LUKAS 18:7 - Allah Wene Fano Wene Hupla Inane

⁷ Andi hangge, at Allah nen againafuri wenagaisogo fisasikhe mene halogen linggene hubanggo inane ninghogo ayonggo fugu halok he, elele woginabigin lek nogo? Inane konhi logombigen, hobuk halok elele woginabigin nogo?

LUKAS 18:7 Iomraidhean Croise

MAZMUR 88:1

Wuni it inunggulenu Korah mene inawuni. It afuni wuni wulak fuluk ugunem yanggulinafu mene faget, wuni unggulenu: Mahalat Leanot awi Ezrahi mene andi nen yagaisikhi lagaikhe awuni.

MAZMUR 9:8

Meneat he, At Tuhan he Lego mene logolik melalinafu mondok logogin. Aren afuni kweangma mene mondogat inawene pilingisogo katoget fuguba faget obalik takhta a'nogo wurogo fikhemo werek.

KELUARAN 22:23

Hiren hinanini it inoba fikhi logogun halok he, iren lebetninabin o, iluk inane kweti logogun mene andi An Tuhan nen nesanggo holhi logogin.

YESAYA 40:27

Andi nen he, Israel hat he nenahalok hendawinggen sebelek welagen mene andi Tuhan hit hineisena mene a'nogo eilenggen hugu legen hakhogo anggolo hurane aple andoma ugu welagen nogo? Hiren ikhi lagep mene andoma re Aren hit hinangge mene faget inom, hit hinebe asugun mene faget inom halhinobagagu legen ikhi lageba?

HABAKUK 2:3

Wene ebe hilinglasigin oba oan andi nen he, lisu palogo fein o. Oba nen he, ebe hilinglasigin oba andi weak-weagat wesigin, An nen ebe hilinglasigin iluk yagaheti mene andi re eberogoat hilinglasigin o. We, wene ebe aninuat werek kwelek meneat he serogo logoino! Eberogoat hilinglasigin iluk eberek logoino.

MATIUS 24:22

Weak hilinglagunem hogoin andi re, at Allah nen he, ”Huli yi huli araro,” iluk igi'lek kamo ilepma re, afuni mondogat felelenghogo telinafi'lek weagat a'lep. Meneat he, At againafuri wenaginafikhe mene faget enek he, ”Weak arat hegebo,” iluk, huli wasigin werego.

MATIUS 7:11

Hit hinobabut weak hilingiti lagep meneat he, hinagainafuri fano mene wogisagarek andi hinelumo re, fano mene wogisikhi lagep andi. Andi hak he, hineisena Allah pogoroba mene andi re, kino yagasugun mene halok mondok fano meneat wogisagain lek nogo? Wogisagain aro.

LUKAS 11:13

Hit hinobabut weak hilingiti lagep meneat he, hinagainafuri andi fano mene wogisikhi lagep hinelumo re, fano meneat wogisikhi lagep andi. Andi hangge, hineisena Allah pogoroba mene yagati logolik, hareagun andi wo'nisan o, iluk, kino yagatep halok he, wokhisagain lek nogo? Wokhisagain aro,” iluk yagaisasikhe.

LUKAS 2:37

sogwe fesikhesik oba nen, at ebe umur 84 tahun mondok yaman agaikhesik welagaikhe. Logolik enggi ekhe sumburu ninggi'lek ambe heang fakhasikhesik Allah awi wuri'mo andoma linggene hubanggo abit agi'lek samban mondok ikhi lagaikhe.

LUKAS 21:28

Wene mondogat hilinglasigin igi andi, eroma hilinglaga halok he, hit hinendawimo nen he, Telninabigin a'nogo arat horogasi waga o, iluk, hinebe menlasimbik hinot legeisogo logoino,” iluk yagaisasikhe.

ROMA 8:33

Allah nen ninebe wenagaisogo wo'ninafikhe mene halok, wene ninoba mene korogo wokhamo re, hobuk wene sa nen ninoba fagain nogo? Elo'lego.

KOLOSE 3:12

Hit hinebe Allah nen wenagaisogo onggwarek faget fakhasikhesik he: ”An nonggwarek nagainafuri o,” iluk endawirogo welagarek andi. Halok he su ket mene labetarek hak, hinobabut yi mene wanino. Inebe inendawirinafarek mene andi inom, inobabut enago welagaikharek mene andi inom, inonggwaregen fogerakhigi'lek inendawinggen seberogo welagaikharek mene andi inom, inobabut liokhogo hilingitarek mene andi inom, inafe morogo welagaikharek mene andi inom, hinobabut andi mene wanino.

1 TESALONIKA 3:10

Hit hinendawinggen Kristus oba himbiret fesigip meneat he, oan hangge andi nen, nit ninebe hinoba wesimbigen hinendawinggen hobuk ago wathinobagai wesuogeluk samban hit faget linggene hubanggo ugu mondok welago.

2 TESALONIKA 1:6

Ninoe Enupogot Yesus agoromi malaikat yonggo nikharek mene inom pogoroba nen inomamerogo weinam hogoat endu amulok anggele'ma pi wagunem he, Allah nen wene afuni inoba higithogo fikhi logolik, it hit yi enggin ti enggin hilinghinabi'lagwi mene, onggo higithogoat weagerinafik, nen hit yi enggin ti enggin hikhi lagep mene andi, nit ninomat ninendawimo fanotninafik, igino. A'nogo ikhi logolik he, it afuni Allah ebe inelu asu inabit logolik, ninoe Enupogot Yesus hilingitikhe wene fano wene a'nogo wanhi'lek herakfisili'lagwi mene wene inoba fagaino.

1 TIMOTIUS 5:5

Mene re, hemi sogwe eberogoat afuni ero it mene le'ma inalegat logolik he, ”Allah nenat lebe'nisagain,” iluk, inendawinggen at oba himbiret fuluk, linggene hubanggo ayonggo figik, kino yagatik, ugu mondok welagaikharek.

2 TIMOTIUS 1:3

An nombalak Allah awe a'ma logolik, inonggwarek inendawinggen misigat fano logolik, at faget hilingitik, fogeratik, ikhi lagaukwa hak, an a'nogoat hilingiti logolik, hat hoba mondok eberegat, hat faget linggene hubanggo samban ugu mondogat logolik, Allah hai wati lagi o.

2 TIMOTIUS 2:10

Andi nen he, it afuni ekhe Allah nen wenaginafikhe mene halok, Kristus Yesus inom hunisumo inebe telinafik, ineluk fano mondok logouwageluk fanorinafik, uageluk he an a'nogoat weagetnafu kwelek nafe morogo welagirek andi.

TITUS 1:1

Titus namlogo e. An Paulus, Allah amingmingengge logolik, afuni aren wenaginafikhe mene inendawinggen at oba himbiret fuluk were'ma ago warinafik, nen, nit at awe a'ma logolik ebe wene yagaisikhi lago wene a'nogo furogo inelu asuageluk yagaisigik, uageluk Yesus Kristus nen nayonggo fesikhesik laknobagai wagaikhe mene a'nogo nen, wene yi lisu palogo hoba lakfei wagi andi.

1 PETRUS 1:1

Nerugwi nagaila'lak. An Petrus, Yesus Kristus nen na yonggo fesikhesik laknobagai wagaikhe mene a'nogo nen, wene yi lisu palogo hit nineisena Allah nen, hinebe attagat wenakhinafikhe mene, yogondak ya elama faget o yi awi ti awi pugulogo lagepsik, o propinsi Pontus inom, Galatia inom, Kapadokia inom, Asia inom, Bitinia inom, afuni inanggelekwe lombok welagepsek mene a'nogo hinoba lakfei wagio. Hinebe Allah nenat endawimo anggaluk wenakhinafikhesik, Yesus Kristus ane hologo hilingiti logouwageluk awe a'ma hinobagagik, amep oba hothinafik, igeluk he ”An nonggwarek nagainafuri asubagaigeluk wokhinafio,” iluk at Areagun en wokhinafikhe andi. Allah obabut fano a'nogo nen fano mene wokhisigik, hinendawinggen hobugalep hambugethinafik, hokhorogo ikhi logouwago.

2 PETRUS 3:9

It afuni ekhe nen he, ”Ninoe Enupogoren wene watnisasikhe wene a'nogo, ebe wagi'lek aninurogo werek,” iluk anggili'lagwi andi re, aninurogo werek fuk. Hit hinebe endawi nen, At endawimo nen he, ”It ekhe nong asinogo,” iluk afuni mondogat inobabut weak hilingiri'lagwi mene herakfisaluk inobabut hebelasuageluk, eranenat endawimo anggaluk aninurogo werek andi.

WAHYU 18:20

A'nogo ugu kwelek, at ekhe nen he, it Allah againafuri mene mel yagaisikhe: ”Allah nen he, hit hinunggulmo it o Babel mene wene inoba fuluk weagerinafe andi nen he, hit pogoroba mene mondogat hinendawimo hinagaiyegetik, hit Yesus nen hinayonggo fikhesik lakhinobagasikhe mene inom, hit at ane yagaisikhi lagep mene inom, hit Allah againafuri ekhe inom mondogat hinendawimo hinagaiyege'ni o,” iluk ugunem holhi.

WAHYU 6:10

It a'nogo logolik, inane hokhorogo mel ugunem holhi: ”Nineisena Allah homame hokho tegelek mondok logolik, higithogo nek hilingitendek mene nineisena. Henggi miren logombigen afuni kweangma mene nen nit ninoatukwa a'nogo ninunggulmo wene inoba fembik inoasigin nogo?” iluk yagati lagaikhama,

WAHYU 7:15

A'nogo hilingitasik andi nen he, Allah kain welagarek mene obuluk oba ebe were'ma eilhanem mendek logolik, at awi wuri'mo at faget linggene hubanggo hilingitu were'ma, at kain welagarek obuluk oba werek a'nogo nen, afuni nen mo aik inoasinogo iluk, o wutarek andi hak, at ebe nen it sebelogo ferinarek logogin o.