LUKAS 2:7 - Allah Wene Fano Wene Hupla Inane

⁷ eak manggusa abat takhasikhe. Takhasikhesik he, o afuni pok mene nogo agarek oba mondok peteregen he, su kain meneba yinggilogo, e sang tale'ma wam amburu ninggerek oba ebe fesukwa.

LUKAS 2:7 Iomraidhean Croise

KEJADIAN 42:27

Wagaukwasik ebekhalem hup nogo ikhi logolik it mene misik ekhe nen keledai gandum wogisogoin iluk su ele filing hasikhe. Filing hugunemen he, aren mene uang a'nogo ambem kwalek welagaikhe.

KEJADIAN 43:21

Wagagusik, ninaiba logoin iluk lagagusik hup nogokhi logolik, ninasu karung omanogo kumut hugunem en he, sa nen kwalfikhe heat ninonggotse'ma nen, uang omanogo su gandum kwalek mene omanogo elema kwalek were'ma hogo. Were'ma hogosik he, yogondak nekhengge waluk ninoe hambit wago. Nen fena re niren ninamburu onggo palugun iluk mene inom waluk wago,” iluk yagatukwa.

MAZMUR 22:6

Iren telninabin o iluk inane humetunem he Haren lologo fisikhi lagagin, nen it inendawimo nen Hat hoba nek tipsek mondok were'ma re Haren it inendawinggen heiseluageluk oboget isikhi lagagin mondok lek.

KELUARAN 4:24

A'nogo yagatikhesigat he, at Musa a'nogo ebekhalem laga logolik ekhema o sabu su meneba salogo nogo ugunemen he, Tuhan wagaikhesik he, Musa ebe wasigiluk isikhe.

YESAYA 7:14

Haren a'nogo egen oba nen he yogondak Tuhan amu nen hiren futfouwageluk enegengge ekhe hilingisigin werego. Hele silerik mene ekhe omalik a'ma lasimbik omalik abengge takhagain o. Takhamo re enu Imanuel salugun.

MATIUS 1:25

emberek nogo igi'lek were'ma, eak abat takhasikhemo re, enu Yesus salhikhe.

MATIUS 13:55

Ap yi re, ap o wuterek mene a'nogo amlogo lek? Nen, agaisa enu Maria a'nogo lek? Nen, agoromi ombo'ne mene re, Yakobus inom, Yusuf inom, Simon inom, Yudas inom, omanogo lek?

MATIUS 8:20

A'nogo yagatikhemo, at Yesus nen he, ”Olo mene andi re, awi wuri'mo welagarek. Nen, sue tarogo nikherek mene andi, awi wurik welagaregat. Mene re, an abat ta'lasi wagagi andi nek he, nogo ikhi logogin oba nawi wurik he, mondok lego,” iluk yagatikhe.

LUKAS 10:34

Endawi agaikhesik he, ebe horokhogo era'lu lagaikhesik he, agap libik-labakhogo watukwa mene omanogo anggur enggen amusu inom, hunogoat mene amusu ekhe inom, oumo bene watfesikhesik he, engga yelogo, at anggo keledai amboroba liak fesikhesik he, o afuni onggo palogo nogo agarek oba fei lagaikhesik he, kwalogo nogo isukwa.

LUKAS 2:6

Pisukwasik andoma were'ma eak a'nogo takhagain higit agaikhemo,

LUKAS 2:8

Andem higit he, o Betlehem era'lukwe andoma, it ap wam konhu welagaikharek mene ekhe hubanggo inanggo konhu welagaukwa.

YOHANES 1:14

Ebe wene a'nogo abat agaikhesik ninomat welagagu. Ninomat logolik he, at ebe andi Allah amlogo misigat tago andi nen he, fogeratarek mene nineilenggen hasugu o. At obabut fano nen, fanorogo hilingninafik, wene ebe wene yaganisigik, ugu mondok were'ma nineilenggen hasugu.

2 KORINTUS 8:9

Ninoe Enupogot Yesus Kristus obabut fano nen endawitninafikhe a'nogo hit hinelu mondok anggigi. Athe, ebe Allah mene logolik he, eilmo werek welagaikhe meneat he, at elagaik agaikhe andiba, hit ebe mene hineilmo werek asubagaigeluk, at ebe nit afuni mene agaikhesik elagaik agaikhe andi.

GALATIA 4:4

Were'ma re, at Allah nen amlogo ayonggo fesikhesik kweangma lakfei wesigin arat higit asi wagaikhemo re, lakfei wagaikhemo, he kweangma mene nenat tatikhe. A'nogo tatikhemo, wene Allah nen komotnininafikhe wene a'nogo awe a'ma logolik esanggo hologo hilingiti lagaikhe.