LUKAS 21:12 - Allah Wene Fano Wene Hupla Inane

¹² Mene re, andi mondogat oan hilinglagi'lek werek kwelek he, attak he, afuni nen hinebe fakhinobagambik yi enggin ti enggin hilinghinafik, o samban agarek oba wokhinarek lagik, hele warogo fisagarek oba kwelakhinobagagik ap inenupogot inom, ap kain gubernur lak inom inoba wokhinarek lagik, ugun andi re, iren he an nenu ikhi logolik, hit at agoromi, iluk a'nogo hilinghinabugun o.

LUKAS 21:12 Iomraidhean Croise

MATIUS 22:6

It ekhe nen, at kain amingmingengge lakfisasikhe mene omanogo inebe fakfisaluk yei inoatikhesik he, inebe mondok inoatik, isukwa.

MATIUS 24:8

Meneat he, andi re, hemi omalik taginabuogeluk inambot heinet watarek andi hak, attagat hogoin he, andi aro.

LUKAS 21:11

lugul hokho inailo mene langethigik, o yi awi ti awi sumburu mondok ouwak agik, ou obabut weak mene inoba agik, yi mene ti mene inailo mene hilinglagik, pogoroba nen hilingisu lek mene elalagik, igin o.

YOHANES 15:20

Nen, ap kain ekhe inawe a'ma hak werek kwelek, at amingmingengge mene esin hak welagarek lego, iluk yagahisasigi a'nogo hinendawimo ebe'ni o. Iren an weagetnafa halok he, hit a'nogoat weaget hinabugun aro. Nen iren an nane hologo hilingita halok he, hit hinane hologo hilingisugun aro.

YOHANES 15:21

A'nogo meneat he, iren, at an laknobagai wagaikhe mene a'nogo ebe inonggot andi nen he, it yi at agoromi, iluk, wene yagahisigi andi mondogat hilinghinabugun o.

KISAH PARA RASUL 22:30

Ohealekwe, it ap tentara esa folhi lagaukwa mene inoe kain a'nogo nen, ”It afuni Yahudi mene nen ap yi wene ninggi'nogo mene oba fili'lagwi. Wene furogo nelu asu mene,” iluk wene ero herasuogeluk, it ap Allah eisewerek inogogwi kaindek omanogo inom, ap Yahuri mene Allah faget wene ero pilingiti lagaukwa mene omanogo inom, andogesuageluk inayonggo fesikhemo andogetukwama re, Paulus enggi hele fikhalogo fesukwasik it inoba waluk lagaikhesik he, inelokhoma menfesikhe.

KISAH PARA RASUL 5:40

Inendawinggen sebelhikhemo, it ap Yesus nen inayonggo fuluk lakfisasikhe mene omanogo wolisasukwama kwisukwama re, yei inoatukwasigen, ”Yesus andi enu hombuk palogo, wene hobuk a'nogo yagaisikhi logogubo,” iluk komorogo wulakfisasukwa.

KISAH PARA RASUL 8:3

Allah againafuri a'nogo wulakfisikhi logolik, at Saulus a'nogo Allah againafuri mene weagerinabigeluk he, inawilokwe lombok ya kwigik ta kwigik nikhi logolik, ap inom, hemi inom, inenggi lisogo woginarek he, o afuni inenggi hele warogo fisagarek oba fisa laga lagaikhe.

KISAH PARA RASUL 9:4

Fei wagunem he, at Saulus a'nogo kweangma talorogo weing lagaikhe. Weing lagunem he, at ekhe ane koma nen heat yagati logolik he, ”Saulus. Saulus. Anat yi enggin ti enggin hilingnabigeluk mu'narek nihki lagen andi nenahalok,” iluk yagatikhe.

1 PETRUS 2:13

At Allah nen he, hiren yi'nogo hilingiti logouwageluk endawimo anggasikhe. Afuni inendawinggen lek mene nen wene inonggot logolik ili'lagwi andi, inenggali a'luk inane lek asuageluk, hit hinobabut fano hilingiti logouwageluk anggasikhe andi nen he, ninoe Enupogot faget, afuni nen pemerintah mene kain logouwageluk menfisasukwa mene andi, inebe mondogat inawe a'ma kuluk inane hologo hilingiti logoino o. A'nogo hilingiti logolik, Kaisar pemerintah mene inoe kain andi inom, aren it gubernur lak afuni weak hilingitunem wene inoba figik, fano hilingitunem fogerinafik, hilingiti logouwageluk inayonggo fuluk lakfisa wagarek mene andi inom, inane hologo hilingiti logoino o.

WAHYU 2:10

At Iblis nen hit hinendawimo kagaluageluk, afuni hit mene fenakwe inenggi hele warogo fisamo, inenggi 10 nen yi enggin ti enggin hikhi logogun andi re, hinailo agubo. Yi enggin ti enggin a'nogo hilinghinafu kwelek, hinendawinggen noba eberogoat himbiret fuluk, an ninom hundik were'ma wa'lasugun halok he, sa awewerek-sa awewerek lagunem, it inomame agaikharek mene onggo kware-kware ikfisagarek andi hak, onggo nabulal-habulal hilinghinabigin o.