LUKAS 18:4 - Allah Wene Fano Wene Hupla Inane

⁴ A'nogo yagasi wagunem he, ap kain a'nogo nen attak ane holhi'lek abiret fikhi lagaikhe meneat he, hobuk endawimo ebeti logolik he, an nobabut he, Allah nailo legat logolik, afuni agaukhogo nendawirinafirek lek meneat he,

LUKAS 18:4 Iomraidhean Croise

LUKAS 12:17

at ap a'nogo endawimo nen he, Awi yati mene ebe enggen hokhorogo ite andi, ebe palogo fagain oba obuluk lek yoma, ninggi'nogo hilingisigin, iluk, endawimo ebeti lagaikhe.

LUKAS 16:3

A'nogo yagatikhemo, at amingmingengge a'nogo endawimo nen he: Noe nen, an naiba logolik nagarek fisogo logogin lek. Wulak nobagagin, ikhe andi, an ninggi'nogo hilingisigin. Wulaknobagaikhe halok, an yabu helikhi logogin he, nenggi maben. Nen, nambe kino weak yagaisilik nikhi logogin he, nenggali o.

LUKAS 18:2

”O sili ekhe, ap kain mene wene inoba figik, kotik, ikherek mene ekhe Allah ailo lek logolik afuni agaukhogo endawirinaferek lek mene welagaikhe.

LUKAS 18:3

A'nogo were'ma, he sogwe mene ekhe o sili andi welagaikheat. Logolik, hundik-handik ap a'nogo oba wagu mondok logolik he, mel yagati lagaikhe: Ap ekhe an nemberek weak mene haren elele wo'nabinogeluk wagi o, iluk yagasi waga lagaikhe.

LUKAS 20:13

A'nogo mondok hilinginafukwama re, at kain eabu eisewerek mene a'nogo endawimo nen he, hobuk he, ninggi'nogo hilingitasik he. An nonggwarek namlogo nendawinggen hundik mene yiat inoba lakfoumo re, inane agaukhogo hai warogo wanugun anggikhi lagi, iluk anggasikhesik lakfei wagaikhe.

IBRANI 12:9

Nen, nit nineisugwi ninebe ta'ninafa mene nen komotninafunem, inane hologo agaukhogo hilinginaforek andi hak, nineluk logouwageluk nineisena nen ninendawimo ket ta'ninabi'logo mene ane hologo agaukhogo hilingisugun lek nogo? At ane hologo hilingisugun aro.

HAKIM–HAKIM 14:17

A'nogo yagatikhemo, pesta a'nogo hilingitu inenggi 7 hari logolik, at Simson agwe a'nogo le agu mondok welagaikhe. A'nogo logolik, agun oba limamit falogo le agu mondok logolik, ”Yaganom o,” iluk ninghogo ugu welagaikhemo inenggi ekhe 7 meneba nek he, ”Wene andi ebe yi'nogo mene faget yaga isigi o,” iluk fakhogo yagatikhemo, at hele a'nogo nen it ap Filistin mene omanogo yagaisasikhe.