LUKAS 18:10 - Allah Wene Fano Wene Hupla Inane

¹⁰ ”Ap inebe pire mene samban uogeluk, Allah awi wuri'mo kwi lagaukwa. Ap ekhe re, Farisi mene. Nen, ekhe re, uang pemerintah faget kino iluk andogoterek mene.

LUKAS 18:10 Iomraidhean Croise

1RAJA-RAJA 10:5

awi istana ba andoma agoromi yabu hilingiti lagaukwa mene inom, inasu eil misik mene nek fanorogo laberek welagaukwa mene inom, inawi wurik inom, eilenggen hasikhe. A'nogo hasikhesik, amburu isago inom, agai hilingik inom, noagaluk isatukwa mene fei wagik, afuni seni pesta isago sumburisikhi lagaukwa mene omanogo eilenggen isigik, at Salomo nen wam yi mene ti mene Tuhan Awi wuri'mo a'nogo fisikhi lagaikhe mene omanogo eilenggen higik, isikhe. A'rigini'mo hasikhesik, a'manggen mondok lagaikhesik he hokhorogo fogeratikhe.

2 RAJA-RAJA 20:5

hambotkwe Hizkia afuni Tuhan againafuri inobaget raja werek mene andi ambit kwimbik he wene yi yaga'no isikhe, ”An heisena Tuhan Allah homba Daud en apne wanhi laga mene a'nogo nen he, haren samban egen mene andi nesanggo arat holhirik he, heil amusu pelafen mene andi ogo mondogat higi o. Andi nen he An nen hat hebe fanot hobagagin enggere, o agere An nawi wuri'mo omanogo lano o.

2 RAJA-RAJA 20:8

A'nogo yagaisasikhemo re at Hizkia nen heinok wokhikhi logolik he, ”Tuhan nen enegengge ninggi'nogo hilingnabigiluk an fano hilingisogo nobagambik nenggi henaganek meneba Tuhan awi wuri'mo wo'narek lagain nogo?” iluk isikhe.

MATIUS 10:3

Filipus inom, Bartolomeus inom, Tomas inom, Matius pemerintah faget uang kino iluk wanhi lagaikhe mene a'nogo inom, Alfeus amlogo Yakobus inom, Tadeus inom,

LUKAS 19:46

”Allah nen he, An nawi wurik yi re, o samban ikhi logogun oba aro, iluk, lisu palek werek meneat he, hiren he, it afuni ekhe inangge inenggi abisak telogo helagarek mene inawi hak wurogo fisikhi lagep yi ri!” iluk wenagisasikhe.

KISAH PARA RASUL 26:5

Nit Allah awe a'ma kuluk logolik hilingiti lago wene andi, it ap ekhe Farisi mene inawene fisogo logolik, hesanggeat hilingitu kwelek, an enek he mondok ninghogo fisogo logolik hilingiti lagagi andi, it ap yoma endamat en inelu mondok werego. Halok iren he, andi eberogoat hilingiti lagaikhe meneat ikhe, iluk yagahesugun he a? Lek he a. Irenat ugun o.

KISAH PARA RASUL 3:1

Inenggi ekhe sambul he, jam 3 oba, mo hea i lageluk ugu kwelek, Petrus Yohanes emberek, afuni Allah awi wuri'mo samban ikhi lagaukwa hak uogeluk ugunem, inoba lagasukwa.

FILIPI 3:5

An nebe ta'lagagimo inenggi 7 nen welagaukwasigen, inenggi ekheba, nagap nenggalimo mene palnafukwa andi. Nebe Israel mene, nunggulenu Benyamin meneat, nagaisa neisena Israel mene andi nen he, nebe Ibrani eberogoat meneat ta'lagagi andi. Wene Allah nen komotninafikhe wene a'nogo faget, ap Farisi mene nen fisogo welagaikharek hak, ninghogoat fisogo welagagi mene.