LUKAS 21:1 - Allah Wene Fano Wene Hupla Inane

¹ At Yesus nen a'nogo yagaisasikhesik, elokhe hebekhogo eilenggen yerisasikhe hak he, it afuni inenggi werek mene ekhe nen Allah faget uang peti elema fisagarek oba kwelafunem eilenggen yerinarek welagaikhe.

LUKAS 21:1 Iomraidhean Croise

1RAJA-RAJA 14:26

A'nogo kwi wagaikhesik aren yi mene ti mene o Tuhan Awi wuri'mo werek mene inom, raja ailoba werek mene inom, raja Salomo nen weim kwe palengge emas meneba hilingitikhe mene omanogo inom, mondogat telasukwa.

2 RAJA-RAJA 12:9

A'nogo anggasukwama re at Yoyada nen kotak hilingik engge ekhe wanhikhesik, ambe folelogo re kwe o Tuhan Awi wuri'mo kuguba inenggi ebekwe fikhit mezbah horokhogo aremnogo fesikhe. A'nogo hut fesikhemo re uang o Tuhan Awi wuri'mo nen fugu mene omanogo re it imam kwe kuguba kagalek welagaukwa mene nen he kotak a'nogoba kwelakfikhi lagukwa.

2 RAJA-RAJA 24:13

Wene a'nogo oan hilinglagi'lek werek kwelek At Tuhan nen, ”Yi'nogo hilinghinabugun,” iluk yagaisasikhe higithogo re, at Nebukadnezar en yi mene ti mene ap Salomo nen Tuhan Awi wuri'mo logouwageuk, ebe emas mene hilingitikhe mene omanogo mondogat inom, yi mene ti mene onggo hokho mene ekhe Allah awi wuri'mo a'nogo welagaikhe mene inom, Yoyakin aiba welagaikhe mene inom, wanhikhesik o Babel waluk lagaikhe.

2 TAWARIKH 36:18

At raja Babel mene andi nen he o Tuhan Awi wuri'mo yi mene ti mene wene kabogeti logolik wanhungge omanogo inom, yi mene ti mene onggo hokho mene omanogo inom, at raja onggwarek angge omanogo inom, it agoromi pegawai inangge omanogo inom, mondogat telaluk he o Babel lagaikhe.

NEHEMIA 13:13

A'nogo waluk wagunem an nen he it o senggelek yi mene ti mene fuguba andoma halhi logouwageluk he, hun imam Selemya inom, hun Zadok Wene melalek elu agun a'nogo inom, ap Lewi mene Penaya a'nogo inom, fisasigi. Nen, at Hanan Zakur amlogo hun Matanya omba a'nogo re it leberinafi logouwageluk yagatigi. It ap andem he yabu misik seberogo hilingiti logolik higithogo hilingitarek mene inom, inagaila'lak yi mene ti mene andoma higithogo sumburogo wogisugu mene inom, andi re higit iluk andi an nelure'ma re it andi yagaisasigi.

MATIUS 27:6

A'nogo hilingitikhemo, it ap kaindek Allah eisewerek mene omanogo nen uang perak mene 30 nen a'nogo wanhukwasik he, ”Uang yi ap amep onggo palagama Allah faget uang fagarek oba andoma fogoin mondok lego,” iluk isukwasik he,

LUKAS 20:47

A'nogo logolik, hemi sogwe mene inawi wurik inom, inagarek inom, sebelikhi logoligat he, afuni nen inesanggo holiluk, it fano, anggoageluk samban uan-awan lithaluk lagaikharek a'nogo hilingiti'lek logoilepma re, Allah nen wene endebat inoba fuluk logoilep. Mene re a'nogo hilingitarek andi nen, wene enggin mene inoba fuluk weagerinabigin o,” iluk yagaisasikhe.

YOHANES 8:20

Wene a'nogo yagaisasikhe andi re, at ebe Allah awi wuri'mo peti uang Allah faget fisagarek oba era'lu logolik isikhe. A'nogo ugunem, at ebe fakfogoin oba horogasi wagi'lek werek kwelek andi nen he, it afuni omanogo ekhe nen fakfigi'lek kamo isukwa.

YOSUA 6:19

Andi nen, o mondok legetfisikhi logolik, we, yi mene ti mene perak mene inom, emas mene inom, tembaga mene inom, posie mene inom, mondogat andi nek he, nineisena Tuhan faget fisambik he, yi mene ti mene At mene welagarek oba omanogo feino o,” iluk yagaisasikhe.

YOSUA 6:24

A'nogo hilingitukwama nen, hobuk it ap tentara Israel mene nen o kota andoma inom, yi mene ti mene elonggoma welagaikhe mene inom, mondogat felelenghogo endu fesukwa. A'nogo endu fikhi logolik, yi mene ti mene emas mene inom, perak mene inom, tembaga mene inom, posie mene inom, endu nolhi'lek fesukwasik waluk wagaukwasik he, yi mene ti mene Tuhan faget fisagarek oba omanogo fei wagaukwa.