LUKAS 18:9 - Allah Wene Fano Wene Hupla Inane

⁹ A'nogo yagaisasikhemo, it afuni fena omanogo inendawimo nen he, mel anggikhi lagaukwa: ”It afuni mondogat yoma elo'lek hak meneat he, nit yi nek he, ninebe esin logolik higithogo hilingiti lago,” iluk anggikhi lagaukwama re, at Yesus nen wene oba lirogo yagaisikhi logolik he, mel yagaisasikhe:

LUKAS 18:9 Iomraidhean Croise

AMSAL 30:12

Nen it ekhe nen he inendawimo mondok weak hokhorogo logoligenat he, inonggwaregen an he nendawimo horek welagi iluk anggaregat.

YESAYA 65:5

Iren ikhi logolik, ”Nit he hit hinoba nen ninamu tegelogo fano horek welago, nit ninagap fa'nisa fuk, hinale'ma lani o, ili'lagwi! It inobabut a'nogo hilingiri'lagwi mene andoma re An nen kumurinarek logou re mondok nabiro. Ma re An na'mage re endu nagul fou elo'lek andi hak it inoba fikhi lagi o.

YESAYA 66:5

Yago, hit At awene melalek faget inailorogo welagik, ane hologo hilingitik, hilingitu welagep mene yoma sani, Tuhan ane ikhe mene hologo hilingiti logoni o. Hit hinendawinggen An noba himbirik logolik tiphogo hilingiti lagep oba, hit hinunggulenu mene inanggele'ma nen inabithinafi logolik, hinom seberogo hilingitu aple ogore mondok inabit weregat. Iren hit hinoba li'not hinafi logolik yi'nogo ili'lagwi, ”Hit hinagaiyegen hilingitu mene andoma nit nineil hogoin nen he, Tuhan Omame Mondok hokho werek mene a'nogo inukhoago,” iluk ili'lagwi. Oba nen he it inonggwaregat inenggali asugun o.

IMAMAT 13:32

Nen, inenggi 7 mene andire imam en eil kwelakhaluk oumo a'nogo elonggoma nilik kwigi'lek halok, esi inom, omboro inom oumo werek oba aremnogo mumisarek legengge, agap ogore elonggoma nilik kwigi'lek amukwe omanogo higitsek halok he,

LUKAS 10:29

at ap a'nogo endawimo nen he, Yesus nen, ap andi fano hilingiterek mene, iluk anggoageluk, mel yagatikhe: ”Afuni ninom welagorek mene nendawinggen hundik logogun andi, inebe sani,” iluk a'nogo yagatikhemo,

LUKAS 15:2

A'nogo wagaukwa mene re, it ap Farisi mene inom, it ap Allah ane lisu palek inelu mene inom, ineilenggen isaluk he, inane nguluk-habuk ikhi logolik, mel isukwa: ”Ap yi nen afuni weak hilingiri'lagwi mene woginaferesik sumburu inom misi'mo nenggarek andi, nailo e!” iluk isukwama re,

LUKAS 16:15

A'nogo isukwama re, at Yesus nen it yagaisikhi logolik he: ”An higit hilingiti lagi, iluk afuni ineilhanem hinobabut higit mene hangge hilingiti lagep. Meneat he, Allah nen hinendawinggen mondok elu o. Yi mene ti mene it afuni nen fano iluk esinet fisagarek mene andi re, at Allah mondok abiro.”

LUKAS 18:11

Emberek kwi lagaukwasik samban ikhi logolik, ap Farisi mene a'nogo menlagaikhesik samban ale'ma nen ikhi logolik he, mel isikhe: Allah, neisena e. An nobabut he, afuni mondogat inobabut hangge lego. It afuni hesangge yogot wanharek mene inom, weak hilingitarek mene inom, hemi pailak fakfisili'lagwi mene inom, ap uang pemerintah faget kino iluk andogoterek mene yi inom, inobabut andi hak he, an nobabut a'nogo mondok lek andi nen he, hai wathafi lagi o.

LUKAS 19:7

Emberek lagunem, it afuni nen ineilenggen yerisasukwasik, wene palogo inane nguluk-habuk inabok palhi logolik he, mel isukwa: ”Yesus he, ap weak hilingiri'logo mene a'nogo aiba emberek nogo i louwogeluk lili'lagwi andi nailo e!” iluk isukwa meneat he,

LUKAS 7:39

A'nogo hilingitunem, ap Farisi mene nen, ”Yesus, sumburu nemberek nouwok iluk,” ayonggo fesikhe mene a'nogo endawimo nen mel anggasikhe, ”Ap yi Allah ane yagaisikherek mene logoilepma re, he yi weak hilingiterek mene nen hilingnafe iluk enegat futfeilep,” iluk endawimo anggugunem,

YOHANES 8:48

At Yesus nen wene a'nogo yagaisasikhemo, it ap Yahudi mene omanogo nen he, mel yagatukwa: ”Hat hebe ap Samaria mene yi re! Munggwarengge obabut weak mene hendawimo kwikhesik werego, iluk ikhi lago a'nogo eberogoat yagaheti lago higi,” iluk yagati lagaukwama re,

YOHANES 9:28

iren inane asegen wokhikhi logolik he, mel isukwa, ”Hat at agot agendik ikhi lagen higi. Nit he, ap Musa agoromi welago o.

YOHANES 9:34

iren he, mel yagatukwa: ”Hat hobabut weagat ta'lagagindik, weak mondok hilingiti lagen meneat he, haren wene nit yaganisa hak nogo? Mondok elo'lego,” iluk yagatukwasik he, o samban agarek oba nen enggi lisogo leget enda'ma wulakfisa wagaukwa.

KISAH PARA RASUL 22:21

A'nogo yagatunem, Tuhan nen he, it afuni endakwe mene yatma andoma inoba lakhobagagin andi nen he, lan o, iluk yaganetikhe,” iluk yagaisasikhe.

ROMA 10:3

It he, Allah nen wene inoba mene korogo wokhaluk hobuk inambotkwe inom hunogo inobagauwageluk, at awe a'ma kuluk logolik hilingisugun mene inonggoren hilingiti'lek welagaukwa. We, inonggwarek inendawimo nen anggaluk inomamerogo hilingiti lagaukwa andi.

ROMA 14:10

Nerugwi nagaila'lak. Nit ninebe mondogat Allah nen ninanema wanigin oba logoin meneat he, hit hinerugwi hinagaila'lak hinom hinendawinggen Allahba himbiret fikhi lagep mene andi, nenahalok wene inoba figik, hinendawimo sebelfisigik, ikhi lagep?

ROMA 14:3

It hesanggeat nenggarek mene andi inebe Allah nenat woginafemo. Halok, it nenggarek lek mene andi inendawimo nen, ”It weago,” iluk wene inoba fogoin lek. Nen, it nenggarek mene andi nen he, it nenggarek lek mene andi inendawimo sebelfisogoin legaro.

ROMA 7:9

An attak he, wene Allah nen komotninafikhe wene andi nonggot logolik he, neluk fano welagi hangge welagagi. Mene re, wene komotninafikhe wene a'nogo nelu agagisik oba nen he, weak hilingitarek andi mene omame agaikhemo,