LUKAS 2:12 - Allah Wene Fano Wene Hupla Inane

¹² Ebe enegat hineilenggen hambik, futfobagaigen he, omalik ketago mene su kain meneba yinggilogo e sang tale'ma wam amburu ninggerek oba fagasik werek a'naga ha lani o,” yagaisasikhe.

LUKAS 2:12 Iomraidhean Croise

2 RAJA-RAJA 19:29

At Yesaya nen a'nogo lakfei waga logolik, wene ekhe yi warogo Hizkia oba lakfei wagaikheat. A'nogo lakfei waga logolik mel yagatikhe: ”Hiren he, Allah nen wene ikhe andi eberogoat hilinglasigin, iluk fut fouwageluk inendawi wenggelogo tahun yogondak yiba inom, tahun ombo'ne logogun andiba inom, afuni nen gandum erabisak fuleligin mene ninggi logogun a'naga o. A'nogo meneat he, a'nogo ninggi logombik, hobuk it ineranen gandum inom, anggur inom, awi yakfembik enggen fano mondok palogo ninggi logogun a'naga o.

2 RAJA-RAJA 20:8

A'nogo yagaisasikhemo re at Hizkia nen heinok wokhikhi logolik he, ”Tuhan nen enegengge ninggi'nogo hilingnabigiluk an fano hilingisogo nobagambik nenggi henaganek meneba Tuhan awi wuri'mo wo'narek lagain nogo?” iluk isikhe.

MAZMUR 22:6

Iren telninabin o iluk inane humetunem he Haren lologo fisikhi lagagin, nen it inendawimo nen Hat hoba nek tipsek mondok were'ma re Haren it inendawinggen heiseluageluk oboget isikhi lagagin mondok lek.

KELUARAN 3:12

A'nogo yagatikhemo, at Allah nen he: ”An nen lebethabigin o. Afuni nen he, Musa Allah nen eberogoat ayonggo fikhesik lakfei wagama, iluk enegat futhobagauwageluk, haren afuni Israel mene o Mesir en woginarek wagen halok he, tom yiba nen, An foge'nabugun o,” iluk yagatikhe.

YESAYA 7:11

”An heisena Tuhan Allah nen he haren eberek logoinogeluk enegengge, o afuni wa'la'luk lagaikharek oba andoma nen hea athe pogoroba nen hea ekhe hilingisigin nen he kino yaganom o,” iluk yagatikhe.

YESAYA 7:14

Haren a'nogo egen oba nen he yogondak Tuhan amu nen hiren futfouwageluk enegengge ekhe hilingisigin werego. Hele silerik mene ekhe omalik a'ma lasimbik omalik abengge takhagain o. Takhamo re enu Imanuel salugun.

LUKAS 2:13

A'nogo yagaisugu kwelek aremnogoat he, malaikat pogoroba nen yonggo pelakfisa wagarek mene inebe mondok hokhorogo ka nen heat weinam agaukwasik he, at malaikat ekhe a'nogo inomat Allah fogerati logolik, mel isukwa:

LUKAS 2:7

eak manggusa abat takhasikhe. Takhasikhesik he, o afuni pok mene nogo agarek oba mondok peteregen he, su kain meneba yinggilogo, e sang tale'ma wam amburu ninggerek oba ebe fesukwa.

1 SAMUEL 2:34

Wene An nen yagaheti andi mondok eberogoat iluk enegat asuageluk ebe hilinglaga logolik, hat hagainafuri inebe pire Hofni Pinehas emberek o misik sambulat wa'lasugun o.