LUKAS 20:7 - Allah Wene Fano Wene Hupla Inane

⁷ hobuk Yesus mel yagatukwa: ”Wene andi ero nit ninonggoro,” iluk yagatukwama,

LUKAS 20:7 Iomraidhean Croise

YESAYA 26:11

Tuhan nineisena, Hat he it haselei mene unggum wogisagain iluk fouksek welagen oba nen, it he inonggorengge inafe wonghogo werek. Haren hagainafuri faget hendawi hundik hilinginafi lagen mene andoma ineilenggen isaluk he, it inenggali nen yinggil-yinggil kwikhi logouwak. Haren it unggum wogisagain iluk foukhogo fegen mene andiba it inebe mondogat funhogo legasuwak.

YESAYA 29:14

Andiba re it An nen yei ekhe inom inoatu nen youk logoin. Ap inendawinggen wenggelek mene andoma re kembu mene asugun, nen it inelu mene andoma re hilingisu elo'lek mene asugun o,” ikhe.

YESAYA 41:28

An tugwi kembu dewa omanogo anggele'ma nen heratigiba nen he, ti'nogo asigin iluk u mene misik ekhe welaga lek, nen onggo u mene ogo ekhe welaga legat.

YESAYA 44:18

Ibi-eberogo nen ap ariginik mene andoma re mondogat morue! It ineilenggen humunik logolik inendawinggen kwe yagarek were'ma re iren fut fili'lagwi lek.

ZAKHARIA 11:15

Andi nen Tuhan nen an noba yaganeti logolik, ”Hat hebe nekhengge gembala welagaikharek hak hilingla'luk logoin o, oba nen yogondak andi re, gembala weak mene hakhogo hilingla'no.

ZAKHARIA 11:17

Gembala we alomarogo werek mene andi re homan ugu logouwak! At he, domba halinafu mene omanogo hesanggema heilat fisaluk werek andi. Weim oba nen at along logogin mene a'nogo mondogat wurep kobok igin, nen, enggi omame legagik, eilenggen pikhit-fikhit mene mondogat pugagik, igin o.” iluk yaganete.

LUKAS 20:6

Nen, afuni nen yagatukwama pelaginafi lagaikhe, iluk umo re, Eige! It afuni mondogaren Yohanes andi Allah aneat yaganisikhi lagaikhe iluk anggagarek andi nen he, helep oba ninebe mondok tamukhogo ninoasinogo,” iluk isukwasik he,

LUKAS 20:8

at Yesus nen he, mel yagaisasikhe: ”Halok he, an nen ogo re, andi mene eisewerek agarik hilingiti lagi iluk hit yagahisagain legaro,” iluk yagaisasikhe.

YOHANES 9:39

A'nogo fogeratikhemo, at Yesus nen he mel yagatikhe: ”An nen afuni ekhe ineilenggen mum mene halok fanorinafik, it ekhe ineilenggen fano mene halok mumet fisigik, ikhi logolik ayo wurinabigiluk nebe kweangma yoma pi wagagi o,” iluk ugunem,

2 PETRUS 3:3

Wene ebe yi tak futfogoin. O wurep oba re, afuni ekhe inane asegen weak mene inendawinggen en nunggunem inendawimo nen kagalogo weak hilingiti logolik, hinoba wesimbik, inane asegen wokhisikhi logolik he,