LUKAS 19:12 - Allah Wene Fano Wene Hupla Inane

¹² ”Ap kain mene nen tagongge ekhe endawimo nen he, o ap kaindek inenupogot menfisagarek oba andoma lagunem an kain nenupogot mennobagaumo nambotkwe wesigin, iluk anggasikhe.

LUKAS 19:12 Iomraidhean Croise

MATIUS 21:38

Lakfei wagaikhemo wagunem, it ap yabu kwalogo welagaukwa mene omanogo nen, ineilenggen yethasukwasik he, it-it ikhi logolik, ”Ap ari eisena obali'mo yabu eisewerek asigin mene a'nogo ebe waga a'li. Halok, yabu yi nirat eisewerek asuogen he, ebe wasuogo,” iluk,

MATIUS 28:18

A'nogo anggugu kwelek, at Yesus ebe inera'lu wagaikhesik he, mel yagaisasikhe: ”Allah nen he, pogoroba mene inom, kweangma mene inom mondogat he, an eisewerek nobagaikhemo o.

MARKUS 12:1

At Yesus nen wene a'nogo yagaisasikhesik he, hobuk wene ekhe oba lirogo yi'nogo yagaisasikhe: ”Ap ekhe eabumo anggur awi yatikhe. Yatikhesik he leget wanhik, enggen sagalogo amusu keralhi logogun oba kweang habulhik, ineilenggen logogun oba sasangge talhik, isikhe. Isikhesik he ap ekhe kwalogo logouwageluk fisaluk he, ebe o yatma andoma lagaikhe.

MARKUS 16:19

Wene a'nogo arat yagaisasikhemo re, at Allah nen Yesus ebe pogoroba waluk lagasikhe. A'nogo waluk lagasikhemo era'lu enggi ebekwe hutfesikhemo kainat welagarek.

LUKAS 20:9

At Yesus nen a'nogo yagaisasikhesik he, hobuk afuni omanogo wene ekhe oba lirogo mel yagaisasikhe: ”Ap ekhe eabumo anggur awi yatikhe. Yakfuluk he, ap ekhe kagalek logouwageluk fisaluk he, o yatmaat lambik enggi ekhe inomat logombigen wesigeluk lagaikhe.

LUKAS 24:51

A'nogo hai warinafu kwelek aremnogoat he, it andem werek kwelek, Allah nen, at ebe hambokhogo waluk pogoroba lagasikhe.

YOHANES 18:37

at Pilatus nen he, ”Halok he, hat eberogoat kain Henupogot he a,” iluk ikhi lagaikhemo, at Yesus nen he, mel yagatikhe: ”An nebe kain Nenupogot hat egen andi aro. Andi fagerat an nen ebe wene abok fakhogo yagaisikhi logoigeluk nebe kweangma yoma pi wagagisik ta'lagagi o. Afuni wene ebe wene andi werekwe asi lagaikha mene nek inebe lombok an nane inesanggo holi'lagwi o,” iluk yagati lagaikhemo,

1 KORINTUS 15:25

A'nogo fagain andi, at Allah nen Kristus inom weak mene mondogat eisogen alperelogo fisoagen awe a'ma inobagai wesigin andi oan werek kwelek, at Kristus ebe kainat mondok logogin.

IBRANI 9:28

at Kristus ogo re, nit afuni weak hilingitorek mene legetfisageluk enggi misigam faget wam Allah wareti lagaukwa andi hak, at ebe wa'lagaikhesik, hobuk wesigin andi, nit weak hilingitorek mene legetfisageluk wesigin fuk. Lego. We, nit afuni, at wagunem elokhoma nenangorogo welagorek mene halok, fanotninabigeluk wesigin o.

1 PETRUS 3:22

At ebe eluk agaikhesik he, pogoroba lagasikhesik, Allah era'lu kain logolik, malaikat Allah nen yonggo pelakfisa wagarek mene omanogo inom, inogogwi kaindek mene inom, inomame hokho mene inom, ferinarek welagarego.

WAHYU 1:7

Yethani! At ebe ohena anggele'ma wagunem, afuni mondogat inebe lombogen inom, it at sige taukhogo watukwa mene inom, inomaren ineilenggen yethikhi logolik, inunggulenu lombok mondogat le asugun o, iluk yagahisigi andi, ”Ebe asuak,” u hak, ”Amin,” igi andi.