LUKAS 17:3 - Allah Wene Fano Wene Hupla Inane

³ Halok he, hinebe elelerogo re, hinebe hebelogo logoino o. Hit hinerugwi hinagaila'lak ekhe weak hilingitu halok he, komora'no o. Komorati logoumo, obabut hebelhe halok he, weak hilingite mene andi sebelogo legetfisano.

LUKAS 17:3 Iomraidhean Croise

MAZMUR 141:5

Ap fano mene ekhe nen an nenggali warogo nobagaluk, endawi fano nen komotnafu halok, andi faget an nendawimo nen he amusu fano mene hangge anggikhi lagi. Iren ina'mageba hilingiri'lagwi mene andi faget he hundik-handik samban ikhi lagi hilingi'mo re, andi faget an nen herak fou lek hak.

KELUARAN 34:12

Afuni o hit logoin oba andoma mene hinom wene watunem he, paik hele fugunem alonggop ke'nok ikherek andi hak ke'nok imbik hinebe wa'lasugun andi nen he, o afuni andoma mene were'ma laga logolik hinom wene ekhe watubo.

AMSAL 17:10

Ap kembu mene oba fe'nengge inenggi seratus huli nen inoatarek andi along werek lek oba nen, ap hebelek mene oba inenggi misigam yagasugun mene andi nek he elok fut fikherek.

AMSAL 27:5

Inendawirek logolik weinamhogo yagaisagarek lek andi re endebat elo'lek meneat he, weinam inenggali warogo komorinafarek andi nek he mondok fano.

AMSAL 9:8

Ap ekhe yagatunem abit anggugu halok he, hat ha'mage at oba fou fuk, a'nogo hilingisigin halok he, aren hat hebe abiret hobagagakhi logogin. Oba nen he, ap hebelek mene oba nek he haren at oba weak hilingik mene andi yagasigin halok he, aren endawit habigin werek a'naga.

IMAMAT 19:17

It afuni ekhe faget hit weak hilingitep hanogo nen he, it ekhe hinom weim palek hangge welagep mene andi, inoba ambumet fuluk logogun mondok lego. We, sagalogo legetfikhi logogun o.

MATIUS 18:21

At Yesus nen a'nogo yagaisasikhemo at Petrus oba wagaikhesik he, mel yagatikhe: ”Noe. An nagaila'lak ekhe nen weagetnafa halok he, wene andi ambumet figi'lek he, nenggi miren oba sebelogo legetfisagain nogo. Huli nenggi 7 ba nen sebelogo legetfisagain a? Elo'lega,” iluk yagatikhemo,

LUKAS 21:34

At Yesus nen wene a'nogo yagaisasikhesik he, ekhe mel yagaisasikhe: ”Yi mene ti mene isago werago hinalabut ninghogo ninggik, i lugulugwi paluogeluk nenggarek mene ninggik, yi mene ti mene kweangma mene faget menenei uan horok ebetik, a'nogo hilingirik nikhi logolik hinebe hebelek lek hesanggeat were'ma,

EFESUS 5:15

Andi nenat, hinobabut hebelogo hilingiti logoino o! Afuni inendawinggen mum mene nen hilingitarek andi hak hilingiti'lek, inendawinggen wenggelek mene nen hilingitarek hak hilingiti logoino o.

ULANGAN 4:15

A'nogo yagaisasikhesik, ekhe mel yagaisasikhe: ”Nineisena Tuhan ebe tom Sinai endu amuilok anggele'ma logolik ane yagahisasikhe meneat he, ebe hineilenggen hasigip mondok lek andi, hinendawimo eberek mondok logoino o.

ULANGAN 4:23

Nineisena Tuhan Allah nen wene warogo wo'ninafikhe andi hinonggot agi'lek hinendawimo eberek mondok logolik, komothinafikhe wene andi hologo higithogo hilingiti logoino o. Nineisena Tuhan obabut he, endu inebe mondok felelenghogo ninggerek andi hangge logolik, afuni nen At ebe hangge ekhe alik hilingisogo fuluk fogerati logou abit mondok welagarek andi nen he, hiren tugwi kembu yi mene ti mene alik hilingisogo fakhaluk fogerati logouwogeluk ekhe wutubo.

ULANGAN 4:9

Hit hineluk logolik, wene hilinglagunem hineilenggen tomok hegep mene andi hinendawimo eberek mondok logoubagaigen he, wene yagahisigi mene andi fanorogo futfembik he, hinendawimo eberek mondok logoino o. A'nogo logolik he, hiren hinagainafuri inom, hinombalak inom, wene hilinglagaikhe a'nogo mene yagaisikhi logoino o.

IBRANI 12:15

Afuni hit mene ekhe Allah obabut fano nen wo'nisikherek mene andi herakfisaluk wulifunem he, awingge awi ale weak mene fulelek were'ma, fano mene oba a'luk alet fikherek andi hak, at andi nen afuni mondogat weagerinabinogo iluk hineilenggen fanorogo logoino o.

YAKOBUS 5:19

Nerugwi nagaila'lak. Hinerugwi hinagaila'lak ekhe ebe wene herakfisaluk kwanirogo nong asi laga halok, hit ekhe nen hobuk ambotkwe Allah oba waluk wesugun andi faget,

2 YOHANES 1:8

Nen, niren hit hilinghinobagakhi lagagu a'nogo faget, hit ekhe onggo wanhi'lek nong asinogo iluk, mondogat wanubagaigen he, hinobabut hebelogo logoino. Logolik he, Allah nen, ”Hit onggo wokhisagain,” iluk wene wa'nisasikhe a'nogo, hit ekhe nong agi'lek mondogat helobagaigen he, hinomamerogo hilingiti logoino o.