LUKAS 2:34 - Allah Wene Fano Wene Hupla Inane

³⁴ Nen, at Simeon a'nogo nen, ”Allah nen fanothinabuak,” iluk, ane agaukhogo yagaisasikhesik he, omalik a'nogo agaisa Maria yagatikhesik he, mel isikhe: ”Allah nen he, yenggerek yiba, it ap Israel mene inebe hokhorogoat ekhe telinafik, ekhe weagerinafik, hilingisuageluk menfesikhe o. At yi afuni mondogat futfouwageluk menfesikhe meneat he, it afuni mondogaren, ninabiro, iluk ili'lagwi a'nogo,

LUKAS 2:34 Iomraidhean Croise

KEJADIAN 14:19

A'nogo wogetikhesik mel yagatikhe: ”Allah Mondok Lego mene logolik, pogot inom, kweang inom, elalhikhe mene a'nogo nen hat Abram fanothafi logouwago.

KEJADIAN 47:7

Yagatikhemo, at Yusuf en eisena ebe ap raja a'nogo elurogo yagatikhemo, at Yakub en he, ”Fanothafi logouwak,” iluk yagatikhe.

KELUARAN 39:43

Musa nen he iren yabu hilingitukwa mene a'nogo eil hilik lagaikhesigen, Tuhan nen hilingi'no iluk yagatikhe mene aremnogo higithogo nek hilingitukwa. A'nogo hilingitukwama at Musa nen it afuni a'nogo inoba fanoabet fisasikhe.

YESAYA 8:18

An nagainafuri ninom afuni Israel mene nen futninobagauwageluk enegenggere nineisena Tuhan Omame Mondok Hokho mene Andom Sion oba welagarek mene a'nogo nen ninayonggo fuluk la'ninobagai wagama welago ari o.

HOSEA 14:9

Hobuk afuni Israel mene nen tugwi kembu fogeratarek mene omanogo herak fisogoin. A'nogo herakfisugunem, An nen it ferinarek logolik, iren nayonggo fugunem inane nesanggo holhi logogin. E engga hokho mene a'ma kun welagarek andi hak, it inebe An nawe a'ma fano sebelinarek logogin. A'nogo were'ma, yi agayo ti agayo enggen iterek hak, yi mene ti mene fano mene andi ero Anat andi nen he, Anenat wogisikhi logogin, iluk An Tuhan nen nane arat igi o,” iluk yaganete.

MATIUS 11:19

Mene re, an abat ta'lasi wagagi a'nogo re, sumburu inom, anggur enggen amusu inom nilik wagagimo re, afuni nen nabok ikhi logolik, sumburu inom, anggur enggen amusu inom, ambe lagalek weak nili'logo yi, ap pemerintah faget uang kino iluk wanharek mene inom, weak hilingirik nikharek mene inom, inom hunet fakhaluk nikho yi hani, iluk ili'lagwi andi re, Allah endawinggen kagalogo hilingiterek andi nen he, fanot fugunem ineilenggen hambik he, Higit, iluk futfogoin aro,” iluk yagaisasikhe.

MATIUS 12:46

At Yesus afuni hokhorogo inom logolik wene yagaisugunem he, at agaisa inom, agoromi inom, wene yagasuogeluk oba wagaukwasik he, olulu welagaukwa.

MATIUS 21:44

[Sa nen ebe pile helep andiba pi waga halok, ebe mondok wolelenggen tagalasigin o. Nen, helep andi sa oba sebeli waga halok he, ebe mondok alperelogo wasigin o,”] iluk,

MATIUS 27:63

”Ninoe. Afuni lalinabik nikhi laga mene a'nogo, eluk logolik yagaisikhi logolik he, nenggi pire warek logombik, henaganek neluk asigin o, iluk isikhe a'nogo nen he,

LUKAS 2:35

inendawimo anggili'lagwi mene andi enegat asigin o. Nen, hat ogo re, karok enggat mago mene nen hendawinggenma talukhogo hoasu hagat, hendawimo mondok heiseligin o,” iluk yagatikhe.

YOHANES 3:20

Nen, it afuni weak hilingiri'lagwi mene inebe lombok inendawimo nen anggikhi logolik he, nit selek andiba logoin halok, nit weak hilingitorek mene faget lasimbik weinam asinogo, iluk anggagaresik, an selek mene yi inabiren he, noba wagi'lek kamo agarek.

YOHANES 5:18

it ap kaindek Yahudi mene omanogo nen inenggi sabit oba Allah faget weat logolik, Yesus nen ou higisu lek mene higitikhe andiba nek ebe wasuogeluk isukwa fuk. Athe, aren, ”An nebe Allah nemberek higit,” u hak he, ”An neisena ebe Allah aro,” iluk isikhe andi nen ebe wasuogeluk ebenagai'mo weim abok isukwa.

KISAH PARA RASUL 13:45

Andogotukwama, it ap Yahudi mene omanogo afuni hokhorogoat ineilenggen isasukwasik wene palogo re, ”Wene Paulus nen ili'logo andi hinesanggo holugun lego,” iluk wene palhik, Paulus lak wenagisigik, isukwa.

KISAH PARA RASUL 17:6

Lati logolik, Paulus lak inebe legen he, Yason inom, Allah againafuri fenakwe inom, inenggi lisogo ap kaindek pemerintah mene inoba woginarek wagaukwa. Woginarek wagaukwasik, inane hokhorogo mel yagaisasukwa: ”Ap o yi awi ti awi elokhonggen weaget arik nikharek mene omanogo yoma wagaikhama re,

KISAH PARA RASUL 24:5

Ap yi nen he, afuni weagerinabik nugunem, obabut palho. It afuni ap Nasaret mene a'nogo ombo'ne lili'lagwi mene inoe kain logolik he, afuni Yahudi mene o yi awi ti awi welagaikharek mene mondogat inendawimo kagalik nikho.

KISAH PARA RASUL 28:22

Mene re, wene hat wanhendik hilingiti lagen andi faget, afuni o yi awi ti awi mene nen, wene andi weak, ugunem enek he, ninesanggo holhi lago andi nen, wene haren eberogoat anggikhi lagen mene andi honggwaregen nit yaganisugunem ninesanggo holugun ninamolo o,” iluk yagatukwa.

KISAH PARA RASUL 4:26

It inenupogot kweangma mene yoma menlagaukwasik, kaindek ekhe inom lambukhogo andoget fuluk, nineisena Tuhan Allah, iren he, Ebe ninabit. Amlogo Kristus ayonggo fesikhesik lakfei wagaikhe mene andi, ninabirat. Ninom weim yabuok, iluk andi fagerat hebelogo werek, iluk isiginmo ebe Daud en isikhe andi.

KISAH PARA RASUL 6:7

A'nogo hilingiti lagaukwama re, Allah ane hokho aga logolik, afuni o Yerusalem mene Yesus ane wanhukwa mene inebe hokhorogoat hilinglagaukwa. A'nogo hilinglagunem, it ap Allah ane eisewerek mene omanogo inebe esa hokho nen, wene andi wanhukwasik inendawinggen Yesus oba himbiret fesukwaat.

ROMA 9:32

Nenahalok halogen a'nogo elo'lek agaikhe nogo? Andi re, inendawingen Yesus oba eberogoat himbiret figi'lek, we, inonggwarek inendawimo anggaluk hilingiti lagaukwa andi nen aro. Afuni ebekhalem laga logolik helep oba ineisok a'lip silukhogo waragarek andi hak, nong akhasukwa andi.

1 KORINTUS 1:23

nit enek he, Kristus eba menfuluk watukwa wene a'nogoat yagaisikhi lago. Yagaisugunem he, it afuni Yahudi mene nen, ”Wene andi weak,” iluk obokhogo herakfisigik, nen, it afuni endakwe mene nen he: ”Wene andi, afuni kembu mene nen agarek hangge ili'lagwi,” iluk hebisigik, ili'lagwi o.

IBRANI 7:1

Ap Melkisedek andi ebe re, afuni o Salem mene inoe kain logolik, Allah Enupogot eisewerek welagaikhe. Ap Melkisedek andi enu nit ninaneba re, ”Kain enupogot obabut higithogo nek hilingiterek mene,” iluk u hak, enu Melkisedek sale'ma ikhi lagaukwa andi. Nen, ekhe re, ”Kain enupogot fogeratarek mene,” iluk u hak, afuni o Salem mene inoe kain enupogot iluk ikhi lagaukwaat. At Melkisedek andi faget he, at agaisa eisena yi nen tago mene igik, omba ambu yi nen tagongge mene igik, at yi huli ta'lagaikhe igik, ti huli wa'lagaikhe igik, furogo ekhe igi'legat. Andi nen he, at Allah ebe amlogo emberek higit logolik, at ebe Allah eisewerek mondok welagarek hangge aro. Were'ma, ap Abraham ap kaindek mene inoa'luk ambotkwe wagunem he, at Melkisedek andi nen eilenggen ha wulifikhesik aren he, ”Allah nen hebe fanothabuak,” iluk ane agaukhogo yagatikhe. A'nogo yagatikhemo, at Abraham en, weim andi yafi logolik, yi mene ti mene hugul wanhikhe mene mondogat enggi wenagaisogo fenakwe minggilogo 10 ba lagai wagaikhe mene, Allah faget fisaluk, at Melkisedek wogetikhe.

IBRANI 7:7

A'nogo yagatikhe andi re, it afuni inebe kaindegenat inagoromi inawe a'ma mene inane agaukhogo yagaisagarek andi, a'nogo hilingitarek mene nit mondogat ninelu andi nen he, wene andi faget inane sagalugun lek.

1 PETRUS 4:14

Afuni ekhe nen at Kristus faget wenakhisugu halok he, hinendawimo nen he, ”Allah Areagun fogeratarek mene a'nogo ninoba louk ikhemo welago,” iluk hinendawimo hinagaiyek anggikhi logoino o.

1 SAMUEL 2:20

A'nogo wagunem, ap Eli nen Elkana agwe Hana emberek Tuhan nen fanorinafi logouwagaluk mel yagaisasikhe: ”Hiren hinomalik Tuhan obaget wogosi waga lagep mene yi obali'mo re, hinomalik ekhe inom At Tuhan nen hat hagwe yiba wogeti logouwago,” iluk inoba fanot fisasikhe.