LUKAS 18:12 - Allah Wene Fano Wene Hupla Inane

¹² An he, minggu misigat oba nenggi pireba sumburu ninggi'lek heang fuluk welagik, nagarek yi mene ti mene fakhigirek mene, mondogat nenggi wenagaisogo re, nomoloba asi wagunem, ekhe hat faget hobagagik, igirego. Neisena, iluk isikhe meneat he,

LUKAS 18:12 Iomraidhean Croise

2 RAJA-RAJA 10:16

ane yi'nogo yagatikhe, ”An nen Tuhan obaget hilingiti logolik namurururogo hilingirik laga-lagi mene heilenggen hanogen he an ninom louwogen eme o,” iluk yagatikhe. A'nogo yagatikhesik he it aremnogo inebe seberogo inagge kereta ba lagasukwasik o Samaria lagaukwa.

YESAYA 1:15

Hiren samban ikhi logolik hinenggi liakfuluk yaganeti lagep mene andoma re An nen fut hinobagagu aple re nabit aro. Hiren afuni hokhorogo inoati lagep mene andoma inamep hinenggiba werek andi nen he samban hiren hokhorogo ikhi lagep meneat he An nen nesanggo holhu re nabit mondok welagirek andi.

MALEAKHI 3:8

yogondak he, An nen hit heinok wokhisak: Afuni nen he Allah lalu hak nogo? Eberogo nen he lalu lek hago. Oba nen he, hiren An lalnafi lagep andi. Hiren heinok wo'niikhi logolik, ’Ninggi'nogo lalhafi lago nogo?’ ikhi lagepma re, An nen onggo ikhi logolik he, ’Hiren nomolo mene An nobaget fei waga lagep mene andiba inom, An faget enogo fuluk wo'nesi waga lagep mene andiba inom, lalnafi lagebo.’

BILANGAN 18:24

it faget inalolegengge logogin mene re An nobaget afuni Israel mene nen enogo fuluk wo'neti logogun mene andoma wogisigi andi. Ma re it ap Lewi mene faget An nen ikhi logolik afuni Israel mene inoba andoma it inalolegengge mene ekhe logogin lek igi andi.” iluk yagatikhe.

BILANGAN 23:4

Lagasikhemo, Allah at oba wagaikhemo re, Bileam en Allah mel yagatikhe: ”An nen wam warogo nolhesigin oba obuluk 7 nen wutfigirik he, ebe lombok amboloba re, wam sapi ai mene misik inom, nen domba ai mene misik inom emberek wuthogo warogo nolfuluk wagi o,” iluk yagatikhe.

MATIUS 5:20

Allah endawimo anggikherek mene higithogo hilingisuogeluk he, it afuni nen Allah ane lisu palek eisewerek mene omanogo inom, ap Farisi mene inom, inobabut hilingiri'lagwi andi hagat hilingiti logogun halok he, Allah awe a'ma fisikherek oba andoma kugun lego. Eberogoat Allah endawimo anggikherek mene higithogo hilingiti logogun mene halok enek kugun o,” iluk yagaisasikhe.

MATIUS 6:1

A'nogo yagaisasikhesik he, ekhe mel yagaisasikhe: ”Allah nen yi'nogo hilingiti logoino, iluk isikhemo, hiren higithogo hilingiti lagep mene andi, afuni nen ineilenggen hisikhi logouwageluk sele'ma hilingiti logogubo. Ineilenggen hisikhi logouwageluk hilingitep halok he, hineisena pogoroba mene nen onggo wokhisagain mondok lego. Hit hinendawimo ebe'ni!

MATIUS 6:16

A'nogo yagaisasikhesik he, ekhe mel yagaisasikhe: ”Hit sumburu ninggi'lek sambanat ugu mondok logouwogeluk halok he, it afuni ekhe inagap oba nek fano hak logolik, inendawinggen pire mene nen, Afuni ekhe nen enegat futninobagaluk inelokhonggen ofuselogo welagaikharek andi hak, logogun lek. It andi onggo hela hak he, we, afuni nen enegat yerisagarek andiat iluk, eberogoat yagahisigi o.

MATIUS 6:5

A'nogo yagaisasikhesik ekhe mel yagaisasikhe: ”Halok he, hit samban ikhi logolik, afuni ekhe inagap oba nek fano hak logolik inendawinggen pire mene nen he, samban ikhi lagi andi afuni nen futnobagauwageluk, Allah awi wuri'mo kwagaresik he, inebe menla'luk samban igik, kwe handogalma menla'luk samban igik, agarek andi hak he, ikhi logogubo. It andi onggo hela hak he, we fogerinabi'lagwi andi aro, iluk eberogoat yagahisigi o.

MATIUS 9:14

A'nogo yagaisasikhesik oba nen he, it Yohanes agoromi ane wanhi lagaukwa mene Yesus oba wagaukwasik he, mel yagatukwa: ”Nit inom, it ap Farisi mene inom, samban hundik-handik uogeluk, sumburu ninggi'lek welagorek meneat he, it ap hat hane wili'lagwi mene yoma nek he, a'nogo hilingiri'lagwi lek andi nenahalok,” iluk yagatukwa.

LUKAS 11:42

Mene re, hit ap Farisi mene Allah nen weaget hinabigin o. Hiren he, Allah ebe inendawinggen hundik welagaikharek andi inom, afuni ekhe faget higithogo hilingitarek inom, hilingiti logou werek kwelegat he, a'nogo hilingiti'lek logolik, larengga hangge inom, heinde hangge inom, su'lingga hangge inom, hinenggi wenagaisogo hinomoloba asi wagunem, misigat ekhe Allah faget fisikhi lagep andi, wene ebe esanggoma mene andi fano hilingiti lagep meneat he, wene esin mene hilingiti'lek herakfisikhi lagep andi weago!

LUKAS 17:10

Hit he andi higiraro: Yi'nogo hilingi'no, ti'nogo hilingi'no, iluk yagahisamo andi arat hilingfuluk he, mel ikhi logoino: Lego. Nit oba loukhogo hilingisumo hai wa'ninabigin mene hilingiti'lek. We, hamingmingengge mene logolik hilingisu mene nek hilingisigin, iluk ikhi logoino,” iluk yagaisasikhe.

ROMA 3:27

A'nogo hilingninaferek andi nen he, ninonggwaregen fogerakhikhi logogun nogo? Fogerakhogoin mondok legaga o. Ninggi'nogo nen nogo?. Nit ninonggwaregen wene Allah nen komotninafikhe wene higithogo hilingirikhi lago andi nen ninambotkwe hunogo ninobagasikhe nogo? Lego. Ninendawinggen at oba himbiret fugunem, arenat hunogo ninobagaikherek andi nen, fogerakhogoin elo'lego.

1 KORINTUS 1:29

Andi nen he, nit afuni ninonggwaregen Allah eilhanem fogerakhogoin lego.

GALATIA 1:14

Wene nit Yahudi mene ninombalagen yaganisasukwa mene a'nogo fisogo logolik he, it an nagaila'lak ninom higit mene nen wene inendawimo seramhogo hilingitu kwelek, an enek he, nomamerogoat hilingiti lagagi andi.

EFESUS 2:9

Hiren, ”Nit fano hilingiti lagaguba telninafikhe,” iluk, hit ekhe hinonggwaregen fogerakhogoin mondok lego.

1 TIMOTIUS 4:8

Afuni inebe faget mep elukhogo inenggingge wanharek andi, yogondak ya elama faget endebat fano hak hilingitarek. Meneat he, ninendawinggen faget Allah awe a'ma logolik, at eabu wanhi logoumo, at Allah nen he, ”Yogondak hineluk welagep mene faget inom, hobuk hineluk mondok logogun mene faget inom, fano mondok asigino,” iluk, abok yaganisasikhe andi eberogoat.

1 SAMUEL 15:13

A'nogo yagatukwama, at Samuel Saul herarik lagaikhesik, emberek ambi agaukwasik at Saul en he, Samuel mel yagatikhe: ”Nineisena Tuhan nen fanothafi logouwago. An nen At nineisena Tuhan nen, yi'nogo hilingi'no, iluk yaganete hagat hilingiti o,” iluk yagatikhe.