LUKAS 20:10 - Allah Wene Fano Wene Hupla Inane

¹⁰ O andoma lagaikhesik werek kwelek, anggur enggen palharek oba higit agaikhemo re, ap eabu eisewerek mene a'nogo it ap omanogo nen enggen ekhe palogo wogosuageluk, amingmingengge mene ekhe inoba lakfei wagaikhe. Lakfei wagaikhemo re, it ap yabu kagalek welagaukwa mene omanogo inoba wagaikhe mene re, ebe yei warogo enggen paleti'lek weat ambotkwe lakfesukwa.

LUKAS 20:10 Iomraidhean Croise

1RAJA-RAJA 22:24

A'nogo yagatikhemo, ap Kenaana amlogo Zedekia Allah ane yagaisikhi lagaikhe mene a'nogo ebe Mikha oba horokhogo higilha wagaikhesik yei elokhenggen lambukhogo watikhesik he, mel yagatikhe: ”Nineisena Tuhan Areagun an hera'nobagaluk, wene hat hoba yagahesi we'lep lego,” iluk wenagetikhe.

2 RAJA-RAJA 17:13

It a'nogo nek hilingitunem en he Tuhan en ap nabi bene nen Allah aneba yagaisugunem ikhi lagaukwa mene inom, wene afuni Israel mene inom Yehuda mene inom inoba lakfei waga logolik yi'nogo yagaisasikhe, ”Hiren weak mondok hilingiti lagep andi herakfisambik he, An nen namingmingengge nabi bene wene melalek inom, yi'nogo hilingiti logoino ti'nogo hilingiti logoino iluk inom hit hinombawi yagaisasigi mene andoma hologo mondok hilingiti logoino o,” iluk yagaisasikhe.

1 TAWARIKH 19:4

A'nogo yagatukwama re at raja Hanun a'nogo nen he ap Daud en lakfisa wagaikhe inap omanogo fakfisasukwasik he, inomborosi palogo, inasu huli inago bene palogo, hilingfisasukwasik he hinaiba lani iluk yagaisasukwa.

2 TAWARIKH 16:10

A'nogo yagatikhemo re at nabi Hanani nen yagatikhe mene andiba re at Asa a'nogo a'mage lagasikhesik he aren nabi a'nogo o afuni hele warogo kwelaginafarek oba omanogo kwelafikhe. Andem oba re at Asa nen it afuni holhu mene fenakwe inom enggin-fenggin inoba hokhorogo fikhi lagaikheat.

NEHEMIA 9:26

A'nogo meneat he, it Hagainafuri nen, At awe a'ma logolik ane hologo hilingiti logogun ninabit, iluk herakhobagasukwasik, ap hat hane yagaisikhi logolik, hinafe hebela'luk hineisena Allah awe a'ma kwi we'no, iluk yagaisikhi lagaukwa inap omanogo inebe inoati lagaukwa andi. A'nogo inoatu logolik, hat hebe inendawimo seramet hobagagu mondok welagaukwa andi, neisena.

NEHEMIA 9:30

It a'nogo weak hilingitu kwelegat, Haren he, yi tahun ti tahun wene inoba figi'lek hafe morogo logolik, komorinafi lagaginat. Hareagun ap hat hane yagaisikhi lagaukwa mene inendawimo logolik, wene andi inendawimo kagalogo yagaisugunem, iren holu inabiren inesanggo te'met fikhi lagaukwa. A'nogo hilingiti lagaukwama it inebe afuni o yi awi ti awi inunggulenu hunogoat mene inenggiba fisikhi lagagin andi.

MAZMUR 1:3

It andi inebe re, e awi i elesimo yakfugunem, engga sawet agi'lek, ket mondok logolik enggen itu sambul itu mondok welagarek hak, iren yi mene ti mene faget hilingitunem he higithogo nek hilinglagarego.

YEREMIA 2:30

An nen komothinafu mene omanogo wanhi'lek werek kwelek we alomarogo hangge unggum hinoba fou hak andi. Mene singa aik anini mene a'nogo nen yi mene ti mene halmakhigik ninggerek hak, hiren ap An nane yagahisagarek mene inebe inoati lagep andi.

YEREMIA 20:2

aren ap miming inafi logolik an nebe yei warogo ebekhe hokho mene ekhe o Tuhan awi wuri'mo nen abel ambol kwe fikhit mene enu Pintu Gerbang Benyamin andiba porogo menobagauwageluk yagaisasikhe.

YEREMIA 35:15

Hundik-handik An nen namingmingengge nabi omanogo lakfisa wagunem iren hit komothinafi logolik, hinobabut agametik, hinobaharo welagep mene andoma sebelhik, ini o, iluk yagahisikhi lagaukwa. Iren yagahisikhi logolik he, ”Hit he o kweang An nen hit hinombawi inoba wogisasigiba yoma logobagaigen he kembu ilah apne wanhik, it inobaget hilingitik, ikhi logou fugo, iluk yagahisikhi lagaukwa. Oba nen hiren he fut figi'legengge welagik, holhi'legengge hilingitik, ikhi lagep andi.

YEREMIA 5:24

An nen meiso noageluk eroraterek oba andoma ogo, ambisangma palasi lagarek huli ogo halogo figirek. Nen An nenat tahun hundik-hundik andomaba hit nunggu mene faget enggen isuageluk wokhisikhi lagiba nen he hiren An esinet nobagaluk fogetnafu aple faget ebethikhi lagep legat andi o.

LUKAS 13:34

”Eigo! Hit afuni o Yerusalem mene yi nendawilage! Hiren ap Allah ane yagaisagarek mene inebe inoatik, ap Allah nen inayonggo fuluk hinoba lakfisa wagarek mene heleben tamuk-tamakhogo inoatik, ikhi lagep andi nendawilage! Sue ayam eagwi ogolabi a'ma andogorogo fisikherek andi hak, an hundik-handigat hit o yoma welagep mene mondogat a'nogoat andogorogo hinobagaigeluk anggigirek meneat he, hiren, ninabit, ikhi lagep andi nendawilage!

LUKAS 20:11

Lakfesukwama lagaikhemo re, hobuk amingmingengge mene ekhe lakfei wagaikheat. Lakfei wagaikhemo wagaikhe mene re, iren enggali warogo yei watfuluk he, enggen paleti'lek weat ambotkwe lakfesukwaat.

LUKAS 20:9

At Yesus nen a'nogo yagaisasikhesik he, hobuk afuni omanogo wene ekhe oba lirogo mel yagaisasikhe: ”Ap ekhe eabumo anggur awi yatikhe. Yakfuluk he, ap ekhe kagalek logouwageluk fisaluk he, o yatmaat lambik enggi ekhe inomat logombigen wesigeluk lagaikhe.

YOHANES 15:16

Hiren an wena'nafigip fuk. We, an nen hit wenakhinafigi andi, e enggen iterek hak mondok logogin mene hilingiti logobagaigen iluk hinebe wenakhinafigisik menhinobagasigi. Andi nen he, we, nena mene, hit hinamolo mene an nenu hombuk palogo neisena kino yagasugun halok he, aren wokhisagain aro.

ROMA 7:4

Andi hak he, nerugwi nagaila'lak. Hit attak he, hemi inaguni inom hele homago hangge welagaikharek ogo andi hak, wene Allah nen komotninafikhe wene a'nogoba homago were'ma, at Kristus ebe watukwama wa'lagaikhe andi, hinomat wa'laga logolik, hele hangge homago welagagip mene andi arat fikhalagaikhe andi. Andi nen he, hemi inaguni wa'lagunem ekhe elok woginabugun andi hak, hit Allah faget fano hilingiti logouwageluk, at Yesus wa'lagaikhemo Allah nen eluget fesikhe mene a'nogo nen wokhinafikhemo welagebo.