LUKAS 21:11 - Allah Wene Fano Wene Hupla Inane

¹¹ lugul hokho inailo mene langethigik, o yi awi ti awi sumburu mondok ouwak agik, ou obabut weak mene inoba agik, yi mene ti mene inailo mene hilinglagik, pogoroba nen hilingisu lek mene elalagik, igin o.

LUKAS 21:11 Iomraidhean Croise

AYUB 41:9

It afuni inebe lombogen, buaya Lewiatan andi nineilenggen hogoin iluk lagaikharek meneat he, ineilenggen haluk inoilo nen inebe talorogo ineil furuk fagarek.

YESAYA 29:6

Tuhan Omame Mondok Hokho mene a'nogo nen o kota andi sogoi sielu hokho meneba nen inom, lugul hokho meneba nen inom telogo fagain. Aren sielu inom, endu amulok inom, herogo tak ikherek mene lakfei wesumo re mondogat libunghogo nagain.

YOEL 2:30

O pogoroba inom, kweangma inom, An nen elalin mene hokhorogo hilingisigin. A'nogo hilingitunem, mep eil enek hilinglagik, endu amulok inom, so'le inom foinaluk lagagik, igin.

MATIUS 24:7

Yi afuni ti afuni inunggulenu lombok weim kagalhik, ap inenupogot inagoromi inawe a'ma mene lombok weim kagalhik, o yi awi ti awi sumburu ouwak agik, lugul langet higik, igin o.

LUKAS 21:10

wene ekhe mel yagaisasikheat: ”Afuni inunggulenu lombok weim kagalhik, ap inenupogot inagoromi inawe a'ma mene lombok weim kagalhik, kagalfuluk yafu kwelek,

LUKAS 21:12

Mene re, andi mondogat oan hilinglagi'lek werek kwelek he, attak he, afuni nen hinebe fakhinobagambik yi enggin ti enggin hilinghinafik, o samban agarek oba wokhinarek lagik, hele warogo fisagarek oba kwelakhinobagagik ap inenupogot inom, ap kain gubernur lak inom inoba wokhinarek lagik, ugun andi re, iren he an nenu ikhi logolik, hit at agoromi, iluk a'nogo hilinghinabugun o.