LUKAS 2:19 - Allah Wene Fano Wene Hupla Inane

¹⁹ Meneat he, at he Maria a'nogo nek he, wene isukwa mene omanogo endawinggenma wanhikhesik he, menenei ebeti lagaikhe.

LUKAS 2:19 Iomraidhean Croise

KEJADIAN 37:11

A'nogo yagatikhemo, it Yusuf ogogwi nen he, wene palogo inabit mondok fesukwa meneat he, eisena nek he, ”Abi andi ebe ninggi'nogo hilinglasigin mene faget hikhe,” iluk endawimo ebetu mondok welagaikhe.

MAZMUR 119:11

An nen Hat helokhoma weak hilingiti hanogoluk, Hat Hawene melalek yaganeti lagen mene a'nogo nendawimo fakhigirik welagi.

AMSAL 4:4

neisena nen komo wene yaganeti laga. Yaganeti logolik he yi'nogo ikhi laga, ”Komothafi lagi mene oma re eberek mondok logoino. Haren we misik iluk ogo ekhe honggorasu fuk. Hebe fanorogo logoinogen he an nen komothafirek mene andoma higithogo nek hilingirik laga logoino.

DANIEL 7:28

A'nogo yethigimo, ”Ebe yi'nogo hilinglasigin mene faget hegenma o,” iluk yaganete mene lisu palogo figi mene ebe re, igi andi. Mene re, at andi nen a'nogo yaganetemo, nailo agarik nelokhonggen heiselhi meneat he, wene andi mondogat afuni ekhe yagaisigi'lek nendawimo agagi andi.

HOSEA 14:9

Hobuk afuni Israel mene nen tugwi kembu fogeratarek mene omanogo herak fisogoin. A'nogo herakfisugunem, An nen it ferinarek logolik, iren nayonggo fugunem inane nesanggo holhi logogin. E engga hokho mene a'ma kun welagarek andi hak, it inebe An nawe a'ma fano sebelinarek logogin. A'nogo were'ma, yi agayo ti agayo enggen iterek hak, yi mene ti mene fano mene andi ero Anat andi nen he, Anenat wogisikhi logogin, iluk An Tuhan nen nane arat igi o,” iluk yaganete.

LUKAS 1:66

A'nogo ikhi lagaukwama inesanggo holhukwasik he, ”Allah nen omamerogo fanot fikhemo higi,” iluk ineilenggen hasukwasik, inendawimo ebeti logolik he, ”Yenggerek yi alue asimbik he, ninggi'nogo hilingiti logogin,” iluk ikhi lagaukwa.

LUKAS 2:18

A'nogo yagaisasukwama, it afuni andoma inesanggo holhukwa mene mondogaren, mel isukwa: ”Egi! Nailo e,” iluk fogeratukwa.

LUKAS 2:51

A'nogo iluk he, at Yesus agaisa eisena inom o Nasaret lagai wagaukwa. Lagai wagaukwasik logolik, at agaisa eisena inane fanorogo hologo hilingiti lagaikhe. Nen, agaisa re, wene omanogo mondogat endawinggenma wanhikhesik eberek mondok welagaikhe.

1 SAMUEL 21:12

A'nogo yagatunem at Daud en esanggo holhikhesik he, inane a'nogo isukwa mene a'nogo faget at Daud en endawimo ebetikhi logolik he, at raja Akhis mene a'nogoba ailo hokho mene agaikhe.