weak hilingitarek meneat he ekhe inom hilingiri'lagwi andi nen, Allah a'mage lagaikhesik, wene hokho mene inoba fikhe andi.

IBRANI 13:16

A'nogo hilingiti logolik, afuni ekhe fano hilinginafik, leberisigik, ikhi logouwok. A'nogo hilingiti logogun andi re, Allah endawimo fanorogo anggo waretarek andi hak hilingiti logogunmo re, oba ninonggot asugun mondok lego.

YAKOBUS 5:1

Hit ap kaindek mene nagaila'lak, hinesanggo fanorogo holini o! Hobuk Allah nen weagethinafunem yi enggin ti enggin hikhi logogun andi nen, li ago le ago logobagaigeluk yagahisigi andi hinesanggo holini o.

1 PETRUS 4:17

Allah nen ninanema waganogo wene ninoba figik, kotik, igin andi arat horogat asi waga. A'nogo hilingiti logolik he, nit Allah againafuri mene tak ninanema waganogo wene ninoba figik, kotik, igin halok, hobuk it afuni ekhe Allah ane fano wene wanhi'lek mene ninggi'nogo hilinginabigin anggegep.