LUKAS 2:11 - Allah Wene Fano Wene Hupla Inane11 Yogondak telhinabigin mene kain Enupogot Kristus a'nogo, o ap Daud awi sili welagaikheba a'nogo ta'lagasik werego. Faic an caibideil |
LUKAS 2:11
38 Iomraidhean Croise
At kain enupogot iluk inendawi wenggelogo sige tomuk inenggimo fisogo welagaikharek mene hat eiseat logogin. Were'ma haren tagongge mene nen afuni ekhe inawe a'ma fisaluk, ferinarek mondok logogun o. A'nogo ferinarek were'ma, afuni inunggulenu lombogen inauang hat faget wokhesuogeluk waga logolik, Ineindep awi yagaisogo hawe a'ma mondok kwi waga logogun.
At ebe re Daud en tagomangge mene ebe raja logolik ferinarek logogin. At omame mondok hokho logogin. Aren ferinarek logogin kwe andoma mondogat he liok-layokhogo nek were'ma mondok fanorogo logogun. O Aren ferinarek logogin oba andi re wene higithogo tegetu awene inom, wene melalek werek meneba inom higithogo hilingitu logolik yogondak huli nen hobuk huli andoma mondok-mondok logogin. Nineisena Tuhan Omame Mondok Hokho mene a'nogo nen andoma mondogat eberogo nek hilingisigin o,” isikhe.
Yesus ombo'ne lagaikhesik inom welagaukwasik he, at Andreas andi tak oe Simon a'nogo herarik lagaikhesik, emberek ambi agaukwasik he, mel yagatikhe. Nit ninaneba Kristus afuni telninafi logogin mene a'nogo Allah nen ayonggo fuluk lakfei wesigin isikhe a'nogo u hak he, it inaneba Mesias agarek a'nogo nen he, ”Mesias a'nogo nit arat ninom ambi ago,” iluk yagatikhe.
Ombo'ne laga logolik, at Filipus a'nogo hobuk ap Nataniel emberek ambi agaukwasik mel yagatikhe: ”Nataniel. At Musa nen wene Allah nen komotninafikhe wene a'nogoba, ap ekhe abok ikhi logolik lisu palhik, nen, it ap Allah ane yagaisikhi lagaukwa mene omanogo nen abok ikhi logolik lisu palhik, isukwa mene a'nogo nit arat ninom ambi ago. At ebe re, Yusuf amlogo o Nasaret mene, enu Yesus aro,” iluk yagatikhe meneat he,
he a'nogo mel yagatukwa: ”Yogondak nit ninendawinggen at oba himbiret fogo yire, wene haren yaganisegen andiba nek ninendawinggen at oba himbiret fogo fuk. Lego. Athe, at ebe nen wene yaganisugunem ninonggwaregen ninesanggo tomok holhik, afuni kweangma mene mondogat telninaferek mene ebe yi aro, iluk futfuluk ninelu agik, ogo andiba nen ninendawinggen at oba himbiret fogo aro,” iluk yagatukwa.
Allah ane lisu palek a'nogoba furogo yagaisikhi logolik, mel yagaisikhi lagaikhe: ”At Kristus Allah nen lakfei wesigin iluk isukwa a'nogo re, yi enggin ti enggin hilik-hilik wa'lasimbigen, eluk asigin, iluk isukwa. It isukwa andi hagat, at Yesus hilingitikhe wene abok yagahisikhi lagi mene yi, hilingisu higithogoat hilingitikhemo. Allah nen lakfei wesigin iluk isukwa andi, ebe re, Yesus andi aro,” iluk yagaisasikhe.
Eluget fikhemo werek andi, afuni Israel mene weak hilingiri'lagwi mene andi herakfisaluk inobabut hebelasumo re, Allah nen it weak hilingitarek mene andi sebelogo legetfisageluk, Yesus ebe eluget fikhesik he, at ebe ninoe Enupogot logolik telninafi logouwageluk era'lu enggi ebekwe menfikhemo werek andi.
A'nogo futfikhi lagi andi nek fuk. Noe Enupogot Yesus Kristus nelu agagi andi fano mondogaro. Yi mene ti mene hunogo mene hilingiti lagi andi, nong asigin mene hilingiti lagagimo iluk, futfikhi lagi aro. At ebe helambik he, ninom hundik mondok logouwogeluk, yabu alengge palogo wulak fisagarek hak, yi mene ti mene attak hilingiti lagagi mene andi: ”We meneat,” iluk herakfisasigi andi. Wene Allah nen komotninafikhe wene andiba, nonggwaregen higit hilingiti lagi fuk. It afuni ekhe inendawinggen Kristus oba himbiret fugunem, wene inoba mene korogo wokhaluk hobuk Allah inom hunogo fisikherek hak, an a'nogoat nendawinggen at oba himbiret fesigimo, wene noba welagaikhe mene korogo wokhasikhe andi.
Afuni nen he, ”Yesus andi telninabuageluk Allah nen lakfei wagaikhe mene eberogoat Kristus a'nogo aro,” iluk inendawinggen at oba himbiret fagarek mene halok inebe lombok he, Allah nen taginafemo, at againafuri mene werego. Nen, nit nineisena Allah ninendawirogo logolik halok he, at againafuri tago mene andi ninendawirogoat logoguno.
Sanasan